| September Bräute 2013 |
|
|
1 .. 20 .. 38 39 40 41 42 .. 54 .. 65
|
Snow_Floks  am 02.09.2013
Re: September Bräute 2013
@kennelerne: Diä vo Züri kenned vilicht no de vorgänger vom Blick am Abend, das Chäsblatt hät mal Heute gheisse vo dem häts (oh wunder) au e Homepage gä und det über de Chat händ mir ois kenneglärnt. Zerscht hämmer ca. en Monät nur gschribe, den hämer ois mal troffe, den wider öpe en monät nur Telefoniert bismer ois wider troffe händ. Naja, und irgendwän häts den gfunkt! das isch vor 5 1/2 jahr xi. Isch lang e Wuchenänd beziähig xi, er hät in Züri Studiert und im Luzernische gwont, ich han in Wil gschaffet und im ZH Oberland gwont. Vor 3 1/2 Jahr simmer dän zämäzoge.
Und ez hüratemer scho am Samstig 
|
|
|
elea  am 02.09.2013
Re: September Bräute 2013
ou lou so Familie knatsch es mega müehsam ond chräfte raubend!! :-/
mer hend eus au em gschäft kenne glehrt. i be em 1.lehrjohr gsi ond er im 2te. mer hend grad freud anenad gha und set denn semmer zeme 
|
Snow_Floks am 02.09.2013
Re: September Bräute 2013
So Medels,
Ich mach mich mal uf dä Wäg. Söt no zu de DH, damit am Samstig mini Biiserli so richtig wiis sind 
Wünsch oi no en schöne und erholsame Abig.
Greez
|
autumn_bride  am 02.09.2013
Re: September Bräute 2013
Hey Fraue,
Ich mälde mich au mal wieder us de versänkig. Boa ja im andere Forum lauft würli nümme viel, defür gaht da Post ab.
Fotilocation: Für im Schlächtewätter wüssemer au nanig gnau was mer mached, de Fotograph hät scho es paar Variante gseit wo möglich wäred. Aber ha kei Lust zum das jetzt entscheide. Ich ha letscht Wuche au zu mim Gg gseit wo ich dä Punkt uf de to do list gseh ha. Ouu chum das luegemer i de wuche vorher a wänn de Wätterbricht schlächt azeigt. Aber mir händ ja all schöns Wätter bstellt für am 21.? oder?
Name: ich nimme sin Name a. Find eifach schön wänn mer als Familie ein Name hät.
Kännelerne: Mir händ eus vor 6.5 jahr über Kollege känneglärnt und sind sit 5.5 Jahr es Paar...
Und i zwei wuche verhüratet:) So krass ich weiss na vor eme Jahr wie ich Monate zellt ha und jetzt schwuups und ume isch das Jahr...
|
Eve777  am 03.09.2013
Re: September Bräute 2013
Guete Morge Ladies 
Haha gester hämmers doch grad vo Träum gha und was träum ich hüt Znacht?! Hochzeitsalptraum ahoi. Ha träumt mini best Fründin hegi mir mi Hochzyytsbluemestruss brocht und de het überhaupt gar ned so usgseh wie ich ne bstellt ha. Denn hani so gseit hei nei das cha ned de richtig sii de gseht us wie e Bäse (esch ächt so ganz es verlohrnigs Ding gsi mit öpe 5 Blueme und das wars) und sie so doch doch das mues scho diine si sie händ mir nomol de Priis gseit und dine chostet doch 170.00? Und ich so hei nööö aber für so öpis zahl ich doch ned so viel gohts no?! Hahaaaa bi natürli meegaaa entspannt ufgwacht .
Nachhär muesi no zu de DH go Zahnreinigung mache, und die findet eifach irgendwie immer neume es neus Loch, ha scho jetzt Schiss zum go und bi nachhär immer so mega niedergschlage will ich mir alli Müeh gebe mit de Zahnpfleg und trotzdem nützts eifach nüt   .
@kennelehre: ich ha mi GG vor über 10 Johr im Internet kenneglehrt. Zwöi Arbetskolleginne händ damals gfunde sie sueche mir jetzt mol e aständige Maa. Ich bi jo seeeeeehr skeptisch gsi, aber ha denn gfunde guet ich testes emol. Und er het scho ganz vergässe gha dass er si Account uf dere Siite gar nie glöscht het obwohl er gar niemeh druf gsi esch und het denn plötzlich es Mail vo mir drufgha. Mir händ denn paar Wuche gmailt und viel telefoniert und denn hämmer abgmacht zäme. S esch Liebi ufe erst Blick gsi und mir sind am Tag vom erste Träffe zämecho und sit denn es Paar. Sit 9 Johr wohne mir jetzt zäme und i 2 Wuche beni d Frau xy .
|
sonne13 am 03.09.2013
Re: September Bräute 2013
hihi eve, dä traum isch super  das chönnt mir no in live passiere, ich ha nämmli ned wirkli ahnig wie mine struss den wird usgseh. ha mol im katalog gschnöigged wos gha hend und eifach gseid: "dä" wo mer eine gfalle hed sie hed de gmeint ech seig jo mega unkompliziert, aber was wottsch do lang goh störme wenn eh kei vorstellig hesch? ech be jetzt ufe jede fall gspannt wie denn mine bruutstruss usgseht, aber ech könne dä florischt, es wird wohl kei bäse sii mit 5 blueme
mer hend geschter endli d böxli öbercho för eusi m&ms! ha scho angscht gha es länget nümm! jetzt sinds iigfüllt und parat. ha no e churzi frog: mir hend überleid, die gar ned z verziere, damit mer d m&ms au gseht und wills mi donkt es hed scho viel firlefanz ume. finded ihr das z'blutt?
happy day euch allne!
|
Eve777 am 03.09.2013
Re: September Bräute 2013
Hihi Sonne das wärs jo no , nei aso wennd de Florist kennsch chunsch sicher kei Bäse über  . Ich ha ebe e Brutstruss i dem Stil bstellt wie mis Profilföteli esch, bi mega gspannt öb sie das ähnlich anebechöme  .
Wäge de Böxli, was sind das denn fürtigi? Das esch glaub irgendwie a mir verbiigange? Aso ich finde wenns scho schön usgseht ohni Verzierig eifach "nur" mit de M&M's denn lohs doch eso, söll jo dir / euch au gfalle und ich dänke au meh cha def. au z viel Schnickschnack as Züüg anemache.
|
Lou259  am 03.09.2013
Re: September Bräute 2013
ich gsehn das wie d Eve, machen s so wie IHR das toll finden, wenn öppert motzt, sorry denn isch er blöd, immerhin chan me dankbar sie, wenn me es Give-away griegt.
|
Lou259 am 03.09.2013
Re: September Bräute 2013
Wir machen kleine 2dl Fläschchen mit essig und öl drin als Give-away... so im stil, dass jedes gericht dass es schmeckt eine saure und süsse note bruacht. da ich köchin bin ist uns dieser bezug sehr wichtig. Die Pärchen bekommen immer je essig oder öl, die alleinstehenden nur Öl. denn mit nur Essig kann man nicht viel anfangen :-)
|
Chriesi am 03.09.2013
Re: September Bräute 2013
Eve777 ich weiss nöd ob du mini Frag gsehsch drum schriebis da no schnell ine... Wirsch du jetzt über Beautycall gschminkt und frisiert? Häsch din Probetermin gha? Wenn ja wie viel zahlsch du in etwa und bisch zfriede gsi (guet wenn sie gno häsch den sicher...)? Danke für dini Antwort!
|
|
|
1 .. 20 .. 38 39 40 41 42 .. 54 .. 65
|
Anmelden
