| üser flittis in amerika |
|
|
1 2 3 4
|
morelia  am 17.06.2013
üser flittis in amerika
so, ds gobä grüscht für üsi flittis steit. ursprünglech wär mau planet gsi, d route 66 ds befahrä. aber mir hei üs doch für nä anderi route entschidä. äs wird scho chli route 66 drbi si.
plane düe mers mit globetrotter. im juli wird üsi reiseberaterin versuechä d flüg ds buechä.
so gsehts in ungefähr us:
1.) san francisco (auto wird erst am letzten tag in san francisco gemietet)
2.) lake tahoe
3.) oakhurst
4.) yosemite valley
5.) mammoth lakes
6.) death valley
7.) las vegas (wir wollen ins hotel excalibur, tipp von globetrotter: vegas nicht am wochenende!)
8.) zion n.p.
9.) bryce canyon
10.) moab
11.) monument valley
12.) page (unbedingt ä usflug i antelope canyon)
13.) grand canyon n.p.
14.) sedona
15.) palm springs
16.) joshua tree n.p.
17.) anaheim (disneyland)
18.) los angeles (wo mr o d universal studios wei ga aluegä)
mir planä 4 wuchä drfür i.
kennt sech öber us i derä strecki?? het öber tipps??
|
|
|
morelia am 17.06.2013
Re: üser flittis in amerika
|
elea  am 17.06.2013
Re: üser flittis in amerika
hallo morelia!
wow soo en cooli reis.... het der ganz ganz vell tipps 
1) SF: unbedengt am erste tag grad go alcatraz bilet hole! je nachdem esch das scho tage em vorus usbuechet ond me cha selte eifach he go ond grad go. drom wördi am erste tag rasch zom pier , d bilet chaufe för eine vodenöchste tag. de chöne der au secher go.
Colt Tower esch o cool. zahlsch ganz wenig und hesch e cooli ussecht öberd stadt.
7) LV: wegem hotel, weiss ned es gebt do definitiv serig wo vode lag her optimaler were... chont halt bez druf a wasser wend. s excalibur liit zwar am strip aber wennd ergend ines restaurant oder ine bar wetsch den laufsch halt scho paar honder meter ond vegas esch au ide nacht recht heiss....
12) page seber esch ke schöni stadt. mer send nor det gsi wegem antelope canyon. wenn de wördi luege dasser es hotel chönet ne direkt am see onde. esch öpe 3km osserhalb vo page (im ne park ond det zahlsch halt itrett) aber am see eschs vell schöner as in page selber aso fendi lohnt sechsscho.
bim antelope chasch entweder omd mettagszit go wos liecht am schönste esch im canyon oder du gosch erst so am 3 - 4i wos liecht nöm sooo schön esch aber deför besch ned met 50andere touris im canyon ond de guid nemmt sech de secher au me ziit. omd mettagszit ome schleuses d lüt eifach dore, besch velecht 30min denne ond mer wo am 4i gange send hend chöne 2h denne si. chont hal druf a was euch wechtiger esch. wenner grad in page send wördi au n rasch de horse shoe go aluege! ha jez no es beld vom horse shoe as desktophindergrond wels so toll esch ;)
.....
|
elea am 17.06.2013
Re: üser flittis in amerika
....
17) wenner es disneyland gönd de wördi grad vo afang en compi itrett metem california adventure land chaufe. s disney land het ned soo vell bahne ond esch meh för chender. direkt nebedra eschs california adventure land wo mega cooli bahne het. choschtet halt was aber es lohnt sech i beidi pärk zgo. ond me het au förig zit a eim tag bedi pärk zbsueche!!!! send beidi ned wahnsennig gross!
18) ide universal studio lohnt sech en frontline pass... zahlsch zwar no recht meh aber deför musch nie astoh ond hesch bide shows super plätz. aso mer hends super gfonde!
allgemein in LA, fendi venice beach sehr cool. hollywood und speziell de walk of fame hani ned soo interesant gfonde... send eifach sterne ambode ond sau vell touris ond verröckti lüt :)
wörd mer velecht öberlegge ehner no 2nächt in santa barbara zverbringe. dasch echt traumhaft schön!! passt zwar ned onbedengt zo euchere route merki grad....
dasch grad das womer so spontan ifallt ;)
reserviere der d hotel em forus oder luege der vor ort? chader eventuell no gueti hotel tips ge? ;)
|
morelia am 17.06.2013
Re: üser flittis in amerika
hey elea, diner tipps si ja ächt goud wärt 
das wägä dr mittagszit am antelope c. het nis diä vo globetrotter o gseit.
ds kombi biliett hei mr o wöuä. weisch no wi viu das spezialbiliett für d universal studios koschtet hei?
für au di sachä d ticketts, chouftmä diä im vorus oder geit eifach denn womä wot ga u zaut gad bim iigang?
alcatraz das isch doch ds gfängnis? was chamä de dert ga luegä? so mitem bootli vrbi, oder so...
wägä dä hotels:
in s.f. reservieremer (süsch bechömemer lut globetrotter wahrschiinlech kes visum) und äs isch gäbig wed achunsch scho gad weisch wo härä. in vegas wei mir o reservierä vor schwiz us. evtl. o in l.a.
dr räscht wei mir so nach gfauä machä. mir wei nid fixä wenn mr wo wei si, ussert vegas. wes nis amänä ort nid so gfaut, gö mr eifach witer, wes nis nöimä super gfaut, blibä mir chli lenger 
|
morelia am 17.06.2013
Re: üser flittis in amerika
ach so, mir gö ir wuchä 22 (mäntig oder zistig) bis u mit 25 im 2014
|
daenu16  am 17.06.2013
Re: üser flittis in amerika
MEGA COOOL!
1) super Idee, dass ihr s'Auto erscht am letschte Tag in SF mieted!!! Mer brucht würkli keis in SF. Mir hend es City Hop on-hop off Billet für 48h kauft gha und sind mega happy gsi. Hemmer vor Ort am Union Square kauft.
Alcatraz wür ich mir persönlich spare ;)
Im Chinatown chammer sehr günstig wunderschöni Perlechette chaufe
Tüend ihr alli Hotels/Motels vorbueche? het susch no Erfahrigstipps 
|
lilmonkeyme  am 17.06.2013
Re: üser flittis in amerika
Mir mached die gliich route, fanget aber in LA ah und gönd (vo dinre liste) unä ufä, nach SF ufde Route No 1 (glaub) wieder uf LA. Mir gönd jedoch nur für ca. 3 wuche.
Mir gönd zum Kuoni ind beratig, und hend kollgä wo das schoma gmacht händ, alli chli anderst
Wenn gönd ihr?
|
lilmonkeyme am 17.06.2013
Re: üser flittis in amerika
Ha grad gseh wenner gönd  Sorry
Mir gönd erst ir wuche 23, mo oder di, da mir z'erst no uf England münd.
Mir hüratend am gliche Datum gäll? (24te) viellicht fahremer anenand verbii.
Wie lang bliibet ihr in SF? Und nämet ihrs allgemein chli gmüetlich?
Zuletzt bearbeitet am 17.06.13 22:06
|
Lula am 18.06.2013
Re: üser flittis in amerika
Kennes gar nit, aber es tönt super!!!
U wo ou immer zletschte Bild isch, es isch wunderschön
|
|
|
1 2 3 4
|
Anmelden
