| Mai Bräute 2014 |
|
|
1 2 3 4 5 .. 72 .. 138
|
morelia  am 12.07.2013
Re: Mai Bräute 2014
@lucylu: danke für d info. de chöi mir ja ds zivilä guet ir glichä wuchä machä wids kirchlechä. super.
@stellablack: du bisch ja scho mega früeh drannä mitem chleid 
@canella: was für deko weisi scho, bi aber no am sammlä. ig ha so holz-brätli kouft ar bluemäbörsä. när düe mir am fluss säuber sand holä und la tröchnä ar sunnä für dert dri. druf düä mir 3 glasfläschli, wo miterä lila schleifä zämäbundä si. dert si d bluemä drin. mir hei ca. 15 tischä, da si gsteck eifach ds tür für druf. drum hei mir üs für nä günschtegeri form entschidä. für d tischnummero hani so chlini betonhärzli wo ä spaut hei für ds chärtli.
was machsch du de für deko?
@lilmonkeyme: de bisch ja guet drannä. mir nämes o gärn chli gmüetlech, drum isches ja so gäbig wemä gnue zit het 
mir hei bis iz:
-chiuchä u pfarrer reserviert, ds erschtä trougspräch im oktober
-location reserviert u azaut, besprächig afangs 2014
-menu usägläsä
-dj buechet u bereits di erschti vorbesprächig ka
-fotografin buechet, vorbesprächig im januar
-hochzitsreis isch so im grobä planet, hiflug buechet, rückflug wird nächscht wuchä buechet, gspräch bi globetroter im herbscht
-iiladigä im grobä bschtlet, fäut nur no d iilag, ä schleifä und d kouvert aschribä. wärdä im okt/nov vrschickt
-tz agfragt
-feriä igä
-wunschbüechli fangs agfangä baschtlä
-aperolocation gö mir disä monet ga aluegä, isch provisorisch reserviert
-apero organisierä und zahlä gg's euterä
-turtä isch vorbesprochä (isch dr götti vo mim brüetsch)
-farbschemä isch gwäut (lila)
ja, i gloubes das isches so ungefähr... wemes so list gsehts nach mega viu us, aber äs git no meeeega viu ds erledigä, ds planä, ds choufä, ds baschtlä, ds besprächä.....
|
|
|
StellaBlack  am 12.07.2013
Re: Mai Bräute 2014
hihihi, ehr send jo loschtigi... möched mer fascht es schlechts gwösse welli scho gange go luege wägem chleid
aber esch halt wörkli so, dasi eifach es datom muess fende wo allne goht (TZ, Mami ond mer) ond da ned so eifach esch wäg de verschedene Arbetsziite. Ond ebe, ame Samschtig möchti ned ombedengt, welli mer ergendwie cha vorstelle, das es denn eifach vell meh Lüt hed ond d'Verchäuferi sech vellecht denn ned so vell Ziit cha neh.
Ond ech ha mer ebe no öberleid, dasi jo evt. no es 2. oder 3. mol muess go luege welli ned fündig werde ond ebe... es send halt schnell mol weder 2 Mönet dore bes mer weder en Termin hed wo allne goht...
|
lela85  am 15.07.2013
Re: Mai Bräute 2014
Wow ihr sind teilwis scho mega wiit, über tischdeko und so hemer eus nanig soviel gedanke gmacht... :) und bim chleid hani afig agfange luege...
mir hend jetzt afig mal euses team (TZ/TM), und wedet den mit dene im September (de chunt mini TZ vo ihrem sprachufenthalt zrugg) mal zämä höckle. Sit enere Wuche simer dra alli z Informiere (mir machet sozege STD mündlich) .
Bis jetzt hemer afig
- Pfarrer
- Location (mer machet alles am gliche ort)
- Kappele (wenns schlecht wetter isch)
- Fotografin
- en persönlichi Checkliste :)
- en halbi Gästeliste :)
- Vorschläg für Ringe
Finanzielles,
Wo hender überall müäse azahlige mache, und i wellem Rahme isch das so?
Liebe Gruss
|
lilmonkeyme am 15.07.2013
Re: Mai Bräute 2014
@stella, nei musch doch kes schlechts gwüsse ha, und mache wemmer dir sicher au keis ich gfinds super gasch du jetzt scho go luege, den chasch du ois schön brichte wie das ganze wird sii. 
@lela, ihr händ ja doch scho einiges. Aso mir händ 1'000 aazahlt fürs Resti und 50.- ad Ringe, aber meh damit mir den en Musterring bechömed. (Zum Glück au, will mir passt d'Grössi gar nöd, aso passet wüs scho aber ich empfinds eifach als eng)
Mir bstellet jetzt den d'Kartene, damit ich und mini TZ chönd afa bastle, und die spötistens endi August verteilä/verschicke.
Was bruchet ihr für e Font fürd Kärtli?
|
|
canella nicht registriert am 15.07.2013
Re: Mai Bräute 2014
morelia, wow du hesch jo scho mega viel parat
also üses farbschema isch pink, wiss, grüen. i due us fimo so chlini säuli mache i dene farbe, dört steck i de sone krokodilklemme dri mit em namensschildli. das chöne d gäst de au hei näh, chame jo när e foti drimache oder so... süsch gits bluemegsteck uf d tischmitti, au i dene farbe. ich ha ersch alles chli kunterbunt welle, will ich es zimlich grosses tattoo han am arm wo farbig isch, aber das isch no blöd zum plane...jetz hämer üs (respektive ich und är het schön jo gseit) uf die farbe geinigt. d iladigscharte isch drum grüen und ich ha so es tolls bändeli gfunde ink pink mit wisse tüpfli...huere cool!! no chli rock'n roll hihihi isch halt nid so klassisch elegant, aber für üs passt das tiptop.
für STD chärtli hani e prototyp gmacht, aber glaub mr bruchets gar nid...mr händs eh fasch allne scho gseit, vo däm här chöne mr üs das gäld und dr ufwand spare.
lela85, also mir hän bis jetz no gar nüt müese azahle, au fürs restaurant nid. ring müese mr denn no go ussueche, das mache mr denn im novämber/dezämber wenns vo dr arbeit här besser platz het.
aber mr sin im früehlig a dr marinatal gsi und hän mol so chli idrück gsammlet und mr hän total dr glich gschmack, de git das nid so e langi sach ;-) gästeliste hämer fasch fertig und checkliste hämer au  fotograf hani mol agfrogt aber no kei antwort übercho. we will see...
StellaBlack, jede machts so wie ärs für richtig haltet. s isch nur lustig zum gseh, wär was wenn macht, denn liest me das so und dänkt scheisse....ups, sött i ächt das auscho früener?!
ladies was machet dir für e wunschliste? homepage? büechli? mündlech?
|
morelia am 15.07.2013
Re: Mai Bräute 2014
@std: machemer o nid. heis eh scho aunä gseit, de spare mir üs das gäud u dä ufwand.
@azahlä: mir hei bis iz nur d location müessä azahlä (500.-)
@wunschlischtä: mir (oder besser gseit vorauem ig) baschtlä äs büechli mit guetschiinä für üsi hz-reis. ds büechli hani scho, d biudli für dri und am wuchäänd heimer d guetschiinä entworfä. d guetschiinä gseh so us, nur steit anstatt candybar z.b. fluganteil 100.- in lila schrift). mir hei o ds glichä ornamänt gno für dr voguchäfig ads schribä aus cardbox und di vorderschtä chiuchäbänk für d euterä, gschwüschtertli und groseuterä ds reservierä.
wär macht süsch no äs büechli? schicket ier das a d gescht? gg s euterä hei gmeint, das müesmä ja nid unbedingt vrschickä, mä cha das ja o umägäh. bi üs si di meischtä rächt ir nöchi bis uf so 4 parteiä.
|
|
canella nicht registriert am 15.07.2013
Re: Mai Bräute 2014
i ha mr über d wunschliste nonid so gedanke gmacht...aber es büechli wo me mues umegäh isch für üs nid praktisch will d gäst zimlich wit usenander si. villech mache mr uf d iladig irgend e vermerk oder so und cha vo mir us d TZ frage zu gschänk beantworte. de cha si mi ja immerno frage we si nid sicher isch.
mr müese eh no bespräche was mr üs überhoupt wei wünsche...will flitterwuche max. 1 wuche und reise ligt nid dinne, will mr e burehof hei...i chönt mr es schaf wünsche hihihi
|
lela85 am 17.07.2013
Re: Mai Bräute 2014
lilmonkeyme:
Was bruchet ihr für e Font fürd Kärtli?
ähhh ich stell mich jetzt villicht chli doof ah, aber was isch en Font?
Ich bin gar nid so de deko und bastel fründ, ich werd das so schlicht wie möglich halte :)
Wunschliste,
mir werdet en homepage mache und dete en wunschliste mit paar wenige gägeständ und viel ateile ad Reis tri tue :)
|
lilmonkeyme am 17.07.2013
Re: Mai Bräute 2014
@lela, sorry bi währendem schafft voll ide PC-Lingo d'Schriftart womer cha uswähle. Wie zb bimene Word(.doc) Dokument
|
nisliker  am 17.07.2013
Re: Mai Bräute 2014
hey für all wo no e internetsite mache wend... ich ha e hammer site gfund!!
http://onepagelove.com/gallery/wedding
müend mal die site aluege!!! eifach nur mega!!! und gar nöd so tür! weni jetzt nomal eini möst mache würi sie det mache
http://leeannpica.com/wedding
http://thekittyboo.com/paul_alice/main.html
|
|
|
1 2 3 4 5 .. 72 .. 138
|
Anmelden
