| Mai Bräute 2014 |
|
|
1 .. 44 .. 86 87 88 89 90 .. 114 .. 138
|
weddingbee85  am 20.11.2013
Re: Mai Bräute 2014
@lula:
aso ich nimm keis täschli. näbst em bruutstruss wüssti nöd wohere demit. uf mini sache passt mini tz oder s mami uf 
aber mini brutchleidverchäuferin hät gseit das ich 10 täg vorem hochzyt (sobald mer e bitzeli weiss was für wätter das am hochzytstag isch) söll wägeme bolero/schal cho luege...wägem haarschmuck weissi no gar nüt...mal luege  was häsch dänn du dir überleit?
|
|
|
novia_mayo am 20.11.2013
Re: Mai Bräute 2014
@lula: ja ich dänke so 45 minute sind grad ideal, wenn mer nochli musig und so dezwüsche hed. hüratet ier katholisch oder reformiert?
@jäggli, assecoires usw: wägem jäggli hani au scho dänkt, ich han aber no keis schöns gseh... aber ich dänke ich luege denn churzfrischtig öbs chüehl isch oder ned. wär natürlich super wenn mer nüt so würded bruche!
es täschli wird ich au ned ha. mini TZ wird alles für mich umeträge
susch hani fäng es tiara, und de wotti eifach no ohrring, und evt. en arm- oder halsketti.
mini gröscht sorg sind d schueh. ich ha ja es ganz wisses chleid und alli schueh wo ich bis jetzt gseh han sind ivory oder so....  aso wenn er mal neume ganz wissi gsehnd bitte mier mälde
|
lela85  am 20.11.2013
Re: Mai Bräute 2014
@novia,
danke für d erchlärig :) und das isch en gueti ziit zum fötele?
@canella,
findi guet das namal gosch, finds au komisch das plötzlich so eng isch... heschs ja probiert vorher.. ev. isch er durs bearbeite igange? :)
@bee,
d jane isch wohl einersits im 14er Thread und andersits isch si nid is dütsche zu GG's Familie?
@wätter
eifach nid d lune verderbere lah und en plan B parat ha, de klappets scho mit em schöne wetter... de mai wird das jahr so guet wie er letscht jahr schlecht :)
@asscesoires
ich han na nüt... wett aber au nid vil... händsche findi persönlich doof, fürs täschli hani en tz :) und es paar Sache id haar wetti sicher (Kollegin vu mir wo ghürotet het, überlaht mir do so einiges)
|
Lula  am 20.11.2013
Re: Mai Bräute 2014
@weddingbee: I darf vo mire TZ dStola uslehne, u zBrutgschäft lehnt ebe aube dr Fellbolero us. Ha mir bi Zalando no ne Clutch bstellt, wo ni de am zvili ou gad bruche, u de eifach am Obe (ha ebe mis Züügs no gärn bi mir), süsch gibis öberem i Täsche. dFotografin het scho gmeint, i dörfi süsch ou guet ihre öbis i dFototäsche gäh. Ketteli legi das ah, wo mir mi GG zur 2te Whynacht het gschänkt, u Ohrringe hani bi Swarovski wunderschöni gseh. U eismau bini im Claires a 6 Curlies häreglüfe u ha die mau kouft. Hätti aber bi Rohmberg e schöni "Spange" gseh. Wäg am ne Armketteli bi ni mir no nit sicher, fändis aber no schön. Bi mir eifach am überlege wies wäri mit Händsche, würdi de no gad chli werme, so àla Mietli.
@novia: Mir hürote reformiert. Da i im März hürote, rächne mir ebe scho fasch mit Jäggli Wätter 
Tiara isch Haarschmuck, gäu?
Wäg de Schueh, gugg mau hie: http://verasposa.com/Brautschuhe__weiss
http://www.brautschuhe.ch/brautschuhe.html?color_simple=146
Si beidi bereits uf Wiss vorsortiert
@me: Ha hüet gad dUnterlage vom ZSA brcho...  Aso wäg de Unterlage u am ne Termin für das Vorbereitigsgspräch... 
|
Lula am 20.11.2013
Re: Mai Bräute 2014
@novia: Oder hie, de chasch dr dr Schueh gad säuber designe http://www.shoesofprey.de/
|
|
canella nicht registriert am 20.11.2013
Re: Mai Bräute 2014
@lula: ja mr häns ebe no nid durebesproche mit em apero. ehrlich gseit schissts mi chli a a 3 verschieden orte alles abspräche. nur ei catering-firma wär wäsentlich eifacher Mi GG mues ändlich mol e Termin mache bim Passbüro, ohni neui ID/Pass gits kei Termin fürs Vorbereitigsgspröch *ihmindenarschtret*
@novia: www.brautschuhe.ch die het fasch alles, ich ha mini schueh au dört bstellt. chasch si au färbe lo, passendi täsche drzue näh we de willsch usw. super service!
@lela:glaub er isch igange...nei i weiss es nid...dunkt mi strange....
@haarschmuck: weiss nonid...entweder öbbis mit perle oder öbbis mit ächte blueme fänd i no schön...i möcht se gärn irgendwie flächte, also d hoor meini und denn hinde offe lo.
@handtäschli: weissi au nonid...d verlockig isch do...s git täsche glich wie mini schueh...aber i mues jo nid viel mit mir umeschleppe und das cha jo süsch d trauzügin mache.
jeeeeeeeee hüt zobe gömer i üsi location go znachtässe und chöne nochär mit em chef no paar sache bespräche wäg übernachte, zmorgeässe usw. bi üs übernachte jo nid alli gäst am gliche ort wills nid so viel zimmer het. i fänds aber trotzdäm cool wenn am morge alli nomol am gliche ort würde zmorgeässe...
nur weiss i nid öb s andere hotel do reduktion git ufs zimmer wenn me nid dört zmorge isse. d gäst wei jo allwä nid dopplet zahle...aber villicht gäbe si s zmorge ir location zume vorzugspriis...i hoffs....
|
Santhia  am 20.11.2013
Re: Mai Bräute 2014
U läck, sit dir aui scho wit 
E ha noni mou en Ahnig, wasi fürnes Chleid wott ;-) Am liebschte eis mit Ärmeli, e ha kei Figur für Schulterfrei. Und dört würdi mer denn gärn us Chiffon so Arwen-Ärmeli lo draamache (am beschte settigi, wome cha abneh zobe). Wüsster wasi meine? Aber das gits dänk nid ;-)
Und de hätti gärn eis, wo chli grüeni Sache druffe si, Stickereie oder Steindli oder so, wöu mer öis überleit hei s"Thema" grüen-wiss z'neh.
Wett aues e chli i dene Farbe... Iladige, Deko, Chleid, Homepage.
Uf jedefau, bis das stoht, bruchi no gar keni Accessoires.
Es Jäggli oder es Bolero oder öppis wetti scho ha, eifach us Beruehigig. Aber do wirdi mi im Internet schlau mache. Nomou 100.- wotti för das ned usgäh.
Mi GG bschtöut e massgschniderete Azug bimne Schniider, wo z'Asie loht lo schniidere. Hei letscht Johr döt e guet passende Azug bschtöut (4 Hose und 1 Jacket 630.-) Wärs interessiert: eifach www. andrewandwalker. com (ohni leerschläg igäh)
ab und zue chunnter au id Schwiz, denn chame sich vo ihm lo vermässe und Stoffmuschter ussueche.
weddingbee: dä Struss wo du aus Profilböudli hesch findi mega!! zerscht hemmer bluememässig wissi Orchidee wöue. Mittlerwile findi ebe Maiglöggli au e meega tolli Vorstöuig. Isch aber sicher vöu tüürer aus Bluemeschuck als Orchidee. Süsch wäri jetz eifach ir IKEA e paar wiissi Töpf und wissi Orchidee go poschte e paar Täge vorhäne und hätt die ufe Tisch gstöut. Do öise Ruum scho mega pompöös isch, bruchts eigentlech gar nid no gross Gsteck. e sone Orchidee und e Cherze würde eigentlech länge... aber muess mer das no einisch dure Chopf lo goh.
Heit dir au Websitene gmacht? Mir hei jetz grad geschter chli afo dranumebaschtle, aber das duuret glaub nones Wiili, bis me do öppis cha zeige ;-)
Und süscht sette mer langsam Chärtli mache oder wenigschtens Save the Date. I dänke, wemmer Save the Date mache, de längts wemmer d'Chärtli im Februar oder so verschicke?
So augemein würdi die Iladige für die gladne und die fürd Apero-Gäscht glichzitig verschicke. Mini Schwöschter het das letscht Johr nid gmacht, und denn si d'Telefon hingedure scho heiss gloffe, wieso jetz die einte Iglade si und die andere gar ned...
Hürote wei mer au so am 13.30, 14.00. Föteli mit öis zwöi und de Öutere und TZ weimer vorhär mache, dass mer am Apéro gnueg Zit hei zum Föteli mit der erwiterte Familie und Fründe z'mache. 15.00 oder spöter fändi jetz meeega spot. E ha jetz scho schiss, dass mer de nüt vom Apero wärde ha.
Wöu mer der Ort nachem Apero nid müesse wächsle, wirds none Füehrig geh für die gladne Gäscht. Denn hemmer vilich no einisch Zit zum Paarföteli mache und die golden Hour usznütze.
(joooo, e weiss, bi rächt Foti-geil....)
Wiemer als Basler uf St. Urban chöme? Erschtens chumi ursprünglich vo Egerchinge, das isch auso gaar nid so wit wäg ;-) und zwöitens het e Kollegin vo mir e Diplomarbet gschribe, wo si geeigneti Locations fürne Ball im Empire-Stil gsuecht het und dört isch ebe die Location als Sieger usechoo. Denn simer das mou zäme go aluege ond öis hets mega gfaue.
Leider ischs nid grad günschtig, aber was macht me nid aues
Wo döit de dir eso hüroote?
|
weddingbee85 am 20.11.2013
Re: Mai Bräute 2014
@santhia: dankeschön. mir gfalled maiglöggli ebe au mega guet. aber sie sind anschienend würkli sehr tüür. wills halt so fiin sind brucht mer füren ganze bruutstruss vill. und meistens wott mer ja dänn au ide tischdeko d blueme vom struss wieder ufneh...weiss nonig was es schlussändli wird mir gfalled ebe sehr viel sache und ich bin momentan bitzli ufgschmisse was tischdeko und brutstruss abelangt 
mir hüratet am 13.30 und händ schlüssend föteli und apéro. de apéro mached mer am gliche ort wie s ässe und s fäscht. ihr?
|
novia_mayo am 20.11.2013
Re: Mai Bräute 2014
@lela: bitte bitte ja ich find es gitt denn super föteli vo de stimmig her (so wie uf dene bilder im ahang)...
@lula: aah ok ja im märz isch warschindlich eher no chüehler obwohl uf das chan mer ja fäng nüm gah, das jahr isch ja de mai ganz übel gsi....
genau, tiara isch eigentli es diadem. ich han das: http://www.ribbonsandpearls.co.uk/catalo...es/acc00009.php
@lula & canella: danke für d links, ier sind super!
@all: wüssed ier das wies isch mitem pass? mier hürated am 16.5. zivil und gönd ca. am 28.5. id flitterwuche. chan ich denn ächt no mitem alte pass reise wenn d flüg und alles no uf de alt name buecht werded? ha s gfühl es isch chli knapp innerhalb vonere wuche en neue pass la mache
|
weddingbee85 am 20.11.2013
Re: Mai Bräute 2014
@novia_mayo: mir händ alles no uf de alt name buechet. muesch eifach luege das de pass unbedingt mit de flugtickets zämepasst. suscht chasch nöd mit 
wänns dir wichtig isch mitem neue name id flittis zgah chasch das bim ehevorbereitigskurs mitteile dasd scho de neui pass wotsch. dänn gänds dir de neui pass ade ziviltrauuig grad mit. ich häts au schön gfunde mitem neue name zreise, aber ich ha zfescht angst das öpis denn glich nöd klappet...darum de alt name. hoffe, ich han dir chöne hälfe
|
|
|
1 .. 44 .. 86 87 88 89 90 .. 114 .. 138
|
Anmelden
