| Was sele mer mache? |
|
|
1 2
|
peja  am 05.10.2009
Re: Was sele mer mache?
mer hüratet endi mai 2010..
mer händ bi eus wie än art "rote fade", da mer alles im stil vo grün/wiis wänd mache.. Au dIladigschärtli.. drum machet mer die hochziitsazeig änlich wie diladige, ganz gnau wüsset mers aber nonig.. ca. so;
vorderi siite vom quadratische,wisse chärtli äs grüens JA (oder eifach äs JA ufemene grüene band) und
innwändig wänn mer uf dä linke siite dä texscht:
Unser Ja ist ein Ja.
Unser Ja ist kein Jaja.
Unser Ja ist kein möglicherweise,
kein unter Umständen,
kein Probeweise.
Unser Ja ist kein Naja.
Unser Ja ist ein Ja zu uns,
wie wir sind
und wie wir werden können
dänn rechti siite, dä iladigstexscht, bzw. bi dä azeig eifach sdatum u än persönliche texscht, kei gnaueri ortsagabe.. und uf dä rücksiite agabe trauzüüge..
bisch druuscho, weisch was i meine? :-)
|
|
|
Piglet  am 05.10.2009
Re: Was sele mer mache?
Hallo!
Nei es esch en Fritig wo mer hürote. Ond am Morge sind mer ofem Standesamt ond am Nomitag ofemne Schloss. De gets en chline Apero ond aschliessend gönd mer denn ines Restaurant ir Nöchi vom Schloss guet go ässe met öisne 12 Gäst. Klar, es sind so secher Mehrchöste zämecho wome söscht ned hätti. Zom Bispöu s'ässe. Aber öis esches das wärt. Mer händ derför söscht ned aue Schnickschnack.
Zom Apero wo mer zwöi Woche spöter mache hei mer sehr grosszögig iglade. Verwandti, Kollege, Arbetskollege usw. ond derför nochär s'ässe weder chli me igschränkt.
Schlossändlech müeid ders so mache wies öich am beste passt. Mini Grosöutere händ ou chli gmotzet, was das söu zwöi Täg fire ond so. Vo de öutere esch be öis gar nüt cho, die sind höchstens zerst ned ganz drus cho wie wenn wo was. Aber das het sech denn gä.
|
tonie am 05.10.2009
Re: Was sele mer mache?
hey gloeggli
also mir werdet das öbbe so wie euchi 2. variante mache. mer he beid no verwandschaft wo nid ir nöchi wohned und die de numme zum apero ilade isch au chli komisch, wenn sie wiit müend areise. drum machemer ebe das au so wie eui zweiti variante, eher noch chli fründe anstatt verwandti ilade und gar kein grosse apero.
mir chönd de no immer mal mit dene astosse, wenn mer mal wieder bi ihne usse sii...
ig glabe aber eifach ou, dass ihr euch nid für alles müend rechtfertige. ich finde ou ned, dass ihr müend euchi hochziit dafür gäh, dass sich di andere verwandet mal chöne träffe. am beste lasch dich gar nid uf diskussione ih. eui hochzig > eui entscheidig.
me darf de halt ou nid bös sii, wenn me säuber mal nid ane hochziit iglade wird.
u das mit de trouzüge finge ich ou ganz ok. i meine schlussändli isches ja dr chribu ufem standesamt. usserdem hani mim brüetsch schomal vorgwarnt, dass är de nid götti wird, we ich mau es chind berchum. är müess den di grosse ufgab vom onkel übernäh. (isch nämli der einzig onkel, wo mini chinde chönd ha). er häts überläbt.
|
Gloeggli am 08.10.2009
Re: Was sele mer mache?
Hoi Piglet
Wiä wärdet ehr di freii Trauuig gstalte? Händ ehr en Theolog? Mer möchted au öbbis freis mache, aber han ergendwiä kei Ahnig was, wie, wo?
Grüässli Glöggli
|
Piglet am 08.10.2009
Re: Was sele mer mache?
Mer händ dr Nicolas Lindt. Er esch Schriftstöuer ond freie Redner ond het sech chli spezialisiert. Er werde öisi Liebesgschecht verzöue ond es Trouigsritual dorefüere met Ringtusch. Of sinere Homepage gsesch öppe wie das louft.
Aber das esch nor ei Variante. Zerst wördi öberlegge öb der gar nüt religiöses möchtet oder öb der scho en Bezog zor Religion möchtet iboue. Je nachdäm wördi eher en Theolog nä oder en Redner. Es get ou d'Variante dass öper anders das för öich macht. En guete Kolleg oder öper os der Verwandtschaft.
Em Internet gets einigi freii Theologe wo freii Trouige abiete. Velech wär ou dr Bsuech vonere Hochzitsmäss öpis för öich dört hets meistens ou söttigi Agebot ond me lernt die Lüt grad kenne.
Wo? Das chönet der ebe ganz frei wähle. Der grossi Vorteil vonere freie Trouig. Velech gets en Ort wo en spezielli Bedütig för öich het? Oder eine wo en Bezog het zomne gmeinsame Hobby? Machet doch mau es Brainstorming ond schribet uf was öich i Senn chont. Me cha de emmer no ussortiere was os praktische Grönd ned got.
Möglechkeite: Museum, freii Natur, Schlösser, Villene, Ofem Schiff, em Zug, be öich em Garte, ofeme Burehof usw.
Mer händ rächt schnäu gwösst dass mer gärn ofemne Schloss möchte hürote. De hani mi schlau gmacht, was es i dr Omgäbig so hätt ond de si mer go luege. Bem drette si mer föndig worde.
Dr Inhalt vo dr Trouig hanget ou chli vo däm ab wo se dorefüehrt. Aber es Mitsprocherächt heit der emmer. Velech gets jo en bestimmte Bruch oder es Ritual wo der gärn möchtet ha. Oder der möchtet, dass öichi Trouzüge/Öutere/Gschwösterti usw. ibonde wärdet?
Höuft der das chli witer? E weiss, es esch ned eifach, freii Trouig heisst haut ou, dass me sech a nüt cha festhebe...
Grüessli
|
|
|
1 2
|
Anmelden
