| Trauverspräche |
|
|
1
|
Gloeggli  am 13.09.2009
Trauverspräche
Hoi zäme
Mer wärdet "nome" zivil Hürote, aber gleich mit ellem dom ond dra. Duät mer sech oder chan mer a dä zivile Trauig au es Trauverspräche mache?
Einersiets fend ich das öbbis sehr schöns, aber ich ben en sehr emotionale Mensch, muäs au vorem Fernseh glie mol brüäle. Vo dem her dänk ich, wörd ich wahrschienlich keis Wort öber d Leppe brenge, da ich so nervös wäri ond müässti brüäle.
Wiä mached ehr das?
Grüässli Glöggli
|
|
|
Sposina  am 14.09.2009
Re: Trauverspräche
Hoi Glöggli
Das hämmer eus das Wucheänd au öberleit. Mer hürate kirchlich, aber i dänke bim zivile Hochziit chasch das sicher au ibaue.
Ich bin au seeehr seehr nöch am Wasser baut.. drom hämmer dänkt dass mir eus öpis schriibed und das im Pfarrer gänd, das er das vortreit.
Eigentli fendis vell schöner, wenn mers sälber im Schatz seit, aber ich glaub ned dasi öpis öber d Leppe wör bringe....
|
speedy  am 17.09.2009
Re: Trauverspräche
Vil meh als "jo" bring ich wohrschinlich au nid use. Und min Liebschte het do no vil meh Bedänke als ich. Bis jetz simmer uns einig, dass mer so wenig wie möglich wänd säge. Allerdings, wenn ichs bi anderne gseh find ichs ebe scho au immer sehr schön, wenn sones Verspräche vortreit wird.
Bim Zivile klärsch es am Beschte mit dim Standesamt ab, was möglich isch. Respektive, wenns euch am Härz liggt, denn suech s Standesamt nach däm Kriterium us. Chöned jo überall in dr Schwiz hürote. Und nid uf jedem Standesamt isch s gliche möglich...
|
Krispy am 17.09.2009
Re: Trauverspräche
No vel wechtiger als das mer enand s Trouverspräche säge esch mer, dass die Wort wo de Pfarrer seit wener üs s Trouverspräche abnemmt, zo üs passe. Mer wärde wahrschinlech es Trouverspräche schribe wo de Pfarrer seit. Ond det druf sägemer de "jo"!
|
|
|
1
|
Anmelden
