@morelina,
dis erste gfallt mir au sehr guet :)

betreffend de tz/tm
mir hend eigentlich am 29.9. abgmacht, ich weiss au nid was de dete sege.
ich hoffe eifach es chunt de guet... well ja ebe eusi tm trennt sind, ev. mümers na verschiebe wil die beide na züglet, ev. seb weekend. es isch chli verzwickt...

@lil
ojeee wünsch der gschnelli und gueti besserig!

betreffend frisur
dini ersti isch super... so öpis würd mir au gfalle... ich weiss eifach nid was möglich isch, da ich nid so viel haar han :(

@jane
bi gspannt uf din bricht, wie isch gsi?

@me
gester isch de pfarrer bi eus gsi, es isch mega toll gsi, er het sich ziit gnah eusi frage z beantworte und mer hend eus scho uf en form vo de trauiig geinigt. zudem het er eus zuegsait das er eusi trauig wir im freie mache (das macht nid jede) mir hend mega freud!

• Zitieren

@novia,
mir hend alles im herzberg :) do hetti es paar bilder, wenn luscht hesch
https://www.dropbox.com/sh/pucu87bprz39d2w/RImw8QaTeK

• Zitieren

Guete Morge Mädis!

Sorry, bin chli im Stress, drum brichti jetzt mal churz über min gestrig Abig und liese spöter alles nah!

Also,
nachem schaffe bini toootal ufgregt gsi, ha mich mit mim Mami, minere Schwes und ere Arbeitskollegin vo mim Mami uf halbem Weg zu Chez Janine troffe. Mier sind extra scho mega früeh losgfahre, dasmer de au ja pünktlich sind wenns Stau ufem Seedamm hetti Heds de aber nid gha und mier sind öppe e halb Stund zfrüeh im Gschäft gstande. Die stv. Gschäftsfüehrerin hed eus denn öppis ztrinke abotte und gmeint, mier müessed no paar Minute warte, will mini Beraterin no am znachtesse sig. Denn sind immer wider so meeeeega gstylti, gerteschlanki Fraue us de Personalrüüm cho und ich ha immer ghofft „hoffentli bedient mich nöd die, hoffentli bedient mich nöd die“. Natürlich isches denn doch en Frau mit Topmodelfigur gsi. Sie hed eus denn in unterste Stock mitgno und dett simmer ine eigni Abteilig mit Übergrösse (s’hed vo Gr 44 bis glaub Gr 54). De seit sie zu mier ‚die Chleider wo sie eus gmailt hend… da hemmer leider keis einzigs meh da‘ und ich bi us allne Wolke gfalle. Ich finde, mer hett ja denn rasch chönne es Mail schicke, am Telefon hed sie nämli gseit, dass sie die Modell paratmached. Naja, bi de chli enttüscht gsi aber sie hed gfunde, dass sie ganz e Huufe anderi schöni Modell hend.
Denn hemmer afange dureluege. Ufem Bügel hani keis einzigs gfunde wo mier zu 100% gfalle hed. Han denn ca. 6 Chleider agha und bi jedem irgendwas uszsetze, es isch eifach keis Chleid mitem Wow-Effekt da gsi. Plötzli hani es Chleid im 44i gseh, woni traumhaft schön gfunde ha und denn seit doch die, dass sie das, und au alli andere i dem Ruum nümme cha nahbstelle. Die neu Kollektion chämi Afang bis Endi Oktober. Denn hani ihre gseit, dasi doch extra gfragt ha am Telefon, ob denn die neu Kollektion scho da segi und die am tel hed gfunde, JA! D’Beraterin meint de so ‚ich gseh eifach keis Strahle uf ihrem Gsicht‘… Ja komisch, wenns die Sache wo mier gfalled ned chönd bstelle….
Mier hend denn a dem Punkt abbroche und en neue Termin für im November abgmacht. Es isch total frustrierend gsi für mich, da ich zGfühl gha ha, alles abklärt zha und trotzdem simmer eigentli vergebens dett hii gfahre… Zwar… Doch nid ganz Us Frust simmer denn id Partychleiderabteilig und hed für mis Mami z perfekte Bruutmuetterchleid gfunde. Sie gseht traumhaft schön us drin!! Also hed wenigstens sie en Erfolg z verbueche gha
Ufem Heiwäg hend die drüü Fraue denn zu mier gseit, dass sie mini Beraterin eifach nume schlecht gfunde hend, will sie gar nüt gseit hed zu mine Chleider woni agha ha oder was mier allgemein würd stah. Sie hed mich au nöd nach mim Budget gfragt sondern eifach Chleider ussueche lah. wennis mier so überlegge hend sie voll recht. Ha mich au nöd sehr wohl gfühlt um sie ume. Da sie aber i zwei Wuche ihre letscht hed, wirdi sicher en neui Beraterin becho. Hoffe es lauft denn bitz besser.
Uf jedefall weissi jetzt, dass de Stil woni scho uf de Bilder usgwählt ha, zu mier passt und dasi bestimmt was finde. Das beruhigt mi.

So es tued mer leid, ich muess ganz dringend zum Dokter! Bis nachher!!

• Zitieren

@morelia
Dini Chleider findi au alli super!
Han geschter eis mit Spitze agha willi das au sehr sehr schön finde aber shed leider gar ned schön usgseh... Meerjungfrau findi au ganz schlimm.

@lilmonkeyme
i de 'normale Grössen' Abteilig heds ja abertuuuusigi vo Chleider und da hetti gar ned gwüsst wo afange. Bi de 'grosse Grössen' isch s'Agebot scho chli weniger riesig gsi aber es hed doch au e huufe Uswahl - wenn sies de chönnted nahbstelle
Beidi Bilder vo de Frisure findi super schön, so öppis möchti au!

@lela
eui Location ishc ja de hammer!! Aber sicher recht tüür?

@novia_mayo
Aso wenn nöd Übergrössi treisch, denn wirds vo de Uswahl es Paradies!! Die hend soooo viel dette!
Ich glaube, wenn ich mis Traumchleid gfunde hett, woni wirkli hett welle, denn wär mer egal wie d Beratig schlussendli isch... aber ich hoffe für dich, dass du nid die bechunnsch, wobii ich mier cha vorstelle, dass sie vielleicht au andersch gsi wär, wenn mier irgendöpis so richtig guet gfalle hetti.

• Zitieren