nicht registriert

Guete morge

mir hei hz-technisch au nüt gmacht. i bi am samstig auno go spaliersto anes hochzyt und gester hani dr ganz tag volleyball gha. ha fasch kei muskelkater

@lela jo 1400 findi jetz auno grad gnueg.... am obe weiss i au nonid genau. i glaub mr miete eifach neume boxe und denn mache mr e playlist ufem iphone und docke das a, fertig. e live musig wär z lut im saal und zum ässe weiss i sowieso nid...bruchts musig???? wie mache die andere das?
ooops das isch allerdings chli blöd...naja, mol abwarte und halt im notfall neui TM sueche, oder villicht machts eine elei und du frogsch no öbber anders. so isch es halt mit de päärli...bis im mai nögst johr cha sich das no ändere

• Zitieren

Guete Morge :)

Au mir hend nö viel gmacht, und au mir sind amne HZ iiglade gsi, es isch zwar schön gsi, aber chli chaotisch. S'Kuule isch gsi, z'gseh wie sie's mit übersetze gmacht händ.

@musik, aso ide Chile hämmer eh Jugendgottesdienst Band arrangiert aber am Abig hämmer niemert. Hani mir gar no nie überleit.

@TM/TZ, das tuet mir echt leid füs Päärli & fü oi. Bi ois im Team hämmer 1 Ehepaar, 1 Paar wo i 4 Wuche hüratet & sus hämmer nö beidi igspant. E Bridesmaid vo mir isch erst 1 Monet mit ihrem Fründ zäme gsi, und ich kennen gar nöd.

@all, was nämet ihr fü schue mit zum Chleider probiere? Scho mit absätz oder ohni? Wenn buechet ihr oi Flitterwuche? Mir sind nanig dezue cho ha chli es bange das Priise grad uufeschnellet.

Oisi Chärtli sind acho, ez mümer na de Text schriibe und den abschicke bi mega happy

• Zitieren

@TM
ich weiss abwarte isch wohl z beste, aber s macht mi halt glich nervös, vorallem will ja si de d asprechspersone gsi wäret... :(
hmm es isch scho sehr überraschend cho, si sind scho lang zämä und es isch au völlig nid am krisle gsi, vorallem seit er jetzt scho das er scho lang nüme sicher gsi isch, aber er het ihre erst gad vorer wuche no rösli hai bracht und so...

@musig
ich denke es brucht scho musig, aber ob live oder ab band, weissi au nid...

@schuh
würet ihr demfall fascht zerst go schuh poschte, ich han ja ebe chli müäh mit dene well ich so grossi füäss han...

@flittis
mir gönd AUG-OKT 14, noch de hochzig werdet mer nur 2-3 Tag go Wellnesse oder so.
mir sind letscht fritig bi globetrotter gsi und hend eus berate loh, mer werdet jetzt wohl mal so grob folgendes mache:
Züri-Toronto - 2,5-3 Wuche Kanada Rundreis - Toronto-SanFran - den 3-3.5 Wuche via LasVega uf LA inkl. 3-4 Tag Bade - LA-NY - 3 Tag NY - NY-Züri

• Zitieren

Hoi zäme..

Mäude mi o wieder mau.. do geit jo post ab bi öich

ojee..fingi mega schad hei öii TZ's so reagiert..mini ladies si fasch usgflippet vor freud u si chöis o chum abwarte!

=>lela.. hui, das isch jo gar nid schön...! gloubi das do gad chli närvös wirsch, aber würd glich mau no chli abwarte! hoffe das e gueti lösig fingsch!

=>musig, eini vo mine beste kolleginne isch Sängerin u si wird ar trouig eis, zwöi lieder singe..fröie mi scho mega! u am obe hei mir e DJ wo eifach so chli Background musig mache u när de wenn Party los geit!

=>schueh, wirdi de gad dert luege woni ga go dchleider probiere.. isch öper vo bärn u weiss gad wos es guets brutmodegschäft het?! ha mi no nid so drum to

=>flittis, mir wüsse no gar nid wenn das mir id flittis wie go..

(sorry bi mir spinnt ds at gad)

• Zitieren

nicht registriert

@similein: i bi vom seeland also z bärn gits liluca, mery's, , hostettler riggisberg, tessa & thomi in thun...nur mol es paar zur uswahl. und dr brutschuehlade isch au z bärn

@lela85: ja chasch dr jo no chli zyt lo zum luege wie sich das entwicklet. villech chöme si j au wider zäme. aaaaaaaah, ok das chönt scho eher schwirig wärde. genau, im dütsche gits sicher! also bim chleid probiere muesch si noni ha, aber denn bim abstecke für d änderige wärs allwä guet du hättsch d schueh.

• Zitieren

@ janedoe: danke für de tipp. mir gönd übernächst samstig mal uf konstanz go luege

ansonste hämmer ide letschte 4 woche praktisch nüt gmacht. mir händ jetzt eigetli alli fixpünkt erlediget und dekosache hani au scho fascht alles. allerdings gsehn ich da ufem forum amigs plän woni dänkt ich sig no nieneds...mal luege, viellicht bin ich z'entspannt

schöns tägli euch allne!

• Zitieren