| Flittern in der Südsee (Franz. Polynesien) |
|
|
1 2 3 4 5 6
|
himbeer  am 06.09.2013
Re: Flittern in der Südsee (Franz. Polynesien)
ja säg nüt, mir gsend eus sicher!
ich bi 31 und ha hoffentlich bis denn schulterlangi bzw churzi blondi haar. ich glaub mir händ en beach bungalow buecht, weissi grad gar nöd genau. weg de wedding packages etc. hät euses reisebüro gluegt, ich lah mi da mal überrasche.
ja bi eus isches hüt inere wuche sowit mitem zivile und morn inere wuche isch s fest... ich bi im moment total ruhig und gar nonig nervös. wahrschinli chunnt das am weekend wenni endlich mal ziit ha zum drüber nahdenke :-)
ou ja super, min maa taucht au nöd bzw hät eigentlich wieder halbherzig welle afange aber jetz hät er es stirnhöhleproblem. ich wird also au alei müesse gah. aber das mached mer eigentlich immer so. ich nimm a usrüstig nur mis ABC mit und de tauchcomputer, susch isch ja überall immer alles zum miete oder sogar scho inbegriffe und es gurkt mi chli ah alles mitschleppe. so fix zum tauche hani nüt buecht, nur uf fakarava hani es tauchpaket wills det so unglaublich müess sii. aber ich denk ich wird au uf moorea mal de chopf is wasser hebe, det segs au no guet.
|
|
|
himbeer am 06.09.2013
Re: Flittern in der Südsee (Franz. Polynesien)
ah und s wasser isch glaub badwanne-temperatur... zwüsche 26 und 29 s ganz jahr :-)
|
Slash  am 09.09.2013
Re: Flittern in der Südsee (Franz. Polynesien)
Jhuu.. bi uns isch es in 2 Wuche sowyt  Ich freuuu mi soo.
Kurzi Froog, was nämmet ihr an Bargeld mit? XPF (Zentralpazifischi Franc) ka me jo nur dört wechsle. Resp. me zahlt in EUR oder USD und kriegt denn das als Wechselgeld uuse.
Nämmet ihr Euro oder USD mit?
|
himbeer am 09.09.2013
Re: Flittern in der Südsee (Franz. Polynesien)
ich denk ich nimm EURO mit... wobii mir eh de grossteil werded mit de kreditkarte zahle.
|
Slash am 21.09.2013
Re: Flittern in der Südsee (Franz. Polynesien)
juhuuu fraue gli gohts los! ich freu mi soooo :))))
s'einzig was mir wirkli wirli stinggt isch die lang areis! mr fliege am 24 9 ab züri via LAX nach tahiti, isch öbber vo euch au uf däre maschiene?
|
himbeer am 08.10.2013
Re: Flittern in der Südsee (Franz. Polynesien)
ou neeei scho wieder verbii :-)
mir sind gester wieder glandet und ich bi nochli am aklimatisiere... es isch eifach wunderschön gsi in polynesie, eus häts super gfalle!
|
Slash am 08.10.2013
Re: Flittern in der Südsee (Franz. Polynesien)
mir sin no uf bora, fliege aber bald nach LA. Es isch e Traum do
|
Zuckerschneggli am 23.10.2013
Re: Flittern in der Südsee (Franz. Polynesien)
Hallo Himbeer und Slash
Mir sind momentan üsi Flitterwoche am plane. 3 Wuche Franz. Polynesien. Plant sin Moorea, Taha'a und BoraBora.
Ha gseh ihr zwei sind scho gsi. Chönd ihr mir echli verzelle wies gsi isch? Was dörf ma unbedingt nid verpasse (Usflüg, Sehenswürdigkeite)? Wie sind eui Hotels gsi? usw...
Viele Dank für eui Antwort
|
himbeer am 29.10.2013
Re: Flittern in der Südsee (Franz. Polynesien)
ou zuckerschneggli, ha dini nachricht gar nöd gseh gha. aber ich verzell natürli gern chli :-)
mir sind uf moorea im moorea pearl resort gsi, imene beach bungalow. ich has sehr lässig gfunde det, au wenn mer nöd sehr viel ziit im hotel selber verbracht händ :-) mir händ scho vo dihei us e whale watching tour bueched gha mit moorea deep blue. das chani würkli nur empfehle, isch ganz en tolle usflug gsi wo mer mit hai und roche händ chöne schwümme und sogar en buckelwal bim schnorchle gseh händ. denn händ mer no e ATV-tour (quad) gmacht gha, übers hotel bueched. fantastisch gsi... gsehsch mega viel vo de insle und mir sind nur zwei gäst gsi. euse guide isch super gsi, hät eus mega viel interessanti sache chöne verzelle und mir händs echt lustig gha.
in tahaa sind mer im vahine private island resort gsi. das isch eifach nur s paradies uf erde. d insle isch mega schön, nur 9 zimmer und s esse isch eifach nume fantastisch. echt ufeme mega höche niveau, mir sind schier abe. det sind mer 3 nächt imene overwater bungalow gsi, aber die andere gsehnd au mega schön us. mir händ denn no en halbtagsusflug uf tahaa selber gmacht, das isch au sehr interessant gsi, sind e perlefarm go besichtige und e vanilleplantage.
uf bora bora sind mer wieder im pearl beach resort gsi. au das hotel isch mega schön gläge, mir händ e garden suite mit privatem jacuzzi gha, sehr toll. es windet aber ziemlcih stark det wäg de lag. die meiste hotel sind au eher im süde, mir sind also ziemlich "abglege" gsi. uf bora bora händ mer nüm viel agluegt will mer det nur no 3 täg gsi sind und eus no tätowiere lah händ, das hät chli ziit brucht zum hin und her fahre etc.
vo de insle her und em "feeling" und vo de abwechslig vo de usflüg etc. hät eus beidne moorea am beste gfalle. mir sind det au i chlini iiheimischi restaurant go esse, mega fein gsi. tahaa bzw vahine island resort isch am ehnste "honeymoon" gsi, sehr chli und intim und wie gseit fantastisches esse.
ich ha no 800 bilder, lade susch mal es paar ufe die wuche wenni ziit ha :-)
übrigens sind mir au 3 wuche gsi aber no uf 2 insle meh. also bora bora müessti glaub nöd e ganzi wuche mache und au in tahaa würds mer glaub vorher langwilig werde. moorea chasch guet chli länger mache. wasi vilicht im nachhinein no würd mache wär rangiroa (aber nur eägem tauche) oder glich no es paar täg uf tahiti.
|
Zuckerschneggli am 30.10.2013
Re: Flittern in der Südsee (Franz. Polynesien)
Danke viel mol für dine Bricht! Ha grad müesse lache, will mir genau die gliche Hotel bueche win 
Mir win din au a paar usflüg mache. Die chame jo guet vor Ort übers Hotel bueche oder?
Wär lässig win na a paar Bilder zeige chüntisch... 
|
|
|
1 2 3 4 5 6
|
Anmelden
