ah ja, hani no vergässe. ich han mis standesamtchleid under hochzytsartikel zum verchaufe iegstellt falls öper interesse hät. es isch mis absolute traumchleid aber ich han mich jetzt doch umentschiede und möcht nöd am standesamt und ade eigentliche hochzyt wiiss träge. s chleid isch ivory, grössi 38 und chan easy abgänderet werde. s isch vo j.crew (bekannti amerikanischi marke) und hät neu chf 400.00 kostet. ich gibs für chf 150 inkl. versand ab (verhandelbar). würd mich freue, wänn öper i dem chleid hürate würd wills würkli superschön isch...

• Zitieren

Hoi Mitenand

ich meld me au wieder mal.

Mir hend ez oisi Karte becho, und münds no zäme bastle, was mir am Suntig machet.

Oisi Gschenkwebsiite isch ez den glii au fertig gstellt, aber online isch si scho

ez muni no no d'Info website mache

Oisi Fotografin het leider müsse absäge, da sie den es Neugeborenigs wird ha. Ez hämmer per zuefall en neue gfunde im Internet wo ois gfalle het, & agfrögt. Und er het sogar Ziit a oisem Datum. Am 23. Sept. tüemer ois ez ma treffe.

@weddingbee, was wotsch den ez aleggä?

• Zitieren

ich legge wahrschinli es koralfarbigs chnülangs chleid mit nudefarbige higheels a...ich bin mir nie ganz sicher gsi öb ich wott klassisch elegant oder eher modisch agleit sii am standesamt und han mich zerscht fürs eine und jetzt aber definitiv für die zweit variante entschiede.
ich find de gedanke no cool das mer sine chind irgendwänn chan säge "das hät mer frühener treit". han minere muetter ihri chleider grauehaft gfunde aber han de satz irgendwie mega lässig gfunde
und du?

• Zitieren

ja det häts rächt cooli chleider...ich han mis ebe letscht jahr mal kauft, aber nie agha. und jetzt hani mini traumschueh und clutch gfunde und jetzt passt das chleid ebe megaguet...aber ich bin ebe eini wo e idee hät und dänn grad alles muess poschte. und wie mer jetz gseht hani scho eis chleid zvill

• Zitieren

hey liebi mai brütlis

wo siternem gad drannä? was steit i nächschter ziit a?

mir hei äs paar hotels usägläsä uf üserä hz-reis und ar reiseberaterin dürägä zum reservierä.
und i ha agfangä d kouvert a ds schribä. bi gad säuber über mi erschtunt, wi schön dasi cha vrschnörklet schribä wes mues si
hüt hei mit no 2 stundä änglischwalzer tanzkurs.
ds wunschbüechli isch mitlerwilä fertig.

häbet äs schöns weekend u bis gli.

• Zitieren

hallo mitenand,

@morelina,
wie hesch dis wunsch buech gmacht?
bhuuu tanzkurs... müässtet mer wohl au no mache, mir sind zwar gar nid d tänzer :)

@flora,
willkomme bi eus, wetsch chli vo dir verzelle? mir sind alli gwundrig :)

@me
bhuuu im moment isch bi eus gad chli schleppend.
bi eus hend sich ja d TM's trennt und das hets chli is stocke bracht, weiss jetzt au nid so gnau wie wiiter...
letscht wuche simer na bim caterer gsi, und hend s menu usgwählt, im moment bini eigentlich überzoge, weiss aber nid wie lang :)
am 15.9 hemer s shooting für d chärtli, hender echt chli tipps was mer da am beste so sett alege? und wie henders mit frisur und schminke?

nöchsti punkt sind wohl s definitive budget erstelle inkl. de Date ect für d reis :) zudem muni mal afange adresse zämäträge :)

• Zitieren