oh wow das gseht au mega us... ja mir gfallt ebe no viel, ich find eifach die ärmel so herzig, haha... wahrschinli wirds nachher ganz öpis anders :-)

• Zitieren

Wow das isch würklich mega schön! Hàsch es Fötli wies usgseht hät wos agha häsch? Wür mi mega interessiere wie die Pronovias-Chleider a eim usgsehnd. Mir gfalled u viel aber weiss d Näme grad nü uswenidg.

Emma13:

---

himbeer, die sind beidi traumhaft, s erste findi hine wunderschön, s zweite isch schlichti Eleganz, wär z.B. min Favorit :) muess mär die Kollektion au nöcher aluege, het ganz viel schöni drunder

• Zitieren

Oh das isch denn schad. Dörfmer das würklich nöd Findi ja mega blöd.. naja denn mussi wohl warte bisi denn au mal gan go Chleid probiere.

• Zitieren

Hallo Zusammen!

Ich meld mich jetzt do au mol zu Wort

Mir hüroten am 23. August, der Grund: min Schatz hät nid im Juni und nid im Juli welle hürote denn hani eifach mol im August glueget und han denn dr 23. für guet befunde will, ich han am 1. August er am 23. April isch also chli e Kombination us üsne Geburtstäg.

Was hämer alles scho organisiert? Mir werded ufem Schloss Werdenberg hürote "nur" Zivil do mir mit dr Chirche nid viel afange chönd. Das hämer scho reserviert. S'Resti hämer au scho reserviert, gfiiret wird im Kurhotel Alvier in Oberschan, d'Ussicht isch eifach dr Hammer (links bis zum Bodesee und rechts fasch bis uf Chur)

Mis Chleid isch scho bstellt und d'STD-Kartene hämer selber gmacht und werded die denn im Januar per Mail verschicke. Leider chömer ufem Zivilstandsamt ersch im April dr Termin definitiv mache aber er isch mol provisorisch reserviert (ha uf dr Gmeind d'Lehr gmacht und ha dur das chli Bezüchige ) darum hämer üs für STD entschiide... Mir wärdid dä Tag imne relativ chliine Rahme halte, das heisst ca. 60 Lüüt bim Apéro und am Obig simer 26...

Mir freued üs scho extrem uf ÜSEN Tag, und i bi mit dä Vorbereitiga scho fasch nüme z'Bremse

Zuletzt bearbeitet am 19.10.12 22:59

• Zitieren

Guets Mörgeli

Ich hoffe, ihr händ alli äs schöns Wucheendi gha!!

@Emma, das isch ja schad wäg em Fötele. Ich han i beidne Gschäfter därfä fötele...hani na guet gfunde, will nach foif, sächs Chleider hani gärn namal glueget wiä diä vorhher usgseh händ.

@Manu, willkomme i üsere Rundi!!

@nemo, oh wow ganz schöni Ring händ ihr eu da usgläsä!! Und diä Schüfeli und Zängli sind uu härzig, das git sischer es suuuperschöns Candybuffet!

@me, ich han am Samstig für dIladigschärtli ikauft...etz fähled nur na dBändeli i dä richtige Farb (und nid allzu tür, han gfunde gha, aber det heti über 60.- ällei für dBändeli zahlt). Nachher chani dänn mit baschtle afange!!
Dänn händ mir na sDatum für s Zivile reserviert: 13.2.13. Mir wärded das nur im chlinschte Rahme mache mit aschlüssendem Apéro bi üs im Garte (mit Füürsüüle, heisse Maroni und Punsch/Glüehwy) und dänn äs Raclette dine. Hoffe eifach, dass äs dänn Schnee hät!!

Allne en guete Start i di neu Wuche!
Nini

• Zitieren

@himbeer: weisch ich han nächst jahr im früehlig de abschluss vo minere wieterbildig wo ziemli happig wird. darum alles was mir jetzt scho in sinn chunt und ich grad irgendwo gsehne schnappi mir grad.
wenn is han, denn hanis. und jetzt hani ziit und muen nöd stresse, weiss ja nie was no chunt...
aber ich han definitiv kein stress. han hald eifach freud am schneugge i dene shops. und wenn mer öpis gfallt woni eh no bruche, denn fangi a priese vergleiche und denn packi zue

• Zitieren