@jane: Danke! dGolden Hour no chli usnutze, das git sicher hammer Fotis!
Tuet mir leid! Findes aber e sehr schöni Geste vo Dim Ex. U wenn de mau sine Eltere alütisch, u bi ihne nachfragsch?
Wow, ihr heit ja super Gäscht, so machts Spass!!

@lela: Bi üs hie maner ou blibe, eifach uf Dach u Feld, uf dr Strass hets nume no so chli überreschte pflotsch.
I finde di rote schöner mit dr Schrift vom Violette. Ha aber gloubs no ne Fähler entdeckt Sorry
Ihr heit Zermonie gschribe, setti das nit Zeremonie heisse? U chas si das ihr nach am dich / euch dr Leerschlag so gmacht heit dich/ euch? Sorry, isch nit bös gmeint, isch mir eifach gad ufgfalle.
Säg mau, stelli mi blöd ah, oder si die ??? nit öies PW? Ha doch wöue ga gwundere.
I würdi ggf bim Link no dAdresse übermale, nit das di de zganze WWW het

@santhia: I wetti ou vo jedem Gast/Paar es Foti, wetti das närne ou mitschicke bi de Dankeskärtli.
Mir hei dKirche am 13.30 u i wetti so uf di 10.45 ga fötele.
Du geisch aber de no früech! I ha je e Stund igrächnet mit spatzig würdi das heisse, 08.00 Kosmetik (si rächnet max 45 Minute), 09.00 Coiffeur, u de ca 10.00 umi hei. ca 10.15 isch de mini TZ bi üs u de lege mir üs ah u fahre zum Fötele. Wie gseht Di Zytplan so us?
Mir göh i ne Schlosspark ga Fötele, u wette eifach ume Egge ufenand zueloufe. Aso GG wird afe higah u fahre de häre. I frage mi viu meh, was mache üsi TZ u ihri Partner i denne ca 45 Minute??
I ha denn üser Änderigskärtli bi smartphoto.ch gmacht, u bi sehr zfride gsi. Wirde ou derte dZivilerkärtli mache.

@canella: Wieso de gad Februar 15? U wenn ihr 8 Täg Sonne u Strand heit u 8 Täg Wandere u Kultur? Oder wäri das kei Lösig?
Meinsch nit, dass wird bau chli stressig vom Baselbiet is Seeland zfahre? U ggf bisch de ou no nervös oder zWätter isch nit so wies setti, oder es het Stou. Mir wäris e zheisse. U wenn de im Seeland no chli guggisch für ne Coiffeuse wo dr würkli zfride bisch?

Zuletzt bearbeitet am 21.11.13 15:40

• Zitieren

@lula,
bim violette also (blaue) isch de text nonig korrigiert gsi, s Passwort isch also nur uf em andere richtig :)
das mit em dich/ eu Hemer mitlerwile korrigiert, das mit em Zeremonie hani nanig gseh, danke vilmal!
ich wirde d Föteli gli wieder weg neh vum Link, darum hanis nid ufeglade, das ner wieder weg sind :) aber danke für de Hiwis!

• Zitieren

@lula,
ich hans au nid so ufgfasst, drum zeig ichs euch ja, willi froh bin um es Feedback :)

• Zitieren

@lela
Han d Bilder leider alli nümme ufem PC, da neu... hehe... Eis hani ez gad uf dSchnelli no gfunde... Das hani aber glaub schomal postet... so i dem Stil. Finde das 'brave Nebenandstah' irgendwie chli langwilig...
Mir persönlich gfallt s Chärtli in Aubergine besser. Au d Schrift. Wirkt für mi harmonischer irgendwie... :)

@Santhia
öpper im Forum hed mich uf die Siite bracht:
http://www.minted.com/save-the-date-photo-minibook-cards
Hetted mier eus Chärtli nöd selber baschtled, denn würdis uf jeeeedefall da bstelle, die gfalled mier sooo guet

@canella
Bi eus ischs ebe so, das mier eigentli inzwüsche wieder recht normal chönd mitenand umgah, würd also nöd unbedingt vor ihm flüchte, aber bestimmt leggis au nöd drufa, ihn ztreffe... hehe.

@Lula
Wenns de e golden Hour git! :D
Ich han sine Eltere jetzt en Beileidskarte gschickt. Sie hend mit ihre sit Jahre Striit gha und sogar de Kontakt abbroche und für dMuetter isches jetzt verständlicherwiis mega schlimm... Getraue mi irgendwie gar ned azlüte und dett i de Wunde go stochere..

@morelia
Ou gueti Besserig, was hesch de? Hoffe nüt gravierends!
Mier hend natürli au vo wiiiit ned allne Rückmeldige becho. Au z.B. vo Lüüt wonis echt erwartet hett gaaar nöd. Min Vater hed au keis Wort dezue gseit.. Nidemal womer eus persönlich gseh hend. Uf die eint Siite enttüscht eim das natürlich aber uf die ander Siite freuemer eus lieber über die liebe Lüüt wo sich bedanked und eus ihri Freud au zeiged...

@Exfründ und Beerdigung
Ich han es super Verhältnis zu ihre gha und au nach de Trennig no zwüschetdure chli Kontakt. Leider im letschte halbe Jahr denn gar nümme... Ich würd au uf jedefall ad Beerdigung gah, wenns sone 'öffentlichi' Beerdigung mit Gottesdienscht wär. Aber es isch wirkli nume en Biisetzig im engste Chreis. Min ex hed au immerwider betont, dases ja nöd um eus gaht, sondern eifach drum, dass sich d Schwöschter das so gwünscht hett. Ich glaub au nöd, das er mich als 'sini' Stütze brucht, sondern dasers ehrlich so meint. Ach weiss au ned wasi söll mache...

• Zitieren