| Brautstrauss fürs Standesamt? |
|
|
1 2
|
nordliecht  am 04.06.2008
Brautstrauss fürs Standesamt?
Ich bräuchte mal eure Meinung.
Wir haben am Freitag unsere Zivilhochzeit. Ich bin mir unschlüssig, ob ich doch noch etwas kleines blumiges in der Hand haben soll oder nicht. Da ich auch keine kleine Handtasche, Clutchbag oder ändliches tragen werde. Wie habt ihr das gehandhabt?
Evt. dachte ich an etwas dass wie eine Blumenhandtasche aussieht. Hmm, schwer zum Erklären. Habe mal sowas gesehen, dass war ne Hyazinthe welche ein breites Satinband hatte und so aussah wie eine Minitasche.
Aber eben schwanke....Dabei sollte ich es doch heute bestellen,wenn ich es noch will 
Was meint ihr?
Griässli
nordliecht
miär freyid eys uif de 6.juni 2008 & 6. septämber 2008 :-)
|
|
|
dodo10  am 04.06.2008
Re: Brautstrauss fürs Standesamt?
Hoi Nordliecht
Mir hüratet am 12. Juni zivilisch.
Ich wirde en passende Struss zu mine Chleider ha. Er wird aber nur chli si, dass er nöd stört, will ich au na ä Handtäsche debi ha.
Da ich dä Struss fürs Zivile vo mim Mami überchume, la ich mich eifach mal überrasche was es git 
Die Bluemehandtäsche tönt aber au mega guet und gseht sicher au sehr schön us!
Grüessli
dodo10
Dä 14. Juni 2008 chunt immer nöcher...!
|
Nicole80 am 04.06.2008
Re: Brautstrauss fürs Standesamt?
hallo nordliecht
ich werde wohl auch einen kleinen strauss haben. klein deshalb, weil wir ja ein paar tage später kirchlich heiraten werden (übrigens am selben tag wie du!) und weil ich am zivilen, anders als am kirchlichen, eine kleine tasche dabei haben werde. das mit der blumentasche tönt gut, hab auch mal so was gesehen in einem dieser heftchen. könnte mir auch vorstellen, dass eine einzelne blume mit bändern auch toll aussehen würde.
lg nicole
|
Suse am 04.06.2008
Re: Brautstrauss fürs Standesamt?
Ich ha en Calla-Struss gha, wo zu mim Kleid passt hät.
Hät mega guet passt und isch halt chli fäschtlicher gsi.
Ha ihn sogar am Obig nu mitgno is Restaurant obwohl mer dihei de Apéro gha händ. 
I bi sit em 1. Septämber 2007 verhürotät...
|
snoopy am 04.06.2008
Re: Brautstrauss fürs Standesamt?
Ich hatte kein Strauss, konnte nicht wirklich viel damit anfangen, da ich eh keine Hand vorig gehabt hätte. Habe dann nach der Trauung einen vom Standesamt bekommen. Leider hat er nicht zum Kleid gepasst (Kleid war rot, Strauss rosa und pink). Hatte den Strauss dann auch gleich weitergereicht weil ich sonst alle Hände voll zu tun hatte....
Verheiratet seit 17.Mai 08
|
Sibylle am 04.06.2008
Re: Brautstrauss fürs Standesamt?
myni schwägerin het mir e wunderschöne struss gmacht gha, has zersch ou nid für nötig gfunde ha de jitz im nachhinein zgfüehl für d foto ischs mega geniau gsy und ohni struss wär mis chleid fasch chly z längwielig gsy. ha jedoch ufäm standesamt ou e wunderschöne übercho:-)
dr struss hets ganze feschtlicher gmacht:-)
und wüu nid weisch was für eine und überhoupt e struss ufäm standesamt überchunnsch (ob de dä zum kleid passt) wärs viellicht scho no schön, my füehlt sich ersch denn als brut!!!
daniel & sibylle heiraten am 30.05.2008 / 07.06.2008
|
|
jovia nicht registriert am 04.06.2008
Re: Brautstrauss fürs Standesamt?
Hi nordliecht
wow, denn isch es ja ächt nimme lang und de countdown laift .
also ich persönlich han kei bruutstruss gha und ai keine ufem standesamt becho. mier isch es eifach so liäber gsi, denn han ich beidi händ frei gha zum meyni familie, fründe, kollege usw. z'umarme und abzschmütze und überhaupt   .
isch nateyrlich alles gschmacksach, aber da ich bim kirchliche scho en schöne bruutstruuss wirde ha isch das für mich eifach nid zur diskussion gstande - für mich isch es ächt eifach ai bequemer gsi. usserdem chund me de nu gschänkli über usw. und denn miesst me de bruutstruss eh grad wäglegge...
Griässli
jovia
29.02.08 & 19.07.08
|
Ceci_28 am 04.06.2008
Re: Brautstrauss fürs Standesamt?
ich hatte keinen fürs Zivile.. es gab dann einen geschenkt vom Zivilstandsamt ;-)
|
nordliecht am 05.06.2008
Re: Brautstrauss fürs Standesamt?
ja jovia, dass gaht extrem schnäll. morä isch es scho so weyt und nu x-sache settit erledigt wärdä. däzu nu de jüngschti wo halbe jammernt a meym hosäbei hangt. aber s'chunnt scho guät. wie immer churz vor eppisäm wichtigem, dringt de perfektionismus i miär hervor. sägä nur bruitmonschter  hit morgä am sächsi, han ich pletztlich s'gfiuh gha, das fir am apero ad weygläser nu so scheni namenschärtli mit eysäm hochzeytssujet herä miässtit. dänkt und en stund später sind diä uisdruckt und fertig gmacht gsey, nur so als biispiel. aber zeyt längt fir nimm viel meh. de apero wartet zum vorbereite.....
dank, a alli! ich han geschter nu so es chleysäsäs beigefarbigs hortensienbälläli bestellt mit em ne cremfarbige band dra, wo ich wie en täschä trägä chan. peppt das chleid grad nu einisch uif 
griässli
nordliecht
miär freyid eys uif de 6.juni 2008 & 6. septämber 2008 :-)
|
Angie13 am 05.06.2008
Re: Brautstrauss fürs Standesamt?
Hoi Nordliecht
I wünsche Dir ganz en schöne Tag morn. Wänn hüratet ihr? Mir am halbi 11. Bin hüt am morge am 5i verwachet und han dänkt morn hürati und han gar nüme chöne schlafe. Bin dänki so halb stund bevor dä wecker gschället hät wieder i gschlafe. Ja und dänn bini au die ganz ziit am öppis mache. Mini muetter hättmer scho gseit i hägi ja en mega putzfimmel
aber vo wäm das i das han hät sie natüli vergässe smile.
Jo min maa hät au gmeint jetzt isch dänn öppe fertig, sitz emale ane. i dänke so ischmer weniger nervös. Will min schatz hät hüt am morge gseit, er sägi mega nervös, sägem schlecht. Dä arm
I han en Bruutstruus will mir ja "nur" zivil hürate tüend. I freu mi mega. Au wäns ned so schös wetter isch. Aber mir händ ja d sunne im Härze gäll.
I wünsche allne wo morn hüratet nomal ganz en schöne Tag.
Ganz liebi Grüess
Angie13
|
|
|
1 2
|
Anmelden
