@novia: Wow wunderschön!! Gseht hammer us!! Ufgrund vor Frisur hani dänkt es segi eis mit Träger oder Neckholder.
Gueti Besserig!
Ha das bi üsem Aperomönsch ou scho dänkt, aber er hets aube glich im Griff, daher ischs äuä nit so schlimm.

@canella: Liegt sicher am Schnee, GG het hüet morge ou verschlafe...
Tönt aber guet öiche Obe! Isch super wenn si Erfahrig hei u uf öich igöh! Hoffe Dim GG geits umi besser?!
Mir si im fau ou no ziemli planlos, dIdee isch mitti September zgah, aber wie u wo hie si mir no so chli am rätsle, Deutschland, Österreich, oder doch Irrland, Schottland oder nöime ane Strand... Si üs aber am überlege ob mir nach am Hochzyt 1-2 Täg chli wei ga wellnesse oder so.

@lela: So herzig öichi Location!! Gseht mega schön us! Tüet ihr de ou gad bi de Herzli no chli Fötele?
I würdi ihm chli Füür unter am Füdle mache, isch ja ne mega Quark, i mein, iwenn müesse di Kärtli doch ou usse?! Chasch ihm nit irgend es Limit setze, dass se bis spätischtens bis denn muesch ha. Isch ja ou e Uftrag. Tönt sehr müehsam mit ihm! Isch er de ou süsch so?
Schneits bi Dir nit? Vo wo bisch de Du?

@santhia: Oder statt akrützle chönntisch ja ou zwöi verschiedeni Postkartene verschicke.
Das mit dr Motivation kenni, setti scho lang mit mim GG diverses agugge, u hinech muess er eifach, muess mit dr Coiffeuse chönne gugge, wäg dr Zyt


Schnäu so ne Frag, einigi vo öich göh ja gloubs ou am Morge ga Fötele; machet ihr das eifach zwöit u mit de TZ oder chömme da no iwenn dEltere drzue für das ihr ou mit denne schöni Fotis heit?

• Zitieren

Hoiii Mädis

Mein Gott ich chume eifach nümme mit... Ich würd so gern mitschriibe aber z nahlese macht mer Müüüeh

Klinke mi mal wider eifach frech i und lies jetzt au nur die letscht Siite. Tschuldigung
(haha isch nur ein Biitrag vo de Lula, hoi übrigens im Mai Thread :))

Mier gönd ja au am Morge go Fötele... Werded aber nume z zweite gah. Ich möcht sone richtig schöni Fotistrecki. Die gstellte Bilder mit Family und Friends gfalled mer ned. Aber hend für das es paar cooli Ideeä... Die setzemer denn aber während em Apero um. Und mier wetted au geg de Abig nomal go Bilder mache wenns schön isch, will ich die Bilder so liebe, wo dSunne ineschiint, wüsseder wieni meine?

@me
Aso bi eus lauft hochziitstechnisch nid wirkli was. Dasi mis Chleid gfunde ha, hani eu vor de Ferie ja no mitteilt, hoffe ha allne en PN gschickt wo denach gfragt hend. Ha denn irgendwenn de Überblick verlore ufem Handy. Suscht eifach nomal denach schreie :)

Bi eus lauft im Moment so viel suscht, das dHochziit richtig in Hintergrund drängt wird. Min GG isch so extrem unzfriede im Job, er chunnt nur no völlig gnervt hei und es isch au irgendwie Non-Stop s'Thema.... Bi mier gsehts Jobmässig irgendwie au ned besser us, han festgstellt, das ich im Moment wirkli nur is Gschäft gah und mini Stunde abschaffe ohni Motivation. Obs am Wetter liit?
Denn hed gester Morge früeh unerwartet min Exfründ aglütet. Mier hend eigentli überhaupt kei Kontakt meh. Sini Schwöschter isch überraschend gstorbe... Selbstmord uf Rate. Und niemer i sinere Famile heds gwüsst :( Da mier 7 Jahr zeme gsi sind, hed er's für wichtig empfunde, mier das persönlich zsäge, wasi wirkli mega schön gfunde ha. Jetzt heder mich aber agfleht, ad Beerdigung zcho. Die wird nume im chlinschte Chreis stattfinde; Min Ex mit sinere neue Fründin, sini Eltere, sini Schwöschter und de Exfründ vo de Verstorbene. Ich han s'Gfühl dasi gar nöd wett i de Chreis 'ineplatze' und fühl mich da völlig fehl am Platz wenni mier das vorstelle. Was meined iher?

Ach doch, mier hend jetzt all eusi Iladige für die gladne Gäst fertig verteilt und scho gaaanz e huufe mega liebi Feedbacks becho. Das gaht echt abe wie Öl :D Und sogar scho 5 Antwortcharte usfüllt zrugg becho *freu*

Zuletzt bearbeitet am 21.11.13 12:22

• Zitieren

@lula: merciii

@jane: welcome back keis problem, ich hetti au kei nerv alles nache z läse
ohjeee das isch ja kei schöni nachricht vo dim ex.... hesch denn sini schwöschter guet kännt, heschs guet mit ihre gha?

@lela: mier gfallt das mit aubergine besser, au d schrift find ich schöner bi dem!

• Zitieren

nicht registriert

@lela: i chas widermol nid aluege

@ex-fründ: uiuiui...das ghört me nid gärn...also ich würd nid go, will dir sind jo nüm zäme und du ghörsch jo eigentlich au nüm zur familie. i bi uf das thema ex-fründe sowieso allergisch. letschti hani glaub eine im migros gseh vo witem...bi husch di husch mit em wägeli dür die migros gsauset und ha bättet bi jedem regal, das ich em nid grad id arme lauf gott sei dank bini heil use cho usem migros

@fotoideeä: würd mi au wundernäh janedoe was für ideeä hesch für d föteli

@lula: mir chöne ebe nid so furt wägem burehof. aber im februar 2015 sötte mrs schaffe 2-3 wuche z go. aber ebe wohäre? i würd am liebste 2 wuche neume a strand pflömme, cocktails schlürfe, ässe und feiss wärde drbi und ufem ligestuel umeschmoore, chli läse und chli usfüg mache. mi gg findet strand nid tol, är wött nid neume wos z heiss isch, är will wandere, und sache undernäh...hahaha, sehsch s problem? afrika stot no zur debatte oder neuseeland und nochär no südsee wär cool aber i mag nid sooo lang flüge. mi gg isch e zappelfilip. wenn er mues 10 ruhig sitze wird em langwilig und denn fot er afo a mir umegfätterle und da hassi! i de letschte wellnessferie hanen im hamam inne zämegschisse und em gseit s nögst mol nimi für ihn de s globibuech mit, damit er sich cha beschäftige

• Zitieren

E ha ebe dänkt, e chöigi de sowieso nid schloofe und so hani nächär ke (bzw. weniger) Stress und ha de nid ständig s'Gfüu es längi nid.
Bi der Schwöschter bini jetz im Auguscht au am 6.30 gse, dasch kes Problem gse, ha guet möge fiire.
Wenn no öpper e guete Guafför im Ruum Gäu brucht, e cha eini wärmschtens empfähle. Bi jetz fürs Hochzit vo mire Schwöschter s'erscht mou dört gse ohni Probefrisiere oder so ond es isch super usecho, findi... und es het au ewig ghebt, bis am 2 am morge tiptop gsässe. Drum hani de grad bire reserviert für am 10. Mai :-)

• Zitieren

Uii, sorry, has verwächslet! Mir gfauts violette besser, na glaub nur der halb Text gläse de hani usem Augewinkel Aubergine gseh und ha dänkt, das sigi das, woneg wörd violett säge. Hihi...
Aber es si beidi schön! Frog doch no di GG. Was meint denn är? Aber Schrift wächsle wär jo au keis Problem, wenn jetz s'Violette wettsch mit der andere Schrift?

• Zitieren