häsch dän das im reisobüro au gseit? will ich find diä müänd das erstens üs säge und zweitens vilicht mit dä autovermietig luägä dass sie das nöme machet. im notfall vilicht drohä dass mer ä anderi vermietig de chundä abütet.

• Zitieren

jo has em reisebüro gseit. si hend gseit si sege de lüt eigentli emmer dass alles abdeckt sig. aber i sig ned di erst wo ene das meldet. do sige scho paar lüt cho... aber ebe s reisebüro cha do ned vell mache. well eigentli jedi autovermietig (ide usa) so esch. do brengts nüt wennd anstat zb alamo de nor no autos vo national nemsch. öberall schafft dene eres persnal halt of provision. ond je me zuesätzlichi versecherige si verchaufe, je meh geld bechömes. chont halt emmer chli druf a a was för en person me grotet, obs en mega hartnäckige esch oder öper wo ke bock het der öpis azdreihe.
aber ebe, wenns im vorus weisch, de chasch di druf vorbereite ond weisch dass alles onnötig esch.
muss aber ebe au sege dass es halt hartnäckigi geht ond serig die froge die ned emol. chont mega ufs personal druf a wo grad am schalter hocket! :9

• Zitieren

nei grond musch keine age, eifach emmer nei sege

jo da glaubi der sofort dass di freusch! be fasch echli niidisch, wörd sofort weder go! esch wörkli mega lässig euche trip! :)
gnüsses so fescht wid chasch!

• Zitieren

jo i ha die strecki wo ehr jetzt machet eigentli scho 2 mol gmacht, eifach jewils no bez verschednigi orte / parks!
i be mega usa agfrässe ond dorom het mi frönd jetzt gseit, jetzt esch fertig met usa ferie, jetzt gömmer mol neumet anderst he
grohti ame grad es schwärme wenni vo so coole trips ghöre wi euchem! dasch eifach sooo toll! :)

mer gönd jetzt zersch 5täg of singapur ond denne no 10täg of ko samui. mi frönd esch ebe nonie z asie gsi.
haha mona, ohni seich i ha em fall scho s gliche denkt, i be gar ned trurig wend HZ dorre esch, well i de id ferie chan go

• Zitieren

jo chas vol verstoh wege de spezielle ferie ort. aber ebe es geht en grond wiso alli det he gönd, es esch halt wörkli onglaublech schön det! zb woni zom erste mol vorem grand canyon gstande be hani gänsehuut becho ond be sprochlos gsi. ebe d lüt gönd halt ned wege nüt det äne... vor emne johr beni met minere beste fröndin e monet id usa ond de semmer öber all he wo ned so touristischi ort send, dassch au hammer gsi...

jo i langwille mi ebe au schnell am strand, cha ned de ganz tag ome legge. dorom hani onbedengt no of singapur welle chli god stadt aluege vorher. ond mi frönd liebts schnorchle ond dorom heter no of ko samui wele, aber ebe i denke mer werde det vell usflög mache ond züg aluege. chönt au nie of sone 500m x 500m senle ide maledive, wörd mi eifach langwile! :)

haha secher, i has mi bes jez ebe nonid getrout sege dassi mi glich fest ofd fletterwoche freue wie ofd hochzit. aber do chanis jo zuege!

• Zitieren

uh jetzt muesi grad öberlegge. i be einisch em november det gsi (aso ade westküste) ond no einisch endi september(afangs oktober).
hihi i ha grad neuli zo mim frönd gseit, jetzt hends jo das neue gebäude (one world center oder so) in NY ufgstellt, da heisst jetzt muesi wdere go, wel das kenni jo nonid aber da hani au dekt i wet i 20johr (zwar lieber no bez früehner) nomol go ond luege wi sechs veränderet het. es esch eifach wörkli es tolls land ond dlüt send einmalig. alli helfe der wend öpis suechsch oder bruchsch, alli hend mega freud wend verzellsch dass us de schwiz chont ond de froges di mega vell sache us. mann.. gsehsch chome scho weder is schwärme

jo es esch halt au, de HZ tag werd secher mega ufregend si ond alles aber ebe nacheten esch me froh chame chli abschalte ond fort ed ferie go! :)

i ha ebe scho vo verschednige site ghrört dass si vo singapur mega entüscht gsi siget, aber i wet mer jez mol selber es bled devo mache :)

• Zitieren