darf ich fragen, was ihr so budgetiert habt? also wir kamen so mit allem drum und ran (ohne Honeymoons) auf 20'000.--

• Zitieren

Hey ihr Liebä

Ig ghöre so haubers o zude Spätsummerbrütlis.Am 31.7.13 hei mir üsi zivili Trouig u am 3.8.13 hürate mir chirchlech.

Marinatal
Geit öper vo öich ad Mäss zBern?Mir wei morn vrbigah.Vorauem wäg de Ringe.


Lus
Hesch di Guetschin no?Wenn ja, dörft ihn ha?

• Zitieren

Musik
Ja, mir wärde Livemusik a üsere Trouig ir Chile ha.

Gschänkli
Mache mir äue nid..Je nach Budget ;)

Alter
Ig bi 27gi u mi Partner 29gi.

• Zitieren

hey lou

1. mir verschicket eusi iladige i dä nöchschte täg (hüratet im auguscht)
2. s chleid hani scho im auguscht 2012 kauft
3. schuhe hani letscht wuche kauft
4. mir händ keis speziells thema, aber im lauf vo dä organisation sind
automatisch EUSI farbe use cho und jetzt richtemer eus so guet wies
gaht nach däne bi eus wird eher alles schlicht si, aber scho mit
2, 3 spezielle sache ... so wies halt chund lönd eus immer wieder
inspiriere ...

• Zitieren

hoi zäme

1. ich wett mit de iladige gern no chli warte, villicht im märz. da mer save-the-date chartene gha händ, sett de termin ja scho reserviert si und es gaht nur no umd details

2. s chleid hani im november gchauft. isch denn grad usverchauf gsi

3. schueh hani online bstellt, glaubs im dezember.

4. öises thema isch märli/büecher/gschichte. han ufem save-the-date chärtli en üle und es schloss druf gha, die üle wird au immer wider uftauche (z.B. e fädere, en üle-ahänger etc.) farbe hani kei feschtgleit. muen mal no luege, obi das überhaupt will. es inhaltlichs thema isch ja eigentli gnueg. aber es gseht uf de bilder halt scho immer wahnsinnig schön us


budget hämmer keis feschtgleit es wird denn halt, wies wird

alter: mer sind beidi 30gi. bir hochziit wird gg scho 31gi si

Zuletzt bearbeitet am 06.02.13 17:15

• Zitieren

Hoi Zämme,

Sit längerem bin ich stilli Mitläserin i däm Forum.
Mir hüratet am 21.9.13 kirchlich. Zivil hämmer nanig entschiede 3-10 Täg vorhär.
1. D'Iladige hämmer gstaltet. Jetzt warted mer uf schöns Wätter zum na go Föteli mache... Aschlüssend müämers nur na i druck gäh und dänn im März wämmers verschicke... S'Datum wüssed eigentlich scho alli Lüüt wo eus wichtig sind.
2. SChleid wird mis Mami näie.... und mini Schwe zeichne... de Schleier mach ich sälber... Stoff hämmer scho alle. Z
3. Dschueh hani scho sit 4 Jahr has 2mal a en Ball agha und sind drum scho super iglofe...
4. Thema hämmer keis. Relativ schlicht, aber doch würkigsvoll und chi romantisch... Ha hüt gad ime Floristeheftli ganz cooli Windliechtli gseh mit Draht verziert. Und e Idee für dNamensschilder. Wänn min GG au na iverstande isch chani afange bastle.

Budget isch bi ca 20000 mit allem. Bi gspanne wie viel dass es am Schluss effektiv isch. Ca 65 gladeni Gest. Apero rund 200 Persone wänn all chömed, was zimli sicher nid de Fall wird sii.

Grüässli Summervogel

• Zitieren