Saerli, so ganz 100% isch das no nid.

Also mier wärde sichr zersch mit üsne Töffe ufe Flugplatz Interlake ga und dert Shoote, denn älwä richtig Lombach (Unterseen) fahre und dert im Wald, bim/im Wasser.
Ufe fahre mit em Töff muesi sälbr und de dert uf em Flugplatz z Chleid alege de lö mier d Töffe dert la schtah und gö mit em Outo witr. Will ig ma z Chleid nid geng alege und widr abzieh....

eh mal gugge, mier fröiie üs öml henne.

Mini Schwoscht/üsi Trouzügi chunt mit cho hälfe, si fötelet ja sälbr o und macht am Shooting mit als Gib-Häb-Zünd. Eigentlech sötte mier drna de no hei ga di oberschti Etage vo üsere HZ Turte ässe wo ir Gfrieri isch. Es het gheisse die wärd igfrore und am 1. HZ Tag zäme mit dä Trouzüge gässe...

• Zitieren

Hallo ihr Liebe
Mer he letscht Wuche üses Trash-the-Dress-Shooting gha. Und es isch super gsi.
Mer sie sehr gspanne ufs Resultat wo mer i 3 Wuche becho werded.
Mer hend ja i de Ferie im wunderschöne Split üses Fotoshooting gmacht. Zerst sie mer in es Wäldli. He es bitz "normali" Föteli gmacht (im renne und so). Den sie mer in en Bach und hend a dem und i dem (u im ene chline Teich) Föteli gmacht.
Den sie mer as Meer u he det im Sunneuntergang gshootet.
Zum Schluss sie mer no uf de Huusberg u he vo det wunderschöni Nachtufnahme, im Hintergrund t Liechter vor Stadt u Hafe, gmacht.

Jetzt chan is Chleid also endgültig versorge
Es het irsinnig Froid gmacht u i würs jedem empfele.

Am Hochsigstag werde mer sicher Tagsüber öpis schös mache (mer he aber no ke Plan) u am Abe gö mer in es Restaurant schö go Esse mit ganz ere tolle Ussicht uf die ganz Stadt (Dubrovnik).

Eigentli he mer ar Hochzit welle "Morgegabe" ustusche. Da i aber nie öpis gfunde ha, het min Schatz sini Morgegab becho u i no nid. Da i gad i de Ferie a es paar Traumhafti antiki Ohrring (1910) heregloffe bin, wird i die zum Hochzitstag becho. Min Schatz bechunt es Büechli vo üsne gmeinsame Jahr mit no es paar schöne Sache dinne u eme Guetschi zum Bier-bade.

@lululuana: Das dönt nach eme super Plan. Hend viel spass. I bi scho gspannt uf eui Föteli.
Das mit em "Turte igfrüre" isch ja super. Find i sehr e schöni Idee. :-)

@saerli:Gnüsseds in Ascona. Das dönt toll. I wür dir es Trash the Dress empfele (au wen mer sich chli mus dra gwönne das mer als "nid-Brut" de ebe doch als eini agluegt wird. Min Schatz het mer immer, wes mer chli viel worde isch gseit, mer sige nur Model u mache es Shooting für e Brutchleidmarke. Das het guet ghulfe). Aber es macht würkli sehr viel Spass.
Viel vergnüege als Trauzügin. I bi sicher du bechunsch de Trauzüg in griff. I bi gspanne uf es Foti vo dim schöne Chleid.

@all: Liebs Grüessli a alli

• Zitieren

halllliiii halllooooo

i bi zwar gar nüm oft im forum aber so nach mä johr muess i jetzt scho mol frogä, wiäs öich goht

wiä häit dr öichä erscht hz-tag vrbrocht? hoff si alli no glücklich und happy mit ihrnä ggs

mir si jo am erschtä hz-tag grad uf dr räis gsi und häi in vancouver "gfiirt"... s isch super schön gsi... d zit goht jo sooo schnäll umä...

würd mi fröiä, vo öich öbbis z läsä

lg jusi

• Zitieren