@canella: Wieso wettit ihr de dr metzger u dr Käser berücksichtige? Eifach wüu si us am Dorf/Nachbardorf si, oder wüu ihr se persönlich kennet? Süsch wäris viellech e Option eifach e Caterer us dr Region znäh.
Ohnei, aber Du chasch im fau smeischte ou online mache, mine het das denn so gmacht, u de isch er nume no uf Bern ga fötele u ga unterschriebe. Viellech wäri das ou was für Din GG.
Das mit am Flächte isch sicher wunderschön, hänke dr es Foti dra, ha ni bi mine Ideene gspicheret, aber wäri viellech ou was für Di.
Ou so schön! Wo geits hie? Wünsche nech ämu de viu Erfolg u ne wunderschöne Obe!
Gugg, das hie




@santhia: I bi sicher Du findisch Dis Kleid, wüu me cha ja mit are Schnidere ou ziemli viu mache! Weis zar nit gnau was Du für Ärmeli meinsch, aber i ha es Kleid anegha, wou ou ganz so fiine Ärmeli het drane gha, es git se auso. Mit farbige Stickerei hani leider kes gseh, aber chunnt sicher ou chli ufs Gschäft ah. Viellech chasch ja ou eis uslehne, im Gschäft oder vore Kollegin wo scho ghürote het.
Mir hei eifach e Onlinewunschlischte gmacht, GG het kei Homepage wöue, het drfür Pocketfoldkartene gäh, mit huufe Infos
Weiss nit, mir wäris scho bau zspät, oder wettisch de aune es STD Kärtli schicke? Hesch de nit bau Angscht, dass ou dAperogäscht zGfüehl hei, si segi am Fescht drbi? Süsch chönntisch ja eifach dKärtli im Dezember/Januar verschicke.
Mir hürote im Dorf u fiire närne im Bäre zDürrenroth

@novia: Isch scho so, u luut am 100jährige isch gar nit so schlimm. Gseht schön us! U mit welere Frisur?
Chasch es sicher so mache mit de Flüg, aber wäris de nit schöner mit am nöiie Name ga flittere? Chasch im fau gloubs so mache, dass de dID gad bi dr Ziviltrouuig brchunsch. Ha gad gseh, dWeddingbee hets scho gschribe

• Zitieren

@novia_mayo: ja schiins isch bali megaschön...aber au nöd günstig wännd nöd di billigste hotel nimmsch...gänd jetz chf 5000.00/p.P. us

ja mir gönd vor bali no 3 täg uf singapur

• Zitieren

@weddingbee: wie lang gönder total? isch scho ned günschtig aber finds jetz für flitterwuche ned meeega vill! mer dörf sich ja öpis gönne

@lula: danke ja muess au zerscht luege öb mier das staht, aber ich dänke zum chleid würds no passe
ja das gseht sicher super us! wenn ich schöni langi haar hetti würdi au so öpis welle
hesch rächt wägem wätter, schlussändlich sölls eifach en schöne und unvergässliche tag si!

• Zitieren

@lula: voilà mis chleid
es isch mer echli äng, drum isch obe chli es gequetsche das isch denn nacher nüm so und de bh gseht mer denn natürlich au nüm

Zuletzt bearbeitet am 21.11.13 08:06

• Zitieren