nicht registriert

guete morge zäme

@lula: härzlich willkome bi üs

das wuchenänd bini äääääääääääääändlich fertig worde mit de chärtli bastle. jetz muesi nurno s ilageblatt bi allne inechläbe und de ab uf d post. das wird die wuche no dr fall si. mr düe fang die für die gladene gäst verschick, die fürs apero villicht de chli spöter. müese auno chli a dr gästeliste umebastle.
isch huere schwirig wär me alles wott ilade und wär nid.

de hämer no a d homepage umegfiilet, die stot jetz au. mi gg het no öbbis müese übermi schribe, het sich huere schwer do. s het meh so tönt, si isch super, si chochet guet, si putzt guet und süsch isch si au guet.

am samstig bini go d ringe abhole. ha fasch dr lade nüm gfunde. de hani dr ring schnäll agleit, dä sich isch mr grad steckeblibe. ha en nüm ab em finger becho. mini händ si grad richtig ufgloffe vo dr wärmi im lade. hei denn mit wasser und seife müese drhinter. ha en denn dehei nomol agleit, är isch würklich e bizeli äng....drbi hei mr jo d grössi probiert und s het passt, i ha äxtra e grössi grösser gno....weiss jetz nid öb i en nomol söll bringe zum grösser mache oder öb i en so söll bhalte...mei jetz wär no zyt...
i dr chile wenn i de nervös bi, dä ring got mr nid ufe finger, ha em schatz scho gseit, nimmsch de silikonspray i sack

@lela: wurum hesch de d krise gha oder wurum dänksch das es doch nid das isch???

@all: wenn got euche gg go dr azug ussueche?

• Zitieren

@canella: hey cool hesch d chärtli fertig! bisch sicher froh hesches gschafft??
es isch würkli schwierig wer ilade und wer ned. aber mier hend jetz eusi gäschtelischte eigentli definitiv.

hesch sicher freud a de ring??
ich find das mit de grössene immer sooo schwirig... ich han lieber en ring wo ich fasch nüm weg bring als eine wo ich immer angscht ha das er abgheit oder sich immer dreiht... aber wenn er z äng isch und s bluet fascht abstellt isch natürlich au blöd
hesch mal luegt wiener isch wenn ned ganz warmi händ hesch? am abig hed mer natürlich eher no ufgschwullni händ, wie bi de füess. muesch vilicht mal am morge luege?

ha grad müesse lache wäg dim GG was er über dich gschribe hed isch doch typisch maa... mine isch au ned de wo mega gfühlsduslig redt das passt au gar ned zu ihm

wägem azug vom GG weissi ned, zerscht hemer ja zäme welle gah aber jetz wott er das ohni mich mache. ich glaub er gaht afangs nächscht jahr go luege. aber ich red ihm da ned dri er söll das sälber organisiere

Zuletzt bearbeitet am 18.11.13 10:21

• Zitieren

@lela: ja es isch ami würkli schön wenn beidi ziit hend und mer chunnt witer par schritt witer. es isch würkli herzig wenn mer gseht das sich d männer au defür chönd begeischtere
ich ha jetz eifach echli e pause brucht, aber jetz bini wider chli meh motiviert

wägem chleid: hesch scho gluegt wäge schmuck oder susch accesoires? oder es gitt doch ami so wie bänder wo bestickt sind, en art wie en gürtel. evt. chönnscht no luege wies mit so eim würd usgseh?

mier schicked alli iladige glichzitig

• Zitieren

Hoi zämä u merci viu mau fürs Willkomme heisse!

@wucheändi: Mir heis bewusst sehr gmüetli gno, heis letschte chli sehr stressig gha, u am Sunntig Obe de no dr 3 vo 7 Teile Tanzkurs...

@lela: Tönt schön bi öich; wohi göh öichi Flittis?
Gratuliere zum Jubiläum!
Wieso meinsch de es segi doch nit zrichtige Kleid?
Mou, mir hei dIladige fasch glichzytig useglah, die wo se uf dr Post hei gha, hei se gloubs 1 oder 2 Täg später gha. U dFamilie zT chli früecher.

@lela & novia: Ha das aber mängisch ou, vorauem hani gänge Angscht, dass es mim GG zschlicht isch... Aber wenni aube umi dFotis agugge, bini doch sehr zfride drmit. Ghört aber gloubs scho chli drzue, dass me zwüsche drin nit sicher isch, git ja so viu schöni

@canella: Gratuliere! Isch es wahnsinns Gfüehl wenn me ändli fertig isch, oder? Das mit am Ilade isch so, hei üs ou schwär tah.
Hesch süsch e Ring i dere Grössi wo de chönntisch gugge, obs guet isch wenn ne so im Alltag ane hesch, wüu i merke bi mir dWärmi u dKälti immer, so wie nassi Händ. U süsch chasch ne ja im ne Seifebad lagere, statt es Ringküssi Hesch es Foti vom Ring? *gwunderbin*
Mi GG het si Azug vor 9 Täg usgsuecht u kouft. Jtzt wird er im Gschäft apasst, u de chanerne afangs Februar no mau ga probiere u ne ggf mit hei näh. Was no fählt isch zHemd (ha no kei Stoffprob) u dSchueh.

@novia: Ga schlöffle, Kerzezieh, e Fingerring, e Wunschusflug mit am Gotti, ...

@me: Sory, faus i Frage gstellt ha, wo ihr scho lang klärt heit, i bi dr Thread am nacheläse...

• Zitieren

@novia,
ne ich han na gar nix gluegt, bin nanig so motiviert, machi den denk im Februar oder so :)

weg em Kalender, bhuuu ich het jetzt au öpe die Sache dritah wo du ufzellt hesch... du chöntsch ja ev. no es guetzliförmli dritue (aber vor em bache-gutschii) oder so chli glitzerschribzüg...

@lula,
mir machet en 7 Wüchigi USA, Kanada Tour *freu*
ev. chasch ja mal churz chli verzelle vo dir/eu und was und wie ihr tüänd hürote, so als update für eus, würd mi emel freue :)

@chleid,
ich denke das es immer schlicht usgseht, so ohni Frisur und deko und blumestruss und so :)

• Zitieren

@lela und novia_mayo:
läck bin ich froh das es au no anderne brüüt so gaht wie mir. ich han mir eigetli au en ganz andere chleiderstil vorgstellt als das woni jetz kauft han...ich bin mer au bis zum schluss nöd sicher gsi weles vo beidne favorite (s einte isch ebe eigentli mini vorstellig gsi) s richtige isch.
zum eine händ mis mami und d trauzügin dänn gseit das mir s andere besser staht und ich bin dänn so verunsicheret gsi dasi dänn au das gno han...jedesmal wänni's gseh bini sicher das es das isch, aber ich truure au em andere hindedri.
und novia_mayo: mis mulmige gfühl chunnt IMMER dänn, wänni so e sändig luege
aber ich glaube das chunnt scho guet. euchi chleider sind ämel beidi wunderschön und stönd euch sehr guet.

@ canella:
min gg gaht afangs jahr sin azug go ussueche wobii er schinbar scho rächt klari vorstellige hät ich wott nöd wüsse wie er usgseht und darum gaht er mit em trauzüge. ich freu mi soooo wänn ich ihn dänn ändli gseh

• Zitieren