@novia: schaad isches nid so für viu gsi, d hz-mäss. mi hets denn äbä o chli entdüscht...

@lela: so frei und furt ga isch doch o mau schön. wo siter gsi?

das si üsi iladigä:
dr text isch när schön vrschnörklet uf transparäntpapier ir miti wemes ufklappet. uf dr rächtä innesite isch no telefonnummerolischtä vo gg, mir und de beide tz.

• Zitieren

uuups, äs ma nid di ganz chartä druf. müessts glich hurti unde aklicke dasder di ganzi gseht.

• Zitieren

@morelia: mega tolli charte gsehnd super us!!
ich chönnt das ned so baschtle...

@lela: has glaub scho mal gschribe aber isch noni definitiv gsi
mier gönd nach afrika. zersch uf zimbabwe go d victoria falls aluege. nacher safari in botswana, nacher evt. en churze städtetrip in kapstadt und denn badeferie ufere insle bi mozambique

ah so cool das isch immer guet so en churz tripp. und wenn ers grad no mit euchem hobby chönd verbinde isch natürlich super!

Zuletzt bearbeitet am 04.11.13 11:52

• Zitieren

@novia,
wow tönt sehr usergwöhnlich :) wie chömet ihr den uf das?

@morelina,
oh das isch aber super das der öpert tipps geh het, aber gmacht heschs ja selber :) brucht sicher viel geduld.

@me
ja es isch allgemein sehr super wenn so di gliche hobbys hesch, so verbringsch immer schö ziit mitenand und keine muen was mache wo ihm nid gfallt :) s luschtigscht isch gsi das mer irgendwo im dütsche a dem match gad na kollege vum gliche dorf troffe hend :)

@iladige,
wie tüänd ihr eigentlich definiere wer ihr iladet? also chärtli chärtli mit em explizite text (du oder ihr) oder eis zäme du/ihr und den mit de adresse definiere? was machet er den wenn es päärli gar nid zämä wohnt?
und bi wemm ladet ihr de partner i und bi wem nid?

• Zitieren

@lela: das mit de hobbys stimmt, es isch immer schön wenn mer glichi inträsse hed. ich bin aber ami au ned bös wenn min GG ad fuessball mätch gaht und ich en schöne sunntig für mich elei han ;)

mier sind ja das jahr in kenya gsi und es hed eus sooo guet gfalle das für eus klar gsi isch das mer uf afrika wend id flitterwuche. es gitt natürlich no vill anderi schöni länder/kontinent wo mer noni känned, aber mer muess sich ja für öpis entscheide
mier sind eigentli druf cho will botswana und mozambique noni so bekannt isch für tourischte. d lodges und hotel sind alli sehr chli und es isch eifach no rächt ursprünglich, das gfallt eus. und es sind eifach wunderschöni länder!
mier sind letscht jahr in kolumbie gsi, isch ja au ned grad s ferieziel nr. 1 aber es isch wunderschön gsi, und ich finds eifach intressant so länder entdecke wo noni vill lüüt gsi sind. ich has ami ned so gern wenn neume hi gasch und jede säit aaah ja det bin ich au scho gsi, das isch mega schön det oder das isch überhaupt ned schön usw...
sorry jetz bini chli abgschweift

@jane: jaa es wär mega wenns mit kapstadt würd klappe! müend luege öb mer gnueg täg hend, aber ich glaube es sött lange es muess würkli en mega schöni stadt si!
tanzania und sansibar isch natürlich au en traum....

@iladige: es schwirigs thema aso mier werded warschindlich nur ei version mache mit "ihr", will mier praktisch kei einzelpersone iladed sondern all chömed als paar bis uf 2, 3 usnahme.
mier düends au no explizit uf d couvert schribe. mier laded eigentli alli mit partner i. bi zwei kolleginne bini aber noni sicher, die hend de partner beidi noni lang und ich han die no nie gseh...
aber ich glaube da chamer so gnau schribe wie mer wott, es gitt immer missverständnis und par lüüt meined sie sind automatisch mit begleitig iglade!

• Zitieren

üsi iladige si fertig
judihuiiiiiii
bi so froh. am samstig bringemersä uf d poscht.


mir hei 4 verschideni textä ka:
-zur trauuung und anschliessenden feier laden wir dich
-"" euch
-zur trauung und anschliessendem apero laden wir dich
-"" euch

natürlech nid genau so formuliert und no wo gnau. aber das wärä d underschide.

• Zitieren