für alli wo's morn und/oder am Samstig so wiet isch: Viel viel Glück, gnüssen de Tag und löhn eu fiira! denken nid an das wo schief ganga isch oder ihr evt vergesse hen, es merkt e niamert i wünsche eu alles glück vor wält!

• Zitieren

Sooo, die letschte Stundä laufet, morn chunt ändlich euse grossi Tag. Mir händ grad nachli güäbt tanze und sind jetzt sowiit parat. Probieret früä is Bett z gah damit mir nach dere stressige Wuche morn au fit sind.
Mine Miitbrüüt und allne wo am Samstig hüratet wünsch i en wunderschöne Tag. Dä Sunneschii für eus isch bstellt

• Zitieren

Dankeeee vilmooool wünsche au allne Parallelbrüüt alles alles Gueti und dass s Wätter einigermasse hebt .

Bi mir eschs morn sowit, mues hüt schaffe aber ha nüt meh z tue und ha s Gfühl de Tag wot hüt ned umego, eso wirdi total hypperig wäge morn *nervös*. Bis hüt am Morge hani mi eigentli ganz gelasse gfühlt aber jetzt grad tanze d Ameise Mambo i mim Mage .

• Zitieren

Jo ich bi ächt chli nervös grad, aber ebe allwäg au weli ächt ned viel los ha im Gschäft hüt und denn cha me sich so ned ablänke .

Wägem 21. beni im Momänt ehrlichgseit wägem ganze Tag und so gar nonig närvös wills irgendwie no mega wyyt wäg esch für mich, aber mich kackt eifach de unzuverlässig Wätterbricht megaaaa ah . Gester hets no gheisee do umenand wärdis es schöns Wucheändi, aber hüt und sicher morn wieder wärmer und schöns Wätter, hahaaaaa und hüt am Morge heissts jetzt plötzlich morn schiffts. Ich weiss dass es nüt bringt und mes eh ned cha ändere, aber je nöcher de 21. rückt desto meh schisst mi de Gedanke ah dass es chönt schiffe denn. Finds eifach so blöd wenn me denn sones pitschnasses vollgsognigs Chleid de ganz Tag ahet und d Föteli überall dinne mues mache. Aber naja, bätte jo immer no zum Petrus dass er eus am 21. verschont .

Bisch du scho nervös vor negscht Wuche oder gohts?

• Zitieren

Jo ich ha au immer gseit ich wet mir kei Stress mache unds eifach so nä wies chunt aber es schisst mi halt glich chli ah. Ned wili dänke eusi Hochzyyt wird denn ned schön wenns schiffet, ebe vorallem wäge mim Chleid und em go fötele. Aber jano, s änderet wörkli fang jede Tag me cha sich ächt uf nüt meh verloh.

E gueti Schlächtwättervariante hämmer immer nonig 100% fürs Fötele will ich mi eifach weigere s Schlimmste aznä *g*. Ha gseit wenns eifach es bitzeli rägelet denn gömer trotzdem i Bally Park go fötele, mir händ eigentli vorallem denn es Problem wenns wörkli Chatze haglet. Aber um das machi mir nächst Wuche Gedanke falls sich denn so öpis söt abzeichne.

Uiii nei Elea läck do wäri au ad Decki gange, 1 Woche vorem Fest gohts no?!? Mir händ ebe de Lüüt vo Afang ah gseit wenn sie wänd übernachte denn müend sie das sälber bueche, mir händ eifach es Zimmerkontingänt freighalte damits sicher gnueg het aber s organisiere etc. hani ned welle mache, genau wäge so Sache. Do närvsch di jo ächt nur no. Chasch ehne ned säge sie sölles sälber direkt mit em Rütihof abmache?

• Zitieren

Haha jo weisch Elea ich ha eifach d Hoffnig wenn ich d Rägevariante ignoriere dass es denn eifach mues schön wärde .

Hihi genau, ha mim GG scho gseit du wenns schiffet gehts nur öpis: äntwäder muesch mi über jede Glungge träge oder ich bruche mind. 4 Lüüt wo mis Chleid rundume ufehebe *gg*.

Pfff was theäterle gohts no?! Aso entschuldigung finde esch jo logo dass eim so öpis närvt, ich wär au uf 180 vorallem ebe wenn dir euch ned eifach chöned drusnä sondern "müend" reagiere will das de Engelberg so will.

Hmm du aso ganz ehrlichgseit fühl ich mi im Momänt eher wiene tote Fisch als dass ich mega viel Vorfreud wörd merke, bi irgendwie inere ganz schräge Stimmig und so total ufem surreale Trip, s esch eifach komisch. Hoffe dass das morn denn besser esch.

• Zitieren