@jane: hihi ok, aber din GG hed vilicht meh angscht vor rot oder so?! :)
in wiss wärs sicher au hammer!
ich würd denn bim zweite termin uf jede fall frage öbs das chleid chönnted bstelle..!

• Zitieren

@novia,
also ich nehmt au gern nachli tpps ah, je meh umso besser :) han drum en stillstand sit 2 monet und das nervt mi gewalltig :)

@jane
danke danke
ich gah in wicky uf beromünster und ev. is chez janine oder wies heisst in root
ich find s chleid sehr schön, mich dünkts eifach das es obe bi de brust echli höch ufechunt, aber suscht vum schnitt und de muster her find ichs sehr schön.

• Zitieren

hahaha din GG isch ja grad chli neugierig! denn löschischs bild würkli besser use

aah ich nerv mich grad... ich han en kollegin wo scho meeega lang säit das sie denn a mim hochzit will hälfe organisiere usw. sie hed au immer gsäit wenn ich denn mal es chleid gah go chaufe will sie uf jede fall UNBEDINGT mitcho. das hed sie scho lang gsäit bevor ich überhaupt verlobt gsi bin.
ich han ihre letscht wuche gschribe öb sie mal ziit hed zum go luege wägmene chleid. und da muemer ja en termin mache und cha ned eifach mal schnell spontan verbi gah. ich ha ihre denn vorgschlage de donnschtig abig z gah. sie hed denn mini nachricht erscht am wuchenänd gseh und gschribe sie chäm gern mit und sie mäldet sich am mäntig das mer öpis chönd abmache. am mäntig hani nüt ghört, geschter schribt sie ,aber nur wies mier gaht. ich han denn gantwortet aber sitt den nüt meh ghört.
ich weiss das sie en stressige job hed, aber ich weiss ned. ich han uf jede fall nüm vor mit ihre go luege! ich passe mini termine ned ihrem kalender a

• Zitieren

so, ich has jetzt useglöscht, ha tatsächlich chli Angst, dass das i die falsche Händ gratet.

@novia
Blödi Situiation. Ich würd a dinere Stell au nöd uf sie luege. Du hesch sie gfragt und da sie jetzt gar nöd reagiert würdi mi nümme kümmere! Es chunnt irgendwie ned so übere, als ob sie wirkli UNBEDINGT will debii sii, suscht wäred ihre die 30Sekunde zum zruggschribe sicher nid zviel! Ich has mit minere TZ au immer chli schwierig, mier möched öpis ab und schlussendli klappets de glich wider nid. Wenns was lebenswichtigs isch chani mi aber scho voll uf sie verlah. Uf jedefall han ich ihre gseit, das ich en Termin mache für zum Chleider probiere und sie ja de cha luege, obs ihre passt und wenn nöd de chunnt sie ned. So hed sich niemer vo eus müesse ärgere schlussendli.

@canella
Dankeschön. Ebe farbig gfallt mier au ned wirkli. Und voll! Die im Gschäft hed mer unbedingt welle es Neckholder alegge will sie gfunde hed, das chunnt mier sicher super. Ich ha de gfunde, das ich keis Neckholder will, erstens wills mier nöd gfallt und zweitens wills mi no dicker macht. Has denn aber trotzdem agleit und BINGO, es isch absolut schrecklich gsi! Irgendwas bruchi de scho um mini Arme chli z kaschiere, aber das cha ja denn en schöni Chiffon- oder Spitzestola oder so sii...

• Zitieren

@novia:
due ihrä doch mau alätä anschtatt ds schribä. ha bi mirä tz gmerkt, dass das viu besser isch. de cha si nid so guet flüchtä, si muess ja de antwortä am telefon und cha dini frag nid eifach ignorierä. so bim schribä gits o meh missvrständnis aus am telefon.
chasch du mir diner abnähmtipps o schickä?
ha grössi 46/48 (eher 48, wotmers aber nid ganz zuegestah...). ha scho viu vrsuecht. ww, metabolic, zumba, viu spörtle.... ha nüd würklech chönnä erfougrich dürezieh, ussert ds metabolic. das hani aber gar nid mögä vrlidä (haarusfau, sehr stark schmärzendi brüscht, mega pickel, schlimm migränä).

• Zitieren

@novia,
die kollegin isch aber nid dini TZ, oder?
hmmm isch komisch das si plötzlich nüm wett, aber ev. isch si au eifach chli im stress.. ich würd glich go luege :) hesch sicher na öpert andersch wo würd mitcho, oder?

@jane, novia, morelina,
mer chönd scho fascht es abneh thema uftue soviel wi mir sind... :)

• Zitieren