| was legi ou ah? |
|
|
1 2
|
aschera  am 06.09.2008
was legi ou ah?
hallo zäme
am 10. oktober 2008 isches so wit...  u ig ha ke ahnig wasi sell alege... u was mi no schwiriger dünkt was leit mi schatz ah??
was heit di so treit und eui männer?
i wär dankbar für chli tips!
liebi grüessli
aschera
|
|
|
maju  am 06.09.2008
Re: was legi ou ah?
ouso mir hürate ersch nächschts jahr, dr ziviler hei mir am 30.04.2009 u kirchlich am 02.05.2009. u drum ha i mir no gar nid so Gedanke gmacht, aber für üs het dr ziviler nid so ä grossi bedütig, das muesme haut eifach mache....... drum dänke ig das ig nid extra weisignidwas wirde ga choufe für ziviltrouig!
i dänke äs paar schöni Hose u obe öpis schöns u chli schön strähle u chli schminke, das duets :-) u d manne am beste ä schöni Jeans u äs schöns Hemmli oder T-Shirt drzue!
wenn heit dir de Kirchlich?
mir hürate am 02.05.2009
|
aschera am 06.09.2008
Re: was legi ou ah?
hoi maju
merci für dini zile... bi üs isches äbe ou so dass d chile wichtiger isch... mir hürate am 25.07.2009 wo und wie wüssemer noni, ev. im bärner oberland oder im solothurnische mau luege wosnis gfallt (d chile).
ig dänke e chici hose unes blusli oder so passt.... mi schatz wir strahle wener weiss dass jeans total ok ufem ziviler si.:-)
wie wit sit dir scho mit plane? u chleid etc. sit ig vor es paar tag uf das forum bi gstosse merki dass es jahr planig normal isch.... (bi rächt erchlüpft)
wenn hüratet dir u wo?
es liebs grüessli
aschera
mir hürate em 10.10.2008 & 25.07.2009
|
maju am 06.09.2008
Re: was legi ou ah?
Hoi aschera
Gäu mi dünkts o chli früeh, aber da ig ir Buechhaltig schaffe u ändi jahr, resp. bis im März so oder so chli viu z düe ha, bi i um aues froh wo vorhär greglet isch. u när ha i im Januar o no grad Prüefige vo mire witerbildig....äbe drum si mir itze scho rächt dranne!
ouso so viu hei mir zwar o no nid  Kirche, Ziviler, Partyroom, Partyservice, u sit letscht Dienstag ha i mis Kleid  ouso si müesse no bstelle, wird öpe januar februar bises da isch, u när no umenähie u so.... Zyt vergeit schenll!
ok mir hürate am 02.05. das isch scho chli ender aus dr 25.07. i gloub da würd i o no nid so gross afa plane!
vo wo sit dir de? mir hürate z Blumenstein..... viellicht kennsch das, isch wunderschön dert!
|
aschera am 07.09.2008
Re: was legi ou ah?
hoi maju
oh no grad prüefige... zum glück hani die sit es paar wuche düre... u diplomfir isch ou grad vorere wuche gsi. (froh bini)
ja dir sit scho chli witer mit plane... aber mir hei ja no zwe mönet meh zyt mir hei aber ou scho der partyservice, da mir leider noni wüsse wos id chile geit mues das no chli warte:-)
üs gfallt äbe zoberland guet vo de usflüg har... wohne düemer im kant. solothurn...
wohnet dir de in blumenstein?? oder göt dir eifach da id chile?
übrigens für gueti tips bini immer offe...
ouso we e guete fotograf kennsch wär das super!
wo bisch du ga luege für dis chleid? weme chli geit ga surfe weisch gar nümm wo häre das sellsch... (find ig):-))
es liebs grüessli
aschera
mir hürate em 10.10.2008 & 25.07.2009
|
maju am 07.09.2008
Re: was legi ou ah?
ja i wohne z Blumenstein, das isch ganz schön hie!!! aber isch haut nume afe am afang vom Oberland, we öich z oberland guet gfallt würd i äue no chli witer ufe, oder irgendwo am see..... Spiez ir Schlosskirche zum Beispiel  viu spass bim suche! ja mir gö z blumenstein nume i Kirche, när gö mir uf Gurzele ines Buurehuus ga ässe! u zwüschedüre..... kei Ahnig, sach vo de Brutführer!
Ja das mit däm Fotograph.......isch nid ä so eifach, i ma eifach nid 2000 franke zahle, u symphatisch söt eim di Person wome dr ganz Tag söt alächle o no si
wägem Kleid bi i z Bern i z Pronuptia, isch super Beratig! i ha o geng chli im Internet gluegt, aber uf de Bildli gseht das eifach nid glich us, u när chunnt o nid jedere Frou jedes Kleid glich guet. i würd eifach mau ga luege u i ha ja mis kleid im erste Lade, grad gfunde, u bi aber när glich no chli i angeri Läde ga luege (Preis isch mir chli z höch gsi) aber nach 3 angere Läde bi i glich wieder zrug i Pronuptia u ha das Kleid dert kouft! aber itze weis i ömu das eifach das mis Kleid isch!
ach danke no für di links vo de Fotografe, gseht nid schlächt us mues mi mau chli nach de Preise erkundige!
mir hürate am 02.05.2009
|
maxi306  am 10.10.2008
Re: was legi ou ah?
Lustig - ich hab mir gerade heute auch die gleiche Frage gestellt - und da sah ich, dass es heute bei Dir schon soweit ist/war.
Zu was hast Du Dich entschieden? Hast Du evtl. ein Bild davon? 
Liebs Grüessli
Patty
|
aschera am 13.10.2008
Re: was legi ou ah?
hallo maxi
wir haben uns für eine legere ziviltrauung entschieden...
mein schatz hat eine dunkelblaue jeans und ein hellblau karriertes hemd getragen.
ich habe mich für eine graue hose und ein violettes oberteil entschieden.
ich muss dazu sagen, wir haben nur mit den eltern und trauzeugen gefeiert... (sonst hat es keiner gewusst, dass wir heiraten)
wenn dies deiner vorstellung entspricht sende ich dir natürlich gerne ein bild....
es liebs grüessli
sit am 10.10.08 zivilisch verhüratet, jetzt fröie mir üs ufs wisse am 25.07.09
|
aschera am 16.10.2008
Re: was legi ou ah?
@maju
hallo! so hesch jetzt scho alles chönne organisiere was no fählt??
mir si no em pfarrer sueche... jetzt hani mini tante beuftreit der pfarrer vo bluemistei zfrage ob är ou uswärts trouige macht (mir finde ihn eifach genial).... mir hoffe sehr das das möglich isch!
weisch ig ha chli müesse flunkere öb ig bluemistei kenne.... denn ig kenne b.stein sehr sehr guet da mis mami vo dert chunt und ig no verwanti da ha....
z.b. mini cusine wo grad im juni het ghürate.... da ig vermuetet ha das dir enand guet kennet u si ja no nüt hei gwüsst hani haut ou dir nüt gseit..... nid bös si gäu....
es liebs grüessli
aschera
sit am 10.10.08 zivilisch verhüratet, jetzt fröie mir üs ufs wisse am 25.07.09
|
maju am 16.10.2008
Re: was legi ou ah?
wär isch de nini cousine? 
Ja mir si no nid viu witer........ itze gö mir langsam hinger kärtli, u när sötte mir geng no Gästeliste schribe.... aber äbe mir hei ja no chli zyt!
Ja dr Pfarrer vo Blumenstein isch nid schlächt, we i nid scho ä Pfarrer würdi kenne, würd ig ihn ouso o sofort näh! u z blumenstein weit dir de nid hürate?
mir hürate am 02.05.2009
|
|
|
1 2
|
Anmelden
