| Zeitplan... |
|
|
1 2 3 4
|
|
jovia nicht registriert am 27.11.2007
Zeitplan...
Hi zusammen!
Hend ier de Zeytplan für eyche Hochzeytstag scho erstellt? Würd mich eifach mal Wunder näh wie ier dass so organisierit mit zum Coiffeur gah, Autoschmuck, Chleid azieh, Chile, Apéros usw.. 
Liäbs Grüässli
Jovia
29.02.08/19.07.08
|
|
|
serry  am 27.11.2007
Re: Zeitplan...
HI Jovia
En Ziitplan hemmer nonig erstellt, ha kei Ahnig was wievell Ziit brucht emfall.... mer hürotid am 14.00 Uhr ond ech rächne mol för Hoor ond Kosmetik ca. 2.5 Stond..... also wahrschinlech stohni mol so uf die achti uf... ech weiss au ned, öbi mi sell deheim parat mache oder evt. em Hotel wommer werdid öbernachte (esch ide nöchi vo de Chele) Wie machsch du das?
Deko ond soschtigs Zügs luegt be mer secher mini Schwöschter ond evt. Trauzügin......
LG
Serry
Kirchliche Trauung 24.05.08
|
|
jovia nicht registriert am 27.11.2007
Re: Zeitplan...
Hi Serry
Mier hüratid am 15.00 Uhr. Weiss äbe nid gnau, dänke nid dass meyni Frisur allzulang wird gah da ich nid eppis "extrems" wett. Tue de eh nu mit de Coiffeuse das vorhär "probe" . Lahsch dich ai la schminke demfall? Ich bi sicher zu nervös um das sälber z'mache, drum lahn ich das ai la mache  .
Mier hüratid äbe gar nid a eysem Wohnort, sondern dett wo mey Zuekünftig eigentlich härchund und übernachtid dett bi seyne Eltere. Am Morge früeh gah ich de aber zu meynere Familie wo im Hotel übernachtet wo mier denn ai fiierid und tue mich dett umzieh und parat mache. Meyni Schwe wo ai meyni Trauzüügin isch fahrt mich de zum Coiffeur usw.. Mey Schatz gsehn ich denn erst i de Chile wieder  .
Göhnd ier vorhär go Fötele oder gsehd är dich ai erst i de Chile? Ich würd mich wahrscheynlich a deynere Stell nid dihei, sondern im Hotel umzieh. Denn sind ier "Mädels" nu biz under eych und chend eych schön istimme ufs Kommende .
Wo hüratid ier?
Liäbs Grüässli
Jovia
|
cannella am 28.11.2007
Re: Zeitplan...
Hallo liebi Weddingplanerinne
Mier hend erscht afig grob en Ziitplan gmacht bzw. ich *smile*, was mis Schätzi nämli de ganz morge macht, weiss ich nonig...
Min erschti Termin isch am 08.30 Uhr bi de Coiffeuse, det hani 2 Stund igrächnet, ned dass mier no müend stressä. Nacher gang ich uf die 10.30 zur Kosmetikerin, det hani öppe e gueti Stund igrächnet, wär aber au ned schlimm, wenns chli länger giengt. De gangi entweder zu minere Schwöschter oder mim Mami go umzieh, will mier i mim Heimatort hürated und ned a üsem Wohnort. De Coiffeur und d Kosmetikerin isch au grad det. De hani sogar no Ziit, zum öppis chlises ässe (mit Vorteil dänk, bevor ich mich agleid han ;-) ). Öppe uf die 12.30 gönd mier de i Schlosspark go fötele und hend so bis zur Chile am 15.00 ganz viel Ziit. En Wäg müemer ned iberächne, da mier i de Schlosskapälle hürated. D Chile tänkemer wird ca. bis am 16.00 gah und de gits je nach dem 2 - 2 1/2 h Apéro. D Akunft im Restaurant isch uf die 18.30 planet. Hend au da nur en Fuessmarsch vo ca. 2-3 Minute ;-)
D Dekoration wird üse Tätschmeister übernäh. Und will mier am ganze Tag kei Auto bruchid, fallt die Dekoziit wäg.
De Rescht vom Abig lömmer offe und uf üs lah zuecho. Bis am 02.00 döffed mier im Resti bliibe und de gahts grad i de äxtra für üs igrichtete Bar bis ca. am 04.00 wieter, oder soo...
Liebs Grüessli
Cannella
|
Sibylle am 28.11.2007
Re: Zeitplan...
Hallo zäme!
mir hei ou fang e provisorische zytplan ufgsteut!
8h30 coiffeuse und schminken (sie sagte sie bräuche 2,5 stund für beides)
11h00 zu meiner mutter oder freundin kleid anziehen und vorher wenns geht noch etwas essen oder trinken
13h00 kirchliche trauung
14h00 kirche verlassen gratulationen etc.
15h00 bis 17h00 apero
17h30/18h00 zum schmied fahren um ein hufeisen zu schmieden
19h00 zum abendessen fahren
anstossen, nachtessen, etc, dessert, dj, tanzen, etc
party party party bis fertig
Isch no schwierig z erahne was wie lang gehit?
Mir hei aber aui wäge zimli näch binenand höchstens 10 autominuten!
daniel & sibylle 19.01.01= 30.05.2008 / 07.06.2008
|
serry am 28.11.2007
Re: Zeitplan...
@ Jovia, Hallo !
Ech gseh mi Zuekönftig erscht ide Chele s erschte mol, ond mer fötteled dementsprächend erscht noch de Chele. Gfends ergendwie schad, wenn mer sech scho vorhär trefft zom Fötele.. wär för üs ergendwie komisch... ech meine stell der mol die Emozion vor, wenn d Bruut begleitet vomene schöne Gospelsong id Chele mettem Brutvater lauft em wonderschöne Chleid ond die Ma det vore gsehsch stoh.... die öberraschig ond Gfühl wetti ergendwie ned messe.... möchid ehrs demfall au so? Aber es hed secher au sini Vorteil, wenn d Föteli vor de Chele gmacht wärdid (vorallem esch denn s Make vo Träne ned verschmiert, segs vo de eigete oder vo anderne Lüüt wo eim kössid... hahahah)
Mer hürotid z Lozärn! Ha als Teeni emmer gseid, wenni mol hürote, denn ide Jesuitechele !! 
Ehr hürotid glaub em engadin gäu?
LG
Serry
Kirchliche Trauung 24.05.08
|
|
jovia nicht registriert am 28.11.2007
@ serry / Re: Zeitplan...
Hoi Serry
Ja genai, mier möchids ai so und mey Zuekünftig gsehd mich erst i de Chile - und du hesch mier grad alli Gründ us de Seel gredt . Wäg de vertränte Auge isch das nateyrlich so en Sach, aber da ich mich la schminke lah säg ich de Kosmetikeri eifach sie selli gaaaanz wasserfesti Schmink näh . Schminksch du dich sälber?
D'Jesuitechile isch dass die i de Nöchi vom Parking Kesselturm? Mier wohnid äbe in Nidwalde und drum kenn ich Luzärn rächt guet  .
Ja, die kirchlich Hochzeyt hend mier im Oberengadin weil mey Fründ vo dett chund und ich Kulisse dett eifach traumhaft schön finde. Isch sogar mey Vorschlag gsi und är hed sich nateyrlich riesig gfreut dadrüber . Hed dett es superschöns Chileli biz drinobe, aber guet z'Fuess erreichbar und es isch ächt traumhaft dett - hoffid nateyrlich s'Wätter stimmt, aber wer wünscht sich dass nid .
Zivil tümmer aber in Stans hürate und das im chleyne Chreis. Wenn und wo tüend ier denn zivil hürate?
Liäbs Grüässli
Jovia
|
serry am 28.11.2007
Re: Zeitplan...
@jovia
Chamers vorstelle, das em Engadin en traumhafti Kulisse wersch ha....wow.........
s Wätter muess eifach metspelle!!  hihihi
ond wenn ned, gets es prechwort uf italiänisch: nasses Brautpaar, wird ein glückliches Paar....
Ech due mi au ned sälber schmecke, d Kollegin vo minnere Schwöschter hed uf dem Bruef gleehrt ond sie heds mer apotte gratis z mache, deför ladi si den au zom Ässi i,,,,, Probeschmenke etc. choschtet jo normalerwiis au öppe om die 80.00 oder so...
Meh "ghört" (oder besser gseid lest) das vom KT Nidwalde chonsch ... mi Frönd esch au z Stans ufgwachse ond ech nemm ne mängisch höch, wenner plötzlech met Nedwaldische Usdröck chond !! esch aber härzigs Dialäkt... hihihih
För s Zivile hani no keis Datom, es werd secher en Kriens si (vo det chom ech...) ond dänke so Aprel, Mai....
D Jesuitechele esch mega schöön, muesch emol ine go luege, das esch die gross grad ade Rüss näbem Stadttheater !
De Nochteil esch eifach, dass es Samschtignomittag esch ond det en huufe Lüüt döre laufid... a das hani äbe gar ned dänkt, aber ech glaube ech werde die andere Lüüt eh nöm zor Kenntnis näh, wenni do voll "beduslet" vo de Gfühl us de Chele chome.... hahahahha
machsch du eigentlech Gaschtgschänkli wos d Lüüt chönd methei näh?
Kirchliche Trauung 24.05.08
|
|
jovia nicht registriert am 28.11.2007
@serry
Hey, danke fürs Sprichwort - wirdes mier merke oder es chund mier sicher in Sinn wenn's rägnet .
Ah de wohnid mier ja gar nid weyt entfernt, mier wohnid in Stansstad. Hey, villicht kenn ich dey Fründ ja sogar  . Muess dezue säge dass ich lustigerweys extremer Nidwaldnerisch schreybe als rede. Bim rede han ich es rüde Gmischmasch dur meyni Muetter, mey Vater und meym Fründ. Nieme extrem schnell so Dialäkt ah und denn misch ich sie irgendwie - halt grad eso wie's uhsem Muul chund .
Ahhh, ich weiss weli Chile, dett isch es mega schön. En früenrige Arbetskolleg vo mier hed dett ghürate und ich bin zum Apéro iglade gsi. Superschön vorallem mit em Platz dett grad voredrah. Wer weiss, villicht bin ich ja a dem Datum ai per Zuefall i de Stadt und laufe dett verbi hi hi hi.
Nei, machid kei Gastgschänkli. Irgendwie isch dass bi eys nid so Bruch bzw. han ich's nu bi keinere Hochzeyt erlebt wo ich gsi bin. Mache schöni Namenstischchärtli und die döfids gärn heinäh *grins*. Usserdem hed es uf jedem Tisch en Blumedeko bestehend us mehrere einzelne Blume wo Gest ai chönd mitnäh . Ich findes zwar eigentlich scho nu en schöni Idee wenn ich jetz so drüber nachedenke. Machid ier dass? Und wenn ja, was fürtigi?
Hey, hesch deys Chleid scho kaift?
Liäbs Grüässli
Jovia
|
serry am 29.11.2007
Re: Zeitplan...
@ jovia
Mi Frönd heisst Lorenzo, viellecht könnsch ne jo wörklech... ?
Weisch z Italie möchets emmer Bombniere ond Confetti= Mandle, das send rechtigi Gaschtgschänk. Aber so öppis machi ned, well denn stohts be de Lüüt ergendwo immene Egge ond schliesslech hend d Lüüt scho gnueg Zügs zom abstaube de hei... hihihihi Zodem esch das au weder en choschte Frog.....!!
Ech mache uf jede Fall Mandlesächli ond ha äbe dänkt, als Namenstäfeli ergend es Gläsi met verziierig z bastle ond es Blüemli oder so driistelle, wo d Lüüt chönd methei näh.... jo mol luege, noch Loscht ond Lune....
Ech ha mis Chleid emfall s Stansstad kauft! hehehe, de Lade könnsch jo i demFall hondertpro wennt dete wohnsch..
Be öppe i 6 verschedene Läde gsi, am Schloss em Zoro en Zöri, ha dete mis Traumchleid gseh ond denn z Stansstad agfrogt öb sie das au em Lade heigig ond so hanis denn chönne dete bstelle. Vo Pronovias
Vo wo hesch du dis??
LG
Serry
Kirchliche Trauung 24.05.08
|
|
|
1 2 3 4
|
Anmelden
