nicht registriert

Hallo liebe Bräute

Ich bin ein nicht entscheidungsfreudiger Mensch.

Nachdem mein Verlobter und ich, uns für eine Location entschieden hatten, den Vertrag auch dafür unterschrieben haben, bin ich nun verunsichert, ob wir das RICHTIGE gewählt haben.

Ich habe mich eben ein bisschen umgehört und dann hat mir jemand, der schon mal dort an einer Hochzeit war gesagt, dass das Essen als nicht der Absolute Hammer gewesen sei. Es sei gut gewesen, aber es hätte sie nicht umgehauen.

NUN BIN ICH TOOTAL VERUNSICHERT; ob wir richtig gewählt haben.

Ich muss dazu sagen, dass es sich um ein Caterin handelt, da die Location kein eigenes Restaurant/Küche hat.

Wie ergeht es euch bei den wichtigen Entscheidgungen? Habt ihr auch Zweifel und wenn ja, wie habt ihr Sie weggeräumt?

Vielen Dank für Eure Antworten.

• Zitieren

ou sunshine, mach dir nid z viu Gedanke, entscheidige müesse eifach troffe wärde, u me cha ja när geng säge wär äch nid di angere bersser gsi oder äch billiger oder oder oder!
äs dänk dra, äs hochzytsfest zeichnet sich nid nume dür z guete ässe us, äs isch grad so wichtig das dir äs schöns Local heit, u d ä Gesesllschaft wo fröid het mi öich dä Tag z fire!
ouso i ha eifach aube chli lang bis mir öpis entschiede hei (ha o chli schwierigkeite) aber wes när mau entschiede isch, de isches ä so, u i bi froh cha i mi um öpis angers kümere!
muesch luege das chunnt scho guet
mir hürate am 02.05.2009

• Zitieren

Hey, das isch ou immer Asichtssach - de eint findt öppis guet, de ander eher weniger... und allne rächt mache chasch es eh nie!

Git's denn nid en Möglichkeit, das Catering emol z teschte? Es Probeässe z mache? Red doch emol met dene, säg' du wettisch di gärn vo ehrem Chönne öberzüge - wenn's denn kompliziert tüend, si dini Bedänke wohl berächtigt... sösch gsehsch jo denn, öb's för öich guet esch oder ned.

Grüessli
madmadi


Sit em 8. August 2008 glücklichi Ehefrau!

• Zitieren

nicht registriert

Also de Caterer ladet eus zum Probeessse i und es isch sogar es 4. Stern REstaurant. Bekannt isch das Restaurant für ihri Kuchi allemal. Aber ebe, wenn mer im Restaurant isst und das esse ned no mues transportiert werde mues.

Würdet mer dörte im Restaurant be dene fiire, hätt ich kei bedenke, wel ich kenns uns es isch es sehr es renomiierts restaurant.

Ich han halt eifach bedänke, dass wenn dGäst ghöret und au gsänd, dass s'Esse es Catoring isch, dass sie eifach vo afang a voreingenommen sind und das gar ned richtig gnüsset, wie wens im Restaurant inne würdet sitze. Verstönd ihr was ich meine.

Dezue ane chunnt, dass es jo nur dMeinig vo einere Person gsi isch. Aber trotzdem hets mi verunsicheret.

Eusi Hochziitsgesellschaft isch vorwiegend italienisch... die sind nun mal eifach kritischer... :-(

• Zitieren

nicht registriert

Tess es handlet sech ums Restaurant Krone in Lenzburg. Und Lokaliät wär ufem Schloss Lenzburg.

• Zitieren

Hey mach dir nid zviel Sorge.
Du wirsch nu mängmol müesä ghöre oh vo dem ha i schlächts ghört oder nei die sind döte gsi und gar nid zfriede.
Es git immer Lüt wo dir nume schlächts verzellet und s Gfühl händ sie hägät dir jetzt en Gfalle tue.
Ich ha mit de Ziit niemertem meh öpis verzellt, dänn cha der au niemert dri rede.

Gönd eurä Wäg, dänn de isch de Richtig.

Überleg dir mal wänn du amnä Hochziit iiglade gsi bisch. Uf was häsch gluegt und was hät di gstört? Ich ha mir dänn alles drusgno wo ich super gfunde ha bi anderne und was i überhaupt nid ha welä. Und so isch es absolut richtig.
Mir händ es eifachs Hochziit gha imnä 0-Sterne Restaurant uf em Land und es isch wärschaft gsi aber nid perfekt agrichtet wie halt imnä 5-Sterne Reschti.
Aber macht doch nüt, defür händ alli über gnueg gha und redet hüt nu vom Ässe wie viel sie do au gässe händ. Und mir händ au nid es 5-Gang Menue gha, aber das ha ich nid welä. Wänn du Lüt würsch fröge, dänn säget die ja do muemer es paar Gäng ha und das muen unbedingt si. Aber mir händ üs gseit mir zahlät und mir bestimmät.

I sägs numel...gönd eurä Wäg, dänn de isch de Richtig

Viel Spass




I bi sit em 1. Septämber 2007 glücklich verhürotät...

• Zitieren