@Emma: Danke fürd Ufmunterig. Ich glaub, es liigt würkli dra, dasi im Gschäft so igspannt bin. Han gar kei Zyt, zum mich ufd Hochziit fröie. Hoffentli ischs ab morn, weni frei han, besser
Super, das du scho so wiit bisch, und dich jetzt einfach nur no chasch fröie

• Zitieren

Emma's Traumhochzeit - 31. August 2013

Da ich keis eignigs Plätzi han, verzell ich euch da vom schönste Tag i eusem Läbe...

Mir hend en absoluti Traumhochziit dörfe verbringe, mir sind beidi immerno total überwältigt…
Agfange hets eigentli scho am Fritigabig, mis Mami het für eus ä chlini Überraschigsparty im Quartier organisiert, alli Nachbare sind mit chline Gschänkli verbicho, mir hend dusse bi strahlendem Sunneschii Pizza gässe und agstosse, s isch so herzig gsi… Mir sind denn bi Ziite hei und hend de Abig usklinge lah… Am nöchste Morge am 7ni het min Wecker gschällt, bin aber eigentli scho wach gsi, bin total guet gluunt ufgstande, bin go dusche und mir hend no zäme z’mörgelet, am 8i isch d Coiffeuse bi mir gsi und sie het mär ä meeega hübschi Frisur anezauberet, bin denn mis Mami go hole und zäme simmer zur Kosmetikerin gfahre fürs Make-Up… am 11i het denn mini Trauzügin scho uf mich gwartet und het mär ghulfe i mis Traumkleid inezhüpfe. 1 Stund spöter isch denn de Fotograf cho und mir hend no ä mega luschtigs Vorbereitsshooting gah, bim Kleid schnüere hets vorallem uu lässigi Bilder geh, d Stimmig isch total locker gsi und ich bin überhaupt nöd nervös gsi. D Ziit isch denn irigendwie gfloge und öpe am 13.30 simmer d Stäge durab gloffe und dusse hend scho ganz viel Lüüt uf mich gwartet, hend gfötelet, Roseblätter grüehrt und klatscht, s isch soooo herzig gsi, churz drufab isch de Trauzüg vo mim Maa mitemene wisse Jaguar mich und min Papi go hole, s Auto isch sooo schön gschmückt gsi und es het eifach bombastisch usgseh. Zäme simmer zude Chile gfahre, sind usgstiege und churz vorem Tor simmer denn stahblibe, eusi Trauzügine sind usecho, hend mich umarmt und no s Kleid schön grichtet, eusi Bluemeitli sind strahlend det gstande, han min Papi nomal agluegt, er isch sooo nervös gsi, hend eus umarmt und sind zum Hochziitsmarsch inegloffe, das isch definitiv eine vode schönste Moment i mim Läbe gsi.

Zuletzt bearbeitet am 04.09.13 11:37

• Zitieren

S Esse isch super fein gsi, d Deko genauso wie ich's mir gwünscht gah han, mediterranisch, mit Palme, vielne Kerzli, Muschle und Seesterne, zwüschet ine simmer immer wieder go tanze, euse luschtige Eröffnigstanz isch super guet acho, d Lüüt hend richtig mitklatscht und gsunge. S het nöd besser chöne si. Als Überraschig hemmer no 2 Brasilianerine in typische brasilianische Kostüm gah wo ä mega Show bote hend, d Gäst hend nüme ufghört tanze, s isch eifach sooo lässig gsi. Spöter hend eusi 4 TZ no en Mambo tanzet und au det sind wieder alli uf de Tanzflächi gsi. D Stimmig isch eifach genial gsi, alli hend mitgmacht und sind guet druf gsi und mir hend eus eifach nüd bessers chöne wünsche. Am Schluss isch denn no eusi wunderschöni Turte inebracht worde vomer dusse agschnitte hend und im Hintergrund sind Füürwerk-Fontäne abgange, s het so schön usgseh.

Natürli isch de Abig denn wiitergange und di bestgluunte hend bis am 3 ide Nacht mit eus duretanzt. Womer denn müed aber überglücklich wo eusne TZ hend wele verabschiede, hämmer e grollts Blatt übercho womer erst im Auto hend dörfe läse. Sie hend eus umarmt und ä „gueti Nacht“ gwünscht.

Unwüssend simmer vo eusem TZ-Chauffeur is Romantik Hotel am See gfahre worde, womer mit Cüpli und Roseblätter ufem Bett empfange worde sind. Todmüed und überglücklich simmer denn igschlafe… Sie sind eifach di BESCHTE, die Überraschig isch eifach genial gsi, am nöchste Morge hemmer mit Blick ufem See dusse zmörgelet und en gmüetliche Wellnesstag verbracht. S isch so schön gsi, mir zwei allei de Tag nomal chöne Revue passiere lah…

Mir hend en perfekte Hochziitstag verbracht wo alli eusi Erwartige übertroffe het und sind so glücklich und zfriede dass mär das riese Glück hend dörfe erlebe. Womer heicho sind het es Gästebuech ufem Tisch uf eus gwartet vollpackt mit Föteli vom Abig und liebi Glückwünsch vode Gäst… und wieder hani Tränli verdruckt… Unglaublich wie schön dass märs gah hend!

Zuletzt bearbeitet am 04.09.13 11:48

• Zitieren

Liebi emma! Cha eifach nome sege: sooo schön!
din brecht het mi rechtig berühert!So heschs so schön beschrebe! I freue mi dass du de tag so hesch chöne gnüsse ond wönsche der ond dim maa alles gueti förd zuekonft!!

• Zitieren

Emmaaaaaaa: danke für din Bricht! Han uf FB es Foti vo de Ussicht vom Hotelzimmer gseh und das isch mer soooooo bekannt vor Cho, jetzt isch natürlich klar wieso; mir händ ebä i dem Hotel s'Fest kah

Ich freui mi für all Brütlis wo en Super schöne Tag händ dörfe erlebe und ich Wünsche euch allne nume s'Beste!!!!

• Zitieren

@ Emma13

• Zitieren