@weddingbee: aso ich verstah dich das du enttüscht bisch das so wenig rückmäldige chömed. ich glaub es gaht jedem so!
ich gseh das wie du, wenn ich en iladig zumene hochzit überchume (au wenns "nur" an apero isch) duen ich mich bi dere person sicher bedanke, s a- oder abmälde chan mer ja immer no mache.
mier hend ja afang november eusi std-chärtli gschickt und ich ha vo fascht allne es sms oder so übercho das hed mich mega gfreut!

mis chleid häsch ja scho gseh aber han ich dis scho gseh? chasch mer es föteli schicke??
und hesch es föteli vo euche iladige?

wäg de blueme, muesch dich da jetz scho entscheide? mier hed d floristin gsäit es langed wenn mer so im märz mal chömed go luege und uswähle was mier wänd. ich mach mier jetz da voll kei stress

was stelled er eu für en dj vor?? eine wo chli alles ufleit oder en spezielle?

• Zitieren

nicht registriert

@weddingbee85: am liebste würd i alli zäme ilade...oder au niemer...hach kei ahnig...
i glaub muesch de lüt no chli zyt geh. das chunt de scho. nur kei panik. aber i cha di scho chli versto...me erwartet villicht scho es merci und das d lüt sich freue. mim gg sin götti wohnt in butan. mir händ ihm denn es mail gschribe, das mr wänd hürote im mai und mr uns sehr würde freue wenn är und sini frau au drbi wäre. das hämer öbbe vor 3-4 mönet gschribe...es isch bis hüt KEI reaktion cho. sorry do mues i au säge, weisch was? blib wo de bisch. nid mol es mail zruggschribe tssssssssss

@kleid: i glaubes hän jetz scho fasch alli es chleid vo üs, oder? lilmonkeyme hämer au scho lang nüm gseh....und d santhia het ihres chleid nonig.

hey lüt i freu mi so uf dr brunch!!!!

• Zitieren

@lela85: gib dir rächt, es isch natürli für eus de schönst tag und muesses nöd au für d gäst sii. trotzdem hät ich mich überes feedback gfreut...mal luege. die wo eus wichtig sind händ sich all agmäldet und bim rest warted mer eifach mal ab...

@blueme: ich bin da total de freak obwohl bi mir dihei all pflanze sterbed...ich muess glaub au zerscht mal e pflanze es jahr lang chöne am läbe erhalte bevor mer eus a chind waged
aso, sälbverständli chasch im mai alles ha, das isch dänn eifach exportwar und entsprächend tüür und nöd saisonal. mer chunnt im mai gemäss minere floristin sehr vill über aber beliebt sind vor allem maiglöggli (sehr tüür), ranunkele, pfingstrose (eher endi mai), garterose, schleierchrut, diverses grüenzüg, freesie. ich han mer nur die gmerkt will mer die sorte am beste gfalled...was häsch dänn du dir überleit was du gern hetsch? häsch es bild vo dim struss (neugierig bin)?

@novia: ja voll, ich find das isch nöd meh als astand oder respäkt wänn mer sich gschwind zruggmäldet oder au seit das mer nonig sicher isch und wie lang das mer ziit hät zum sich entscheide (falls de "amäldeschluss" vorher isch)...jänu, sind nöd alli glich und wie obe scho gseit, die wichtige händ sich agmäldet...

@blueme (di 2t): eusi floristin hät scho gseit das mir no ziit händ. aber ich mach mir sälber de stress will ich am liebste jetzt alles scho fix hetti und weiss was mer überchömed...aber das isch eher mis problem als das vode floristin
weisch du scho was du für en brutstruss wetsch? häsch es bild?

@brutchleid. ja ich han dir es bild gschickt, eifach nöd mit mir sondern mitem "model"...sött no idim postfach sii...suscht schick ich dir nomal e nachricht.

• Zitieren

nicht registriert

@lela85: also uf dr wichtigkeitsskala vo 1-10 si die öbbe uf dr gliche stufe, nämlich öbbe 6. das isch jo dr scheiss...

@chile: mir hürote reformiert, aber besprächig mit em pfarrer hämer erst im märz

@blueme: im mai wächslets grad so vo früehligsblueme uf summerblueme. s isch no schwirig z säge was es de scho git und was nid, isch allwä zimlich au wätterabhängig. mir hei die def. besprächig mit em bluemelade im april, de bestlle mr de au und si macht mir de e probehochzytsstruss afangs mai. d floristin het eifach gseit, das es a dr bluemebörse nid immer jede tag die gliche blueme git, also chas si, das die strüss chli vonenander abwiche, me mues luege was es de halt grad het. also drzue mues i no säge, i wott e chline runde brutstruss mit pinke rösli, wiss, grüen, und so pastellfarbigi blüemli. de spielts jo au nid so e rolle. wenn me natürlich genau orchidee wott oder so, de chöne si das sicher bstelle.

• Zitieren

nicht registriert

@weddingbee85: also vo dir hani keis chleiderfoti im postfach

@dj: mir wärde kei dj engagiere. i wott e playlist mache, fertig.

@blueme: ah ja schleierchrut nimm i au

• Zitieren

@dj: hmm ok isch sicher no schwierig sone dj z finde wo einigermasse bezahlbar isch. känned er niemer wo das chönnt mache?
bi eus machts en kolleg vo minere schwöschter. ich wüsst susch würkli au ned wo so eine go sueche..

• Zitieren