| Beste Zietruum für bestimmti Ferie-Ort |
|
|
1 2
|
|
Manuela24 nicht registriert am 16.06.2008
Beste Zietruum für bestimmti Ferie-Ort
Hoi zämme
Da mir bereits im Herbst für nächst Jahr Ferie müend igäh, beschäftige ich mich bereits mit dä Hochzietsreis. Hans mir ziemlich eifach vorgstellt. Ha eifach grad nach dä kirchliche Trauuig (Juni 09) vereise welle. Jetzt händ mir es paar Lüt im Gschäft gseit, dass mer uf d'Maledive und Mauritius nöd im Summer gah chan bzw. söll. Denn segs Wetter schlecht (kalt, Rege, Wind etc.). Ha das mal im Internet nacheglueget und oh Schreck, gem. Statistik stimmts. 
Ich han ghört, dass mer uf d'Maledive am beste vo Jan-März und uf Mauritius vo Sept-Nov gaht. Han aber kei Ahnig, obs stimmt. 
Wänn (welle Monat) gönd ihr wo anne go flittere oder isch scho mal öpert an eim vo dene Orte gsi und chan sini Erfahrig bzgl. Wetter schildere?
* Hawaii
* Malediven
* Mauritius
* Seychellen
* Antigua
* Jamaika
* Grenada
* St. Lucia
* Tobago
Bin dankbar um jede Hiwies. Will wenn sich das wegem schlechte Wetter im Juni bestätigt, müend mer d'Ferie für nächst Jahr andersch näh. 
Lg
Manuela
Mir trauet üs am 29.05.09 & 06.06.09 :-)
|
|
|
Nepi  am 16.06.2008
Re: Beste Zietruum für bestimmti Ferie-Ort
Hallo
Also, gad kalt ischäs jo in dä Malediven nö, nur isch d Warschinlichkeit vo Rägätag grösser. Wobi, äs regni jewils in dä Nacht oder mol für ä Stund oder zwei. Also mir gönd im September uf d Malediven 
Gruss
Moni
|
taschi  am 16.06.2008
Re: Beste Zietruum für bestimmti Ferie-Ort
Hallo!
Sehe es wie Nepia. Schlechtes Wetter wirst du nicht unbedingt haben, nur evt. ein bisschen unbeständiger...
Wir fliegen im September nach Mauritius...
Alles Gute und viel Spass beim Planen!
Gruass Taschi
...weil es Liebe ist... wir heiraten am 14.07.08 & 06.09.08
|
Mariquieta am 16.06.2008
Re: Beste Zietruum für bestimmti Ferie-Ort
Hallo
fliegen gleich 3 Tage nach unserer Hochzeit am 9.August 1 Woche nach La Reunion ( Insel erkunden mit Mietauto) und verbringen anschliessend 1 Woche in Mauritius. Regen bedeutet ja in diesen Gegenden wie es bereits Nepia gesagt hat nicht das selbe wie bei uns. Meist regnet es nur kurz. Wir freuen uns wahnsinnig auf unsere Flitterwochen. 
lg
|
|
Mara nicht registriert am 17.06.2008
Re: Beste Zietruum für bestimmti Ferie-Ort
Was der Ferie-Ort agoht chan eg nid mitrede mir gönd grad i die gägegsetzti Richtig (Schottland) aber was der Zitpunkt agoht eventuell.
Schottland isch jo sehr bekannt für Rägewätter, dört cha me im Räge praktisch i keinere Johreszit uswiiche. Da mer beidi im gliche Gschäft schaffe und de Summer hochbetrieb isch, müesse mer im Herbscht go. Da no en WK bevorstoht, schiebts die ganzi Sach bis in Oktober. Je nachdäm verschiebe mer üsi Flitterwuche bis nächscht Johr im Früehlig/Summer. Finde das au nid schlimm wenn me chli spöter als "normal" id Flitterwuche goht!
|
|
Manuela24 nicht registriert am 17.06.2008
Re: Beste Zietruum für bestimmti Ferie-Ort
Hoi zämme
Danke für eui Infos! Ha mir gar nöd überleit gha, dass es in dene Gebiet in dä Nacht regnet oder wenn denn nöd so lang. Ha an dä Rege wo mir im Moment händ denkt und denn ha ich grad Panik übercho. 
Aber mittlerwiele han ich mir eh überleit, dass es eh no cool wär erst im September z'gah. Denn hät mer nach 3 Monat nomal öpis, wo mer sich mega druf freue chan. Muen mal mit mim Schatz drüber rede. 
Lg
Manuela
Mir trauet üs am 29.05.09 & 06.06.09 :-)
|
chickpea am 17.06.2008
Re: Beste Zietruum für bestimmti Ferie-Ort
Hoi Mara
Us eigener Erfahrig isch Schottland sehr regnerisch, ich bin im August gsi vor e paar Johr und bi zwei vo drei Wuche nass worde uf em Velo. S Land und d Lüt sin aber toll. Min Zuekünftig isch Engländer und oft in Schottland unterwegs gsi. Er meint die beschti Zit für Schottland isch im Juni. Dä Monät kenn ich nid zum döt Reise aber ich weiss dass me denn Papageietaucher gseht brüete die sind sunsch immer wit uss uf em Meer. Mir sind hald e bits Vogelfreaks.
Gruss chickpea
|
|
Mara nicht registriert am 18.06.2008
Re: Beste Zietruum für bestimmti Ferie-Ort
Hoi Chickpea
Merci vöu mau für die Infos! Ja, dass im Juni am beschti isch hani au scho gläse und das me denne de Papageietaucher gseht hani sogar au gläse obwohl mer nid so Vogelfreaks sind
Aber eg glaube wenn me vorhet uf Schottland z goh, isch me bereits uf Räge igstellt ohni negativ drüber z dänke. Glaube au dass s Land und d Lüt eventuelles Rägewätter locker chönd usgliche
Tamara & Simeon ~01.06.07~09.08.08~
|
smil09 am 18.06.2008
Re: Beste Zietruum für bestimmti Ferie-Ort
Hallo Manuela
Mier gönd im Dezember uf d'Maledive (und wohrschinlich China). Winter isch definitiv di bescht Reisezit für d'Maledive (Oktober - März). Im Summer isch Monsun Zit und es regnet hüfiger. I bi selber no nie i uf dä Maledive gsi aber suscht scho viel i tropische Länder. Normalerwis regnets eimol im Tag heftig und churz, nachher isches wieder verbi. S'Meer isch i däre Zit au unruiger. Däfür isch dä Summer natürlich au günschtiger, falls Eu ä chli Räge nöd so viel usmacht.
Mauritius isch ideal April/Juni oder September - November. I bi mol im September/Oktober gsi. Isch schö warm, aber no nöd heiss gsi. Die erscht Wuche hät's au äs paar mol grägnet, aber au nöd dä ganz Tag lang. Im November/Dezember wird's wärmer.
I dä Karibik isch vo Juni bis ca. November Hurrican Saison. Da würd ich ener vermiede. I ha uf Kuba im Oktober än Hurrican erlebt. Als Tourist hät mer zum Glück d'Möglichkeit vor äm Hurrican z'flüchte. Drum simmer dänn au nöd direkt in Hurrican cho, aber äs hät halt glich uf dä ganze Insle starch grechnet und d'Stränd sind nachher grössteteils zerstört gsi.
Übrigens, mier händ im Mai ghürote und gönd ersch im November/Dezember i d'Flitterwuche. Mier händ das so entschiede, wil's halt a däne Destinatione wo für üs in Frog cho sind überall im Winter schöner isch als im Summer. Und im Summer isches jo (normalerwies...) i dä Schwiz au schön. I find das isch än guete Entscheid gsi. Vorem Hochzit git's gnueg anders z'tue und jetzt hämmer meh Zit zum in Rue Ferie plane. Zudem chömmer üs nomol uf öppis freue. Mier händ allerdings nöd grad am Mäntig nachem Hochzit wölle go schaffe. Drum simmer eifach no äs paar Täg uf Östrich go wellnesse.
|
|
bruut2009 nicht registriert am 06.07.2008
Re: Beste Zietruum für bestimmti Ferie-Ort
hallo manuela24
mier hüürated ja au am 6.6. und mier hend denn grad de ganz juni ferie igäh!!
euses traumdomizil wäri karibik gsi aber das lönd mer def. sii..han kei lust uf hurrican!!
da mier aber trotzdem chli wiit weg wend hend mer eus für d maledive entschiede...
chasch mal uf www.holidaycheck.ch chli go hotelbewertige vo de maledive vom juni lese. het viel wo genau das schilderet wo scho es paar da im forum gschriebe hend...er het aber au es paar wo schriibed das es nöd eimal gregnet het!! vo dem her hend mer denkt mier riskierets...und da mer ja denn frisch verhüürated sind chend mer s au mal ich bungalow paar stund ushalte.... ;o)))
|
|
|
1 2
|
Anmelden
