Irgendwie bini jitz scho chli hibbelig, wenni a das Vorbereitigsgspräch bim Zivilstandsamt dänke..
Weiss öpper, was da gfragt isch und wie das so ablouft??




Editiert 30.07.08

• Zitieren

Hoi Hurricane

Bi üs isch das so abgloffe, das mir zersch aui Unterlage hei müesse abgä, wo mir hei müesse mitbringe. När hei mi Zuekünftig und ig je äs Formular mit üsne Personalie (Name, Vorname, Gebdatum, Heimatort, Name vo de Eltere, bisherige Zivilstand etc.) müesse usfülle. Auso nid schwär. Und när hei mir no äs Formular müesse ungerschribe mit dä Agabe wies de usgseht nach dr Hochzit, wär wie heisst, weles dr Familiename isch etc. Aschliessend het sie üs no gfragt, wie mir d Trouig gärn hätte, öb mir nur ganz kurz ds amtläche welle, oder no mit emne Gedicht, chli lenger und romantischer. Öb mir welle Ringe tusche, Küsse, wieviel Lüt das chöme, weles Zimmer mir möchte etc. Halt so organisatorisches. Und när hei mir no müesse zahle... :-)

Auso muesch gar kei Angst ha. Eifach alli Dokument mitbringe, wo sie verlange und de klappet das tiptop!

Wo göt dir ufs Zivilstandsamt?

Grüessli
Passion

...wir trauen uns am 14.08.08 und 16.08.08...

• Zitieren