| Winterhochzeit |
|
|
1 .. 7 8 9 10 11 .. 19 .. 27
|
Bambina1284  am 06.08.2013
Re: Winterhochzeit
Ou himmelslaternä sind uh schön! Das staht bi eus au na ufde Lischtä der Eventualitäten... 
Hend zerst au anen Aleinunterhalter denkt, aber das wo mir gern hetted guts nid, und die andere sind eus eifach ztüür für das dases nid genau das isch wo mir wetted...
|
|
|
nisliker  am 06.08.2013
Re: Winterhochzeit
also ich ha uuuuu lang gsuecht nach eme aleinunderhalter. ich ha kein dj wele und a band isch zu teuer gsie. denn han ich mich uf suechi gmacht. die meiste sind alti manne. das hani nöd wele. und denn bin ich uf dayanamusik.ch gstosse :) ha sie denn au live gseh. sie isch hammer. sie cha eifach alles. find sie super. aber sie isch u wiit use verplanet....
|
Bambina1284 am 06.08.2013
Re: Winterhochzeit
Das tönt doch super! :-)
Mir hetted eigentlich gern en italienische resp kalabrische Künschtler ghaa, will mer ja en italo-schwiizer Abig mached. Aber das isch soooo schwierig zfindä 
Wenn eusi Suechi wiiterhin so erfolglos verlauft, wrids denn vermuetli musig ab band geh... isch zwar nid ganz so schön, aber defür günstig 
|
nisliker am 07.08.2013
Re: Winterhochzeit
hoff findsch öpier guets. isch würkli nöd so eifach... aber zum glück hemmer no 5 mönet 
|
Bambina1284 am 07.08.2013
Re: Winterhochzeit
ja, i hoffes also au... will 5 mönet sind scho irrsinnig glii verbii
Es wird für üs aber sowieso en unvergessliche tag, ob mer jetzt eus künstler überchömed oder nid.
|
MsJenaya  am 12.08.2013
Re: Winterhochzeit
@nisliker Wow, die Charte sind ja dr hammer! Mega schön...
I ha uf Etsy mega viel Sache für mis Hochzyt bstellt und am Samstig bini no bire Fründin am Hochzyt gsi und die het eso es wunderschöns Gästebuech miteme Holzcover vo Etsy gha. So schön!
Ha vori no die Ahängerli gfunde: https://www.etsy.com/de/listing/15906455...ant-with-custom
Die wäre ou no öppis gsi aus Platzchärtli. I ha ja die Lasercut-Nämeli gmacht aber die hätte mer auso ou no gfalle.
|
nisliker am 25.09.2013
Re: Winterhochzeit
hey zäme
ich ha es chlises problem... mir göng nach de chile is hotel und hend det de apro. mir sind nur 50 gäst. jetzt hend mir shotel gseit mir söled max. 1.5 stund apero mache. esse chömmer aber erst am halbi 7. wenn mir am halbi 4- 5 apero mached, was machemer mit de gäst die andre 1.5 stund? es isch winter... mir chönd nöd mal use.. het öper e kuuli idee? es spiel oder irgend was? ich möcht aber nüd bastle oder so mit de gäst. das findi nöd so lässig...
grüessli nadine
|
BirthdayBride am 25.09.2013
Re: Winterhochzeit
Hallo Nadine
Wie wärs z.B. mit em ne Loto? De chönts de lüt säge, si sölid doch irgendöpis im wärt vo 5-10chf mit näh. mir hei das mau mit ere grössere gsellschaft a Silvester gmacht und es isch so luschtig worde well jede het welle gwinne :-)
Lg BiBr
|
Bambina1284 am 25.09.2013
Re: Winterhochzeit
Hey Nadine
Was würdet ihr vomene coole Fotoshooting halte? Jede chunnt e sone einwegkamera über und schüüsst es paar Schnappschüss... Für s kreativst Foti chammer ja na en chliine Priis mache, so hettisch en aasporn für dini Gäscht.
Das mit em Lotto findi au na e lässigi Idee... oder so öppis wiene Schnitzeljagd oder so...
Bi grad selber nid so kreativ, mach mer aber na chli gedanke, mir chunnt sicher na öppis in Sinn :-)
Wie laufed eui Vorbereitige susch so?
Mir sind grad na dLieder für dChile am uussueche... mir hend so vill, wo eus gfalle würd, das mir eusi Liste na rächt chürze müänd, was sich tatsächlich als useforderig usestellt. Und denn müänd mer na luege, wie mer das mitem Apero mached, will das wo mir planet hend nid gaht (das Reschti womer hend wellä neh het unerwartet zue gmacht ). Das macht mer scho na chli Sorge.
Aber suscht lauffts zimmli guet.
Grüässli Bambina
|
nisliker am 25.09.2013
Re: Winterhochzeit
Hey Zäme
Ursprünglich han ich e art casino wele mache. aber professionell isch ztür und so billig isch doof. das mit de einwegkameras machemer so oder so. es isch soo schwirig...
ich ha hüd grad mal no e to do liste erstellt und eus für tanzstunde agmäldet :) möcht i dere art was mache. mal luege was mer ane bechömed :) hihi
http://www.youtube.com/watch?v=DadGhuOLTqE
ja und Liederliste für chile hani hüd au no fertig gstellt. bi mir hets fasch zwenig lieder ge woni guet gfunde ha.. hans uu schwirig gfunde. aber ich denk ich hans jetzt.
Vor den Gottesdienst:
- Moon river http://www.youtube.com/watch?v=dflVGUb5_BQ
- Somewhere von L.Bernstein http://www.youtube.com/watch?v=hS6M5YqcWao
Einzug:
- Forest Cump http://www.youtube.com/watch?v=XDEqOJgsHjY
Zwischenlied:
- River Flows in you http://www.youtube.com/watch?v=RiWsDDW48Is
Vor dem Ja Wort:
- the rose von Bette Midler http://www.youtube.com/watch?v=O3_IO4YgUOk
Auszug:
- Canon D http://www.youtube.com/watch?v=LaOZNW9wzvA
Notfall:
- Memory http://www.youtube.com/watch?v=e2VaYW9Ftcc
hoff es sind nöd zuu truurigi lieder.
susch bini aber guet i de zit. ha nüme so viel zum erledige...
wie laufts bi eu?
|
|
|
1 .. 7 8 9 10 11 .. 19 .. 27
|
Anmelden
