merciii santhia

• Zitieren

nicht registriert

schnarch zzzzzzzzZZZZZzzzzzzzzzz maaaaaann bi ich müed und es isch er donnstig
das isch allwä dr schnee....

gester zobe simer go ässe i dr location. isch mega fein gsi. GG het sich zwar nid so wohl gfühlt, är het so fest dr hueschte und isch mega müed gsi, är het gar nid so rächt möge.
dr chef isch de no zu üs ghocket und het mit üs no paar sache besproche wie zimmerreservation, zmorgeässe, taxidienst, wii, zapfgäld, Hochzitstorte + Dessertbuffet (nonig im detail), Bluemegsteck, Parkplätz, wie dr Service wird ablaufe, wo me no guet chönt Gruppeföteli mache....
Glaub die hei mega erfahrig mit hochzyte und wüsse genau was wie wo lauft. fühl mi bestens ufghobe

oooooch ihr händ alli scho so tolli plän für flitterwuche.....mir hei nach wie vor kei plan

• Zitieren

@canella: säg nüt gaht mer au so.... de hueschte hani au voll müehsam
hey das tönt super bi euchere location! das gitt eim grad es guets gfühl wenn mer weiss das alles wird laufe und die alles im griff hend

@lela: das isch ja würkli nervig!! verstah dich, ich hetti glaub kei geduld. chönd ier ihm denn ned säge, das er z.b. d chärtli bis spötischtens endi november möchtet verschicke?

@me: mier hend hüt no besprächig i de apero location. ich hoffe das chunnt guet. de chef det isch mega nätt aber mängisch hani s gfühl er isch chli locker und vergisst evt. s einte oder andere aber vilicht meini das au nur und es isch guet organisiert. sie sötted eigentli erfahrig ha mit aperos...

• Zitieren

Ha ebe dänkt, i würd so SDT als Poschtcharte mache wo mir am Schluss chönnte achrüzle öb für Apero oder Fescht (und evt. nones chlises Mittelalter-Feschtli am Standesamt-Tag), denn wüsse sis grad... oder isch das z'heftig für die wo nume Apero-Gäscht si? E be eigentlech sehr derfür, dass keini Missverständnis ufträtte, das git nume böses Bluet ond das chani de a mim Hochzitstag nid bruche ;-) (süsch au nid, aber denn no weniger!)

lela: wau, was fürne schöni Kulisse! :-) Und das Härzli im Gras esch emmer dört? Schööön! :-) Git sicher tolli Föteli!

I fröi mi scho so ufs Föteli mache, hei jetz letscht Wuche der Fotograf definitiv buechet. Und der Guafför hani au scho reserviert :-) was fürne Frisur i wirde mache weissi au noni. Öppis romantischs, chli hochgsteckt. Blüemli oder Perle drinne wäre natürlech au wunderschön.

Mi GG chunnt mit Homepages zimmli druus, drum möche mer äuä säuber öppis.

Isch guet hani mi do inne agmäudet! So bini ändlech wider chli motiviert! Im Auguscht het ebe mini Schwöschter ghürote, do bini nächär zimmli uspoweret gse ond ha grad ke Luscht me gha uf Hochzite. Dönt blöd, aber isch scho chli so gse.

Es schöns Tägli auersits! Mit e chli Schneeflöckli!

Zuletzt bearbeitet am 21.11.13 09:17

• Zitieren

@Santhia,
Ja das isch immer so :) mir hürotet dete im Wald und hend den uf dere Wiese de Apero
Das mit em Amelde git eim au immer viel Inspiration, also emel mir.

ICH WILL AU SCHNEEFLÖCKLI

@novia,
ich weiss es nid, er het wohl eifach nid gad Ziit defür... aber ich find eifach er chan eus nid immer zrug stelle, ich han jetzt aber gad en neue Entwurf becho, aber ja isch chli doof... er het mit de falsche Vorlag wiiter gmacht :s

danke dasi bi eu chan frustabbaue! :)

• Zitieren

@novia,
ja er staht halt irgenwie dezwüschet... es isch chli en asträngendi Familie...
aber ha gad aglüte und scho de noi entwurf becho :)

• Zitieren