nicht registriert

@luana: ja voll bini echt froh was würkli? also hedd mer extra es kleid für sie bstellt und dene hedd sies glich nöd müsse neh? isch ja mega nett!

oh das isch au en schööni idee! würd au gern so viel wie möglich selber mache, aber leider hanni für das fascht kei ziit... schaffe 100%, han zwei mal ide woche abigschuel und gibe na zwei mal ide woche tanztraining.. da bliebt nöd viel ziit für so sache ... findes aber hammer wemmer vieles selber macht!!

ach so.. aber das isch doch au toll! dene hennder zwei wunderschöni fester leggsch dene namal sgliche kleid ah oder kaufsch für die trauuig dete unde es neus?

ui ihr sind ja mega viel :D mer sind ade trauuig nur 15 pers. und am apero ca. 65 und am abig 50 pers.
mer hend extra trauuig nur im chline familiekreis welle. aber dafür es hammer fest nachher

das gaht mir glich!!! bin am täg zähle und bin die ganz ziit am überlege, obi au würkli ah alles denkt ha.. bin au extra na ade hochziitsmesse gsi am sontig in züri um zluege ob mer na was fehlt.. aber zum glück nöd

ich gange uf di halbi 9ni zum coiffeur wo mich au na grad schminkt. han ca 20 min dete hii.. wie machsches du? chunt öber oder gasch du au am morge?

ups nei sorry hans irgendwie voll falsch im kopf gha haha nei die musch glaub nur so iinedrucke.. hans ebe na nie probiert und bin immer de meinig gsi, das müssisch annähe..
ah super, dene gangi dete au mal go luege. finds ebe u schön, aber han kei ahnig gha wonni muss go kaufe..
uii das isch würkli nöd so lang her die mami's meine au immer zguet mit ihrne kind :D ohje.. au en diät bringt da uf die schnelli sicher nöd würkli öbbis. de armi muss itz na bide schniiederin go hihalte.

haha das isch au en gueti idee die manne denke mengisch scho eifach chli z'eifach aber zum glück hemmer das im griff!! suscht würdis würkli katastrophe werde

ah oke.. schad bisch nöd us de region

• Zitieren

nicht registriert

Niiaaa:

---

hey fairytale irgendwie hend mir dini wort guet tue, es tuet guet zwüsse dass me mit dine sache nid ällei isch und dass es au andere glich goht... ich ha ebe en bestimmte stil wele wo total usserhalb vo mine finanzielle möglichkeite liit.. ich ha denn im mery's 5 kleider ahprobiert und es erste hani soooo schön gfunde. die andere nocher hend mir nüm so gfalle und denn bini wieder is erste iegschlüpft und has sooo schön gfunde.. ich ha denn denkt ich mach nid de glich fehler wie susch immer und chaufs nid, welli es gfühl ha find no was bessers.. moistens weti denn ebe immer wieder es erste... denn hani denkt okay nimmsch ez da, aber womer denn föteli gmacht hend und ich die föteli denn ufm heiweg ahglueged ha hets mich soooo verunsichered :( irgendwie zwiifli amel ez no dra, aber will doch nid so kompliziert tue :) ich ha dbilder aber nid so schöne lösche wie du obwohl da es beschte gsi wär :) ich ha kei ahnig weli marke mis cheid isch, aber es isch us de neue kollektion vo mery's und het knapp 2000.- kosted... wie gseht dis chleid gnau us? :) wa für en stil isch es? schlussendich wirds sicher es richtig kleid sie... do dra mömer eifach denke :)

• Zitieren

nicht registriert

Hallo mini liebe Winterbrüüüt

Jetzt isch euses Hochziit au scho wieder dure... es isch so schnell gange!
Ich möcht euch chli devo verzelle

ide Woche vorher isches echt drunter und drüber... mer hend leider weg dere scheiss Gripp na kurzfristig Absage becho, was sehr schad gsi isch wil das Päärli so gern cho weri.. Aber da chönds leider nüt defür. Dene hedd ein Tante vo mir (hend nie gross Kontakt) plötzlich dumm da wil sie nöd ad Trauuig iiglade worde isch! hedde mega frech minere Trauzügin gschribe... und isch schlussendli eifach nöd uftaucht mer hend ebe Trauuig im chlinere Familiekreis (Eltere, Grosseltere und Gschwöschterti) welle und mer hend das au klar kommuniziert und sie chunt en Tag vorem Hochziit und dued scheisse blöd. Aber ich han mich dene nüme gross drüber ufgregt.

erstunlicherwiis hanni super gschlafe ide Nacht uf de Samschtig. bin dene am halbi 7bni ufgstande und bin go min Struus und d'Astecker für mi Maa und de Trauzüge und s'Armband für d'Trauzügin go hole im Bluemelade (2 Min vo mir diheime entfernt). so wunderschön hedds usgseh nachher bini wieder hei und mini Trauzügin hedd mich abgholt und mer sind zu mine Eltere. dene simmer zum Coiffeur wo au s'Makeup gmacht worde isch. es isch en Traum gsi genau wienis mir vorstellt han!
dene simmer zrugg zu mine Eltere und scho bald isch de Fotograf cho und hedd nachli Föteli gmacht bim Kleid alege etc. und dene ischer wiiter zu mim Maa und hedd dete das Selbe gmacht.
min Maa und ich hend eus dene ufem Schloss Wildegg troffe und hend dete ca. 1.5 Stund Föteli gmacht au mit Trauzüge/-in. und das Wetter!! eifach perfekt und min Maa isch au wunderschön gsi!! er hedd au fascht nüme chöne höre säge, wie wunderschön, dassi sägi. so herzig wiener freut gha hedd aber glichziitig au ufgregt gsi isch :)
anschliessend hemmer na 2-3 Föteli gmacht ide Trauuigslokalität und dene hedd mich min Papi inegfüehrt für Trauuig (Lied Canon in D - Pachelbel). So schön gsi! wiener stolz gsi isch, eifach herzig Trauuig isch wunderschön und emotional gsi. han mega müsse brüele und mis Mami, Grossmami und Trauzügin au.. d'Manne hend sich mega beherrscht, aber sie hend nachher müsse zuegeh, dass sie au hüehnerhhut gha hend nach de Trauuig simmer dusse vo allne Gäst empfange worde mit Seifebläterlii, mega schön gsii. Dene während em Apéro hemmer natürlich au Foto's mit de Familie / Gäst gmacht und dene hennds eus mit Luftballon-stiegelah überrascht! so schön gsi! jede Gast hedd es Kärtli müsse usfühle miteme Gschänk oder so womer vo ihm bechöme, falls das Kärtli zu eus zrugg chunt. und es sind scho 3 zrugg cho!! das isch würkli mega schöni Überraschig gsi!
Anschliessend simmer wiiter id Abiglocation, is Casino Baden. es isch wunderschön gmacht gsi und s'Esse isch uu lecker gsii! Leider hedds dete mit de Technik nöd soo funktioniert, was mich chli gnervt hedd.... dadurch hedds dene nur eis Spieli geh und 2 Präsentatione vo sinere und minere Familie. Eigentlich heddis na eini vom Trauuzüge geh, aber die hedder plötzlich nüme welle mache.. wieso au immer! das hedd mich chli gnervt, aber glaub für die andere Gäst isch das nöd würkli es Problem gsi. S'Esse hedd au erst am viertel ab 7bni afgange.
uf jedefall isch dene irgendwenn Torte cho und die isch hammer gsii eifach genau so wienis mir vorgstellt han!! und lecker isch sie au na gsi nachem Dessert isch dene euse Tanz cho. Da aber min Maa nie hedd welle üebe und au keis langsams Lied hedd welle, isches dene sehr Freestyle worde aber das isch er und ich han ihn ja nöd welle verbiege fürs Hochziit nachem Tanz hedds leider au nöd so funktioniert, dass d'Lüüt tanzed hend, irgendwie sind die Junge ( 20 - 25gi) so verklemmt gsi! mega schad... aber ich han dene na mit mim Papi es Lied tanzed (so schön gsi, er hedd u freut ghaa) und dene au na mit minere Schwöster!
nachher so uf di viertel ab 12i hedd de Trauzüge zerscht s'Programm für beendet erklärt und min Maa hedd dene das chli müsse rette.. er hedds chli unpassend gseit. Min Maa hedd sich dene bi allne bedankt und gseit, mer chöni itz mache, was mer will, mer chan sehr gern nachli tanze, trinke oder au is Casino! dene sind natürlich viel jungi sofort is Casino und das hanni chli schad gfunde.. und mer sind dene na bi jedem Gast gsi go frage, was sie gern möchte und hend eus verabschiedet vo dene wo hend welle gah. und so simmer ca am 1i au langsam is Casino. mini Eltere hend dene nachli Party dobe gha mit ihrer eigene Musik und sind dene aber irgendwenn na is Casino cho. mer hend sogar na Gwinn gmacht am halbi 4i simmer dene diheime gsi und hend eusi Huustüre zerscht mal müsse vo WC-Papierrolle befreie nachher hanni na mini arme Haar müsse vo all dene Spängeli und Haarspray befreie und dene simmer is Bett gheit und sofort iigschlafe

Zuletzt bearbeitet am 22.02.15 11:33

• Zitieren

ooh, fairytale, das isch sonen schöne Bricht! Danke villmal! Und so lässig, dass die ganz Trauig gfilmet worde isch, so händer no uh lang en erinnerig dra und chönnds immer und immer wieder luege! Gratuliere!

• Zitieren