| Kennt öpper "Kuschelhotels"? |
|
|
1 2 3 4
|
Nora  am 21.02.2008
Re: Kennt öpper "Kuschelhotels"?
Hallo ihr lieben Bräute!
Das Romantik-und Kuschelhotel Gams in Bezau kann ich euch wirklich empfehlen - ihr könnt euch auf romantische und kuschelige Flittertage freuen. Ich habe Anfang Januar 08 in diesem Hotel einen wunderschönen und romantischen Heiratsantrag von meinem Schatz erhalten - es war einfach traumhaft schön, schwelge jetzt noch in diesen Erinnerungen!
Geniesst die Tage dort - es ist wirklich einmalig und speziell!
Lieber Gruss
Nora
|
|
|
smil09 am 21.02.2008
Re: Kennt öpper "Kuschelhotels"?
Juhui, dänn hämmer jo würlich s'richtig usgläsä 
@jovia und nordliecht
Mier händ buecht vom 25. - 31.05. So wie's usgseht gömmer also vor Eu. Cha Eu jo dänn sägä wie's gsi isch. Rabatt nimi au...müest me mol ushandle wänn mer scho so viel Werbig mached
|
|
jovia nicht registriert am 21.02.2008
Re: Kennt öpper "Kuschelhotels"?
@nordliecht und smil09
Grupperabatt wäri ächt nu en Idee  . Mier göhnd im August is Gams und freuid eys mega druhf, vorhär gömmer nu so 3 Täg uf Salzburg .
Ja smil09, verzell eys doch denn ai wie's gsi isch... was hend ier für es Zimmer buecht?
@cannella
Ja, muesch unbedingt mal go driluege im Internet, gsehd ächt superschön und mega "kuschlig" uhs  .
Liäbs Grüässli
Jovia
29.02.08 & 19.07.08
|
nordliecht  am 21.02.2008
Re: Kennt öpper "Kuschelhotels"?
ja bruichit mier halt en "nachenand" rabatt. mier werdid am eppä 8.6. abdüse
genau cannella verzell mal. bi wirklich gspannt. das hotel isch sit drey jahr i minärä favoritä siitä gspeicheret und bi trotzdem niä gsi. meynin frindin mit dere ich jewiils einmal im jahr go wellnessä gah, hat nie det härä well 
miär freyid eys uif de 6. septämber 2008 :-)
|
smil09 am 22.02.2008
Re: Kennt öpper "Kuschelhotels"?
@jovia
Mier händ sonä Kuschelsuite buchet. Ier au? Mier sind suscht nöd so die wo i dä noble Hotels abstieged und die türä Zimmer bueched aber für Flittertäg dörf's jo scho öppis speziells si. Und die Kuschelsuite sind würklich speziell. Wenn mä am Sunntig areist git's jo no ä Nacht gratis.
|
|
jovia nicht registriert am 22.02.2008
Re: Kennt öpper "Kuschelhotels"?
@smil09
Ja, mier hend ai en Kuschelsuite buecht und reisid am Sunntig ah und bleybid bis am Dunnstig. De Preys für d'Übernachtige find ich eigentlich nu okay, eifach d'Behandlige, Massage usw. sind halt teyr, aber das isch ja immer so i Wellness-Hotels  .
Freue mich scho sehr druhf, wird sicher u schön .
Wenn hüratid ier eigentlich?
29.02.08 & 19.07.08
|
smil09 am 22.02.2008
Re: Kennt öpper "Kuschelhotels"?
Mier hüroted am 17.05. zivil und am 24.05. chirlich. Bi Eu stoht jo s'zivil scho praktisch vor dä Tür! Bisch scho nervös?
Wellness isch halt scho bi allne Hotel wo mer aglueget händ recht tür. Hüfig git's so Päckli nebscht dä Übernachtig scho chli öppis wellnessmässigs däbi isch. Da isch im Hotel Gams nöd so. Aber si händ jo no di Herblattidee. Do simmer üs no am überlege öb mer so öppis söläd dezue bueche.
|
|
jovia nicht registriert am 25.02.2008
Re: Kennt öpper "Kuschelhotels"?
Es chund eher so schubweys mit em nervös sey . Wemmer drüber redt oder sicher hütt wemmer chönd die gravierte Ring go hole...  , aber es haltet sich bis jetzt ächt nu in Gränze, sogar ässe gahd nu guet .
Mier hend im Hotel Gams ai s'Wellnessarrangement für zwei buecht und je nu susch en Behandlig. Meh tümmer nid reserviere, d'Badelandeschaft und so chasch ja frei benutze. Würd denn eifach bevor ier dett sind bueche wenn ier eppis wehnd, weil sie hend eys am Telefon gseihd dass die Behandlige immer relativ schnell usbuecht sind und mier sellid reserviere bevor mier dette sind.
29.02.08 & 19.07.08
|
cannella am 27.02.2008
Re: Kennt öpper "Kuschelhotels"?
So iehr liebe Kuschlerinne
Mier hend üsi Afrag i dem Hotel für en Kuschelsuite jetzt au gstartet... ich hätt eigentlich au wellä am Sunntig areise, äbe so vo wäge gratis Nacht und so... aber min Schatz und au üsi Trauzüge hend gmeint, es sigg e riese Stress, wennt grad am Sunntig nach em Hochziig abreisisch... drum hemmer jetzt mal vom Ziischtig bis Samschtig glueget, aber das choschtet grad 300.- meh  Mal luege, was mer jetzt möchid.
@jovia:
Wenn im Auguscht gönd iehr? Villicht simmer ja de glichziitig det!!
Ps. da ich morn und am Friitig ned wirde online sii, wünsch ich dier scho hüt starchi Närve und natürlich ganz e schöni Trauuig und alles Gueti
Es Grüessli
cannella
Editiert 27.02.08
|
|
jovia nicht registriert am 28.02.2008
Re: Kennt öpper "Kuschelhotels"?
Hoi Cannella
Meinsch? Also mier sind vom 10. - 14. August dette . Und ier? Wow, das isch ja ächt einiges teyrer, hätt ich nid dänkt dass das grad sovill usmacht. Ich finde s'Hotel mit dem Agebot So - Do isch en guete Preys, eifach d'Behandlige sind rüüde teyr, aber dass isch ja immer so i Wellness-Hotels .
Danke villmal für deyni Wünsch . Freue mich sehr uf morn , verzell eych denn wie's gsi isch .
Wünsche ganz es schöns Wucheänd!!!
Liäbs Grüässli
29.02.08 & 19.07.08
|
|
|
1 2 3 4
|
Anmelden
