Hallo ier Liebe Brütli

Ich danke üch viiiiiielmal für üchi liebe Wünsch!! Jetz fangt dNervosität richtig ah! Es isch en riese Freud i mier inne, bi glaub die ganz Ziit nur am strahle!!
Klar due ich üch brichte wies gsi isch

@Schanine: du bisch super, es passenders Bild gids glaub nid!! Danke vielmal!!

Ganz liebs Griässli a alli vomene total nervöse, aber glückliche Schlumpf

• Zitieren

Hallo Schlumpf

Hoffe du häsch guet gschlafe und startisch frisch und usgruhet i de unvergesslich Tag ine. Wünsch der alles Gueti, gniess es!
LG

• Zitieren

Guete Morge Schlumpf

au wenn du das hüt chuum me lisisch, wünsch ich dir e wunderschöne, unvergässliche, freudige Tag! Und für euri gmeinsami Zuekunft alles Gueti!

• Zitieren

Liebe Schlumpf

Auch von meiner Wenigkeit die besten Wünsche für den Start in die Ehe. Geniess deinen Tag und lass die von den Emotionen durch den Tag tragen.

--------------------
Wir tauchen in unser neues Abenteuer am 11.06.11

• Zitieren

Hallo ier Liebe 2011er Brütli

Ier sind echt dr super! So liebi Wünsch vo üch, das isch richtig schön gsi zum lese. Ich dankä allne vo ganzem Herze!!

Es isch en wunderschöne Tag gsi für üs gester. Es het alles gstumme. Zum Glück hend mer erst am 16.30 ghürate und da mier beid dr ganz Tag frei gha hent, hemerneschön ruhig chenä agah!:-) Duet au guet für dNervosität!
Ich han sogar nu Wäsch gwäsche und mi Maa isch nu gu sAuto usesuuge:-)!
Am Mittag het de sProgramm für mich agfange, bi zur Coiffeus gu frisiere und sie het mech de au grad gschminkt! Nach knapp 2 Stund bin ich de au scho wieder drheime gsi! Hend de epis wenigs nu gesse und üs langsam parat gmacht! :-) ufs Mal isch de Ziit recht schnell ume gange, und scho sind üsi Eltere und Trauzüge, Gschwüsterti und Kollege da gsi. Also hemer üs all uf dAuto verteilt und sind is Schloss Schauensee ufe gfahre. In Kriens chamer Ziviltrauuige au dert vornäh. Dobe hemer de selber mitgommene Apero adr Schlossbetreuerin bracht zum ufstelle! Zivilstandsbeamtin isch de au gli drnah acho, het sich igrichtet, und da mier all scho "nache" gsi sind, hemer sogar 15Minute vorher chöne starte! Sie hets richtig schön gstaltet.
Bi nur churz nervös worde, womer hend müsse ufstah, und sie üs die Frage aller Fragen gstellt het! Natürlich hend mer die beid mit JA beantwortet. Drnah isch nu dUnterschrift cho, uups, han de ufs Mal doch zitteret, woni mit MIM NEUE NAME unterschriebe ha müsse!
Und de hemer scho dörfe dier erste Gratulatione entgege näh, vo dene liebe wo bidr Trauung drbii gsi sind! Womer de Türe ufgmacht hend, dass mer chönd gu Aperöle, sind mier riisig überrascht worde, wieviel Lüüt nu cho sind, um üs zgratuliere! Hend riesig Freud gha. Es sind alles Lüüt cho, wo üs mega viel bedütet. Hend e huufe Bluemegsteck und Ballön und vorallem ganz viel liebi Wort und Wünsch dörfe entgegenäh! Mer send de nachem Apero met üsne Eltere, Trauzüge, Gschwüsterti und Kollege ganz fein gu esse und hend dr Abig usklinge lah! Leider gaht ja alles schöni so schnell verbii - aber eis Fäst staht üs ja zuvor!!


ganz liebe Gruess a alli und numal viele Dank!!

schlumpf

• Zitieren

@belle85:
danke dier vielmal!! Ich wünsches dier sehr, dass du imene Monet au en wunderschöne Tag dörfsch erlebe, mit vielne schöne Moment und mit vielne liebe Lüüt!! Mer gönd jetz es paar Täg gu flittere, damit mer üs as Ehelebe chönd gwöhne:-))

Lg Schlumpf

• Zitieren