| Tischdeko und Bestuhlung am Hochzeitstag |
|
|
1 2
|
Boo_1982  am 04.06.2009
Re: Tischdeko und Bestuhlung am Hochzeitstag
de lani d'reinigung gloubs o eifach vom abwart la mache. das choschtet üs öppe 200.-. je nach ufwand het d'gmeind gseit. das si ja chöschte, wo de nach dr hochzyt uf eim zuechöme.
mau luege, ob ig öppis cha ushandle wägem vortag. vilech o ä spezialpriis. hm?!
@soefeli: mir chöme beidi usem ämmitau, wohne aber zur zyt ds münsige. u dir, us welere gägend chömet dir?
*Ziviltrauung am 13.08.10 - Schiffstrauung am 14.08.10*
|
|
|
|
Soefeli82 nicht registriert am 04.06.2009
Re: Tischdeko und Bestuhlung am Hochzeitstag
hoffentlech funktionierts... will so muesch ja no mal ä halbe tag reserviere für d reinigung ds mache. wobi gsäch villich no luschtig us weme im brutchleid der bäsä schwingt 
ig chume vom oberland u är isch ds boll ufgwachse. wohnä tüämer itzä ds spiez...
|
Boo_1982 am 04.06.2009
Re: Tischdeko und Bestuhlung am Hochzeitstag
isch würklech äs super biud: d'brut mitem chleid am ufruume...
*Ziviltrauung am 13.08.10 - Schiffstrauung am 14.08.10*
|
|
Soefeli82 nicht registriert am 06.06.2009
Re: Tischdeko und Bestuhlung am Hochzeitstag
Hallo Boo
mir si itz grad zrügg vor besichtigung... u äs isch äso. bi üserä abelocation chame der ruhm ersch am hochzitstag am morge am 10, früächstens am 9ni beziäh u afa ufstelle. we är 5 wuche im vorus gseht, das am fritig der ruhm nid vermiätät isch, chöi mir scho am vorabe ichä.
hüt sire o grad am parat mache gsi für nes hochzit u dert si eifach d kollegä u d eltärä vom brutpaar am ufstelle gsi. und mir müässäs älwä de o so mache, das mir eifach genau ufzeichnä wiä mirs wei ha u der räschtä de hälfär müässä überlah. hoffe natürlech schwär, das niämer am fritig no ä chilbi het dert innä
also no äs schöns wucheend
lg soefeli
|
Boo_1982 am 08.06.2009
Re: Tischdeko und Bestuhlung am Hochzeitstag
@soefeli82: u we dir am friti ds local ono würdet miete, de würd är das öich sicher scho vorhär gä, oder?! oder säge die, dass die das niemerem zwöi täg lang git. klaro müesst me äuä drufzahle, aber äbe vilech mache das dini mueter, d'schwiegermueter u kolleginne.
ig wett das äbe niemerem süsch ufbrumme, wüus bi üs würklech äbe oscho am mittag losgeit u de müesste aui ufs mau no afa stresse u o süsch isch mir wohler, we ig da vorhär säuber nomau cha drüber luege. ha immer o zgfüeu, dass ufs mau no öppis fäut oder nid vorhande isch u de chame am fritiabe no schnäu das zügs ga ichoufe oder organisiere.
ig wirde dä ruum äuä würklech no drzue miete... lüte aber mau a, ob ig dä ruum vilech chli günschtiger drzue überchume... hm.
grüessli
*Ziviltrauung am 13.08.10 - Schiffstrauung am 14.08.10*
|
|
Soefeli82 nicht registriert am 08.06.2009
Re: Tischdeko und Bestuhlung am Hochzeitstag
Hallo Boo
mir chöi im momänt ds lokal no grad nid füre vorabe miätä. 5 wuche im vorus chunnts de us öb mir scho am fritig abe inechöi oder ersch am samstig vormittag. we mir scho itz uf sicher wette am fritig ine, de müästä mirs 2 täg miätä u das heisst när o doppleti miäti. we niämer der fritig vorhär buechet, de chöimer scho den inä, u schüsch eifach ersch am samstig am 10ni.
mir wärs o wohler wenis sälber chönnt mache aber üs blibt de villich nüt anders übrig, als eifach ganz gnau uf ds zeichne was wo härä chunnt. will im ougust 09 isch das lokal frititg u samstig immer usbuächet. u de wird im 2010 älwä ähnlech usgseh... janu das chunnt de sicher guet. mache de äs supergnaus pländli u de cha ja eigentlech nümme schief ga 
hoffentlech klappts mit dim ruum.
guätä wuchestart
|
|
|
1 2
|
Anmelden
