Hellloooo mini liebe Parallel-Brütli

Wie gahts eu?

@drusilla luegsch au scho täglich ufd Wetterprognose? Also hüt gitts ja bombastischs Wetter a für a eusem Tag, hoffentli blibts so :)

Ich bin zimli dure mit allem was zmache gsi isch... Was no astaht isch de Hochzitstanz üebe und am Samstig chani mis Kleid go hole :)

Nervös bini eigentli nonig so, aber ich merke bitz dass min Körper Azeiche gitt, ich hoffe das leit sich.. wie gahts eu? Was staht bi eu no so a?

• Zitieren

wo luegsch denn du Emma, ha drum höt au gluegt ond es geht nome 21°Grad ah...hoffe es goht nochli ufe...

• Zitieren

hmm jo vellecht esch es au wäge de Region...aber hautsach kei Räge...
obwohl so wie am letschte Fritig 27°Grad wär jo anderst geil! =)

• Zitieren

Hihi, ich luege au täglich mehrmals und bin hüt morge erschrocke, wo d rägewahrschinlichkeit bi 60% gsi isch. jetzt isch si bi 30% Völlig blöd also, dete immer go luege, aber ich machs trotzdem...

Ich hätts lieber echli chüeler, so 25°. Schwitze immer so schnell und denn glänzts uf allne Fotene...

• Zitieren

uääääääääää, ich han grad e akuti Panikattacke... es isch zwar alles parat, aber bin mer einfach nid sicher, was ich wäm alles kommuniziere muen und wie gnau. Muen ich bischpilswis de Fotografin säge, was für Gruppeföteli i welere Zämestellig ich will? Wahrschinlich scho, oder? Usserdem weissi immer nonig gnau, wo mer selled fötele... wenns Wetter nid sicher isch, chömmer nöd det hi, woni han welle. Da ich nüt weiss, wo mini TZ plant händ, bini au total unsicher, ob das mitem Ziitplan überhaupt ufgaht (bin total de Kontrollfreak, ganz schlimm). Ich eleige han d Deko plant, aber ich han denn gar kei Zyt, die sälber ufzstelle. Delegiered dir das eifach ab? Und han usserdem grad s Gfühl, ich seb im Moment grad bsunders fett und hässlich, liegt wohl am Stress bide Arbeit und bim Vorbereite

• Zitieren

Ich find 24° perfekt... ich hoffe würkli dases so blibt (also wärmer chans natürli au werde, eifach KEI Rege... ich hoffs soooo fest)

Canoa, bisch scho nervös?

Bi eus staht eigentli alles, mir sind nur nochli am üebe tanze, so luschtig... freu mi scho mega. Abem Dunnschtig hani denn frei, aber scho jetz chani gar nüm richtig schaffe...

@drusilla ou nei, tuet mär leid dasses dir grad nöd so guet gaht... Ich han am Samstig au ä chlini Kriese gschobe will ich mis Kleid immernonig han chöne heineh, bim laufe bini eifach immerno drufgstande vorne und woni heicho bin, hani nur no ghület... das sind eifach d Hormon wo chli verruckt spielet, lahn di wege dem nöd usem Konzept bringe. Und was de Ablauf agaht, ja... mir hend am Fotograf ä Liste gmacht mite Name wie mir d Gruppeföteli wend mache, de Rest vom Abig hend mir aber gar nüd plant, das hemmer ganz eusne TZ überlah, ich bin au en Kontrollfreak, aber ich möchte de Abig eifach gnüsse, ganz egal was plant isch, ich möchte eifach chöne los lah... ich glaub eso chasch alles viel entspannter agah und hey, isch doch glich wenn öpis nöd ganz ufgaht, d Gäst wüsset ja nöd wie's ursprünglich plant gsi isch, niemert wird irgendöpis merke wenn öpis nöd so lauft wie plant.. Chunt alles guet!!!

• Zitieren