Ok, tuen mers dämfall au überlegge, ob mer eifach es feriefoti nämed. für extra es shooting chani min fründ glaubs nid begeistere; han scho müeh gha, überhaupt dörfe e fotografin z engagiere

gsänd cool us die drahtherzli. ich muen mer mal überlegge, wie ich d deko gern hett bzw. generell es konzept. d save-the-date-chartene hani so märli-style gmacht, es het e üle und es schloss druf und de text "es war einmal...". weni nach märli google, chunnt aber immer nur so mega kitschigs rosa-prinzessinne-zügs, villicht machis eifach uf edel mit silbrige cherzeständer, rose und perle. oder so chli mystisch mit silber-schmuckstück uf moos, das würd mer au no gfalle. wasi au no mega schön fänd isch so chli vintage-style mit alte büecher dekoriert. ach, es git eifach z vill schöni idee... wie isch das bi öich gsi: händer vo afang a e idee gha, woner denn durezoge händ oder händ er mehreri idee zur uswahl gha?

• Zitieren

Hihi, Emma, Männer mängisch... Wills äbe nid so vill Föteli vo öis als Paar git, simmer die Föteli vom Hochzit umso wichtiger.

Ja, klar, zeigi gern, weni mal was entschide oder sogar gmacht han. Han öi mal mis Iladigschertli aghängt, denn gsänder so de Stil.

Muen zuegä, die Moos-Silberschmuck Deko hani spontan "erfunde". Het sicher schomal öpper gmacht, aber ich han no kei Bilder dezue gsuecht. Villicht sowas:

• Zitieren

Huch, han doch scho mal zrugg gschribe..?

Ja, mer händ d Save the Date Chärtli scho im Dezember gschickt. Drum hani s Gfühl, ich muess d Iladige nonig so bald abschicke.

Danke, freut mi, dass es dir gfallt. Mer händ sältsamerwiis praktisch Null Rückmeldig becho... Nur 1 Person het gmeint, dass si d Chärtli schön findet. Aber han scho gläse, dass das normal seb... chli enttüscht bini trotzdem.

• Zitieren

Hey Canoa, guet nimmsch euses Thema wieder uf :)

Bi eus lauft im Moment au nöd grad viel... ich bin jetz total ufgregt weg de Gastgschänkli wo ich möcht selber gstalte.. Han am Fritig s ganze Material bstellt und chans chum erwarte bis endli alles itrifft.

Organisatorisch simmer eigentli zimli dure, am 7. April hemmer no d Besprechig weg de Torte und s Menü müesstemer definitiv go absägne, demit ich mite Gstaltig vode Menükärtli chan afange.

Min Fründ gaht am Mittwuch mit sim TZ sin kirchliche Azug go ussueche und s aktuellste Thema sind d Iladigskärtli. Sitere Wuche dusse und bis jetzt nur 4 Zuesage... het ehrlichgseit chli meh erwartet aber ja d Frist isch bis Endi April, werdet scho no meh itrudle hoffi :)

• Zitieren