Teil 1
..scho isch zwar scho es paar täg her, aber ich han immer nanig alles so richtig chöne verarbeite... mir händ en wunderschöne tag gha und ich möcht einiges mit eui teile!

für mich hät dä tag am 5i am morge agfange ich han nöd ganz eso guet gschlafe und bin au ziemli müed gsi und v.a. ufgregt. es isch mer sogar biz schlecht gsi... aber das hät sich schnell gleit wins scho los gange isch; mini tz abhole und dänn zum coiffeur/kosmetik fahre.
nach 2h simer beidi wunderschön gstyled wieder zu mir heigfahre zum en kafi näh und euis azlege. mir sind dänn doch echli is ghetz cho mit alege, obwohl mir 30min iiberechnet händ (kei ahnig was mir so lang gmacht händ... ).
dänn häts scho vo wiitem ghuuped - min maa isch mich mit em oldtimer go abhole cho. es isch en wunderschöne moment gsi und er hät gstrahled wie en maiekäfer. ich glaube, nöd nur weg em auto, au ich han ihm gfalle
dänn simer los in richtig griifesee (unterzwüsched isch es 10i gsi). es isch no recht chüel gsi, aber d`sunne hät agfange dur dä nebel drucke und mir händ gwüsst, das git en wunderschöne tag!!! uf em weg uf griifesee händ uh viel lüüt euis zuegwunke, gratuliert und sich eifach mit euis gfreut- es isch wunderschön gsi! wo immer ich chind gseh han, hani wie wild füürstei us em auto grüehrt!
e halb stund später simer dänn vor dä chile acho- euisem treffpunkt mit tz und fotografin. det hani dänn au min bruutstruss übercho und die ganz bluemedeko i dä chile chöne bestuune - es hät mir meeeeega gfalle und hät mini erwartige no übertroffe!!!
dänn ischs losgange mit em tz-shooting - bereits hät sünneli mit euis um d`wett gstrahled! namal e halb stund später händ euisi tz gäst in empfang gno und alles in und rund um chile parat gmacht. mir händ no bis kurz vor em 13h wiiter fotis gschosse. fotografin isch würkli dä hammer gsi (hät sogar no en assistent) mitgno. mir sind dänn fascht echli in stress cho vor em gottesdienst - 10min für ufs wc gah, öpis ässe und trinke und nahschminke isch doch biz wenig...


******* Zivil: 27.08.10 & Kirchlich: 4.09.10 *******

• Zitieren

Teil 3
dänn simer scho zu euisem uszug cho - mir händ euis schön ziit la win dä gang nöd so lang gsi isch. d`usse isch miini klass go spalier-stah cho mit soifebläterli. es hät mega schön usgseh win d`sunne so drii gschunne hät und es hät mi mega berüehrt...
dänn sind di ganze gratulatione cho und dä apéro isch eröffnet worde und däzue hät voice three na es biz gspielt.
nach eme wiili han ich min bruutstruss (neinei, es extra wurfstrüssli) gworfe - dä witz: e schülerin vo mir häts gfange! hoffemer mal, sie seg nöd di nägscht wo hürated, da sie ja erst 15i isch
öpe am 4i ischs dänn mit dä gladne gsellschaft richtig see abe gange. det hämer no föteli mit dä gäst zäme gmacht und sind dänn mit allne ufs schiff go ä chliin tour mache. das hät extrem guet ta, eifach mal chli abzschalte und dä moment z`gnüsse.
nach ca. 1h simer in maur acho und dänn is restaurant schifflände wo mir dä abig verbracht händ. s`esse isch super fein gsi au wenn ich fascht nüt gässe han, ha eifach nöd möge. spieli und was sich euisi tz alles iifalle la händ isch au super gsi; u.a. händ sie es märli erfunde wie mir euis kenne glernt händ bzw. wie sichs heti chöne abspiele. däzue händs föteli zeiged und gäst händ szene müesse nahspiele. dänn hämer en art es reisebuech übercho wo alli gäst tipps inegschriebe händ, wo mer chönt go hiireise. au händ sie z`vierte 2 ländler iistudiert und vorgspielt, mit schwiizer handörgeli und verkleidig!
es isch en super abig gsi mit viel gueter stimmig & tanz bis in die morgenstunden
sit em sunntig simer am wohnig ufruume, gschenk sortiere (isch ja wahnsinnig was mir alles übercho händ...) und ebe no biz am würke la...
es isch en unvergessliche tag gsi für euis....


******* Zivil: 27.08.10 & Kirchlich: 4.09.10 *******

• Zitieren

Wow, ces, gratuliere ganz herzlich und bedanke mich fürd Föteli (hani erst jetzt gseh, lieber spät als nie) und dä Bricht woni jetzt grad glese han...

Tönt au bi Eu nacheme glungene Fest... lustig sind au Dini Highlights gsi zum lese. Das hät mer bis jetzt eher weniger glese, Sache wo nöd ganz soo nach Plan glaufe sind...

Herzlichi Gratulation und alles alles Gueti uf Euem gmeinsame Lebensweg als Ehepaar!!!


<3 Unsere Grossen Tage: zivil 10.09.2010 und kirchlich 11.09.2010 <3

• Zitieren

hey ces, endlich komme ich auch dazu, deine fotos und den bericht anzuschauen. WUNDERSCHÖN!
Wir hatten einen ähnlichen Brautstrauss, ähnlichen Bolero und dieselben Brautschuhe.

Hast du die schöne Diashow selber gemacht?

Ich wünsche dir und deinem Ehemann alles Liebe und Gute!

nzwedding
------------------------------------------------------------------------
10/01/10 und 28/08/10 ...wir sind überwältigt...

• Zitieren