| Welles Reisebüro händ ihr für d'Flitterwuche gwählt? |
|
|
1
|
|
Manuela24 nicht registriert am 11.11.2008
Welles Reisebüro händ ihr für d'Flitterwuche gwählt?
Hoi zämme
Ich bueche mini "normale" Ferie immer über Direktreisen. Jetzt bütet die aber kei Flitterwuche-Rabatt ah und drum würd ich gern vo eu wüsse, bi wellem Reisebüro ihr eui Flitterwuche buechet händ? Ich interessiere mich für Badeferie Übersee (vor allem Maledive) und Krüzfahrte.
Selbstverständlich findet mer via google ganz vieli Reisebüros. Aber mich nimmts natürlich Wunder, wo ihr guet berate worde sind und wo's viellicht au en guete Flitterwuche-Rabatt git. 
Lg
Manuela
Mir trauet üs am 29.05.09 & 06.06.09
|
|
|
trulla09  am 11.11.2008
Re: Welles Reisebüro händ ihr für d'Flitterwuche gwählt?
Hi Manuela
Mir händ eusi Flitterwuche bi Rewi-Reise über Helvetic Tours & Kuoni buechet. (7 Täg Hawaii-Chrüzfahrt und dänn na e Wuche bädele). Die organisiered eus sämtlichi Uusflüg, Transport & Transfers (Hotel-Schiff etc....).
Honeymoon-Rabatt i dem Sinn gits nöd, aber das entscheidet ja au nöd s Reisebüro, sondern s Hotel/Schiff (ufem Schiff hämer automatisch es Up-grade über mind. 2 Kategorie + 1x Champus und Häppchen ufs Zimmer, im Hotel hämer d Meersicht günschtiger...) I de Reisekatalög gsehsch immer, was die einzelne Hotels abietet (z. T. die 5. Nacht gratis usw.)Han ämel na nie vo öperem öpis über Bar-Rabatt ghört...
Bi de Airlines gits hützutags allerdings kei Honeymoon-upgrade meh.. Die hättet ja en huufe z tue susch!
Grüessli trulla
|
dodo10  am 12.11.2008
Re: Welles Reisebüro händ ihr für d'Flitterwuche gwählt?
Hoi Manuela24
Mir hend eusi Flitterwuche bi Legends Travel in Züri buechet und sind super zfriede gsi (Sind in Mauritius gsi). Isch es chlieses Reisebüro (nur 2 Persone) dur das fallt natrüli en grosse teil a Administrationskoste weg. Sie gönd selber go Hotel aluege wo abütet und chaufed direkt i (d.h. nöd über es grosses Reisebüro wie Kuoni etc). Mir hend im Hotel ä persönlichi Reiseleiteri gha, wo eus alli mögliche Usflüg zeigt hät und eus super berate hät, nach dem sie gwüsst hät was eus öpe intressiert. Sie isch immer telefonisch erreichbar gsi, wenn öpis nöd funktioniert hätti (hät zum glück aber alles funktioniert  ) und hät zweimal nagfröget öb im Hotel alles guet sig oder öb mer öpis zbeanstande heged.
Au hemer Honeymoon-Rabatt übercho d.h. ich ha vo dä Hotelchöste nur 50% müese zahle. (Flug und Usflüg 100%). Und im Hotel simer au upgraded worde.
Ich cha das Reisebüro nur absolut empfehle , mir hend geniale Flitterwuche gha.
Sie sind eifach spezialisiert uf Indische Ozean (Mauritius, Maledive, Seychelle, etc) und fönd jetzt nach chli mit Afrika a.
Vill spass bim ussueche!
Dä 12. & 14. Juni 2008 sind scho verbi....!
|
|
Inessa nicht registriert am 13.11.2008
Re: Welles Reisebüro händ ihr für d'Flitterwuche gwählt?
Also ich geh zu unserm Stammreisebüro bei welchen wir auch schon ab und zu waren, ich würde mich einfach mal informieren lassen und ihr merkt dann schon wie wohl ihr euch fühlt.
flitterwochenrabatt oder so kriegen wir glaube ich nicht. Ich hoffe auch auf upgrades, bin aber nicht sehr zuversichtlich 
wir machen 1 woche privatreise mit chauffeur und reiseleiter (nur wir beide!) durch Java, den rest der zeit dann chillen auf bali 
*Das Deutsch-Schweizer Bündnis startet am 29. Mai 2009 mit der zivilen Trauung und erreicht seinen Höhepunkt am 30. Mai 2009 bei der kirchlichen Trauung "Ich ergebe mich der Liebe weil Liebe dich ergeben hat" H.-C. Neuert*
|
|
|
1
|
Anmelden
