Hoi zämmä

Mich nähmti emol wunder, wär vo üch nur zivil hürotet? Und wieso.

Für all die wo au no kirchlich hürotet: Isch euch die Hochzit wichtiger, will dir so gläubig sind, oder wills sich eifach so ghört (also quasi normal isch) oder wills s grössere Fescht isch?

Was mich echli verunsichert isch: Die meischte hürotet jo standesamtlich mindestens 2 Tag vorhär, wenn nid so gar es paar Mönet oder es Johr. Stört euch das nid, wenn dr denn eigentlich scho vrhürotet sind, aber ihr euri Hochzit eigentlich noni richtig gfiiret hei? Oder fühlet ihr euch nach em Standesamt noni wirklich vrhürotet und chunnt das Gfühl erscht nach dr kirchliche Hochzit?

Ich hoffe dir verstönd mich jetzt nid falsch. Ich ha mr die Gedanke scho öfters mol gmacht und jetzt sind sie natürlich erscht rächt es Thema für mich. Es nimmt mich eifach nume wunder, wie ihr das gsehnd.

Liebi Grüess

• Zitieren

Hallo Ida

Mir hürated ja sowohl standesamtlich, wie au chirchlich. Vor zwei Jahr hetti etz no xseit das mir s chirchliche meeega wichtig isch wili zimlich gläubig xsi bin...

.. mittlerwil isch für mich s chirchliche eifach wichtig, will ich vor allne Mänsche woni gärn han und au vor Gott möcht de Bund vode Ehe iigah. De glaube isch für mich chli in hintergrund grutscht und nüm ganz so extrem wie vorher..doch trotzdem ghört für mich s chirchlich eifach dezue, mit schönem wiise chleid usw..

Mir persönlich isches wichitg die beide Date so näch wie möglich z halte. MIr würs eifach komisch vorcho zivil z hürate und denn nachäne uu lang warte und denn s chirchliche. MIn wunsch wär ca. 2 Täg vorem chirchliche vors Standesamt z trätte..

Aber da isch jede Andersch und mängisch gits au mehreri Gründ wieso das die beide Date ebe grad mehreri Woche / Monate usenand liged.

• Zitieren

ich heirate nur zivil.
ich habe schlicht weg nichts mehr mit der kath. kirche am hut, seit ich 18 bin.
ich habe meinen eigenen glauben und muss diesen nicht auf papier festhalten und dafür steuern bezahlen.

mein freund ist zwar noch in der kirche, und somit könnten wir kirchlich heiraten, aber er will das auf keinen fall, das ganze theater. ;) (wie er sagt)
und mir ist das noch so willkommen. ich brauche das absolut garnicht und will es nicht!
ich muss meine liebe nicht von gott absegnen lassen.
und wie gesagt, ist mir der ganze thumult einfach zu doof. zu kitschig. zu...

ich heirate trotzdem in weiss, wie es üblich ist, für bräute die "nur" zivil heiraten und auch alles drum und dran mit apero und anschliessendem fest.





mer hürotet am 26.06.2010 - i 3 kantön! ;)

Zuletzt bearbeitet am 29.12.2009

• Zitieren

he sheilyn... hast' dein posting noch ergänzt...?

°oO°oo° ... WEIL ES LIEBE IST ... °oo°Oo°

• Zitieren

für üs isch dr ziviler eigentlech äs notwenidgs ''übel'' mir wärde das eigach schnäll ga erledige z'richtige Hochzit würd für üs ir Chilche si (dr ort ansich isch eigentlech egal s'chönt o mits im Wald si) i findes eifach schöner ''mit Gottes säge'' id Eh z'gah, mir hei zum bischbil ou üsi Chind touft nid wilmr so Glöibig si sondern wilis so chli ''beschützter'' finde.

Klar hets ou mit Tradition z'düeh aber das isch für üs doch eher zweitrangig.

Aber i finde jede söll so winer wott u nüt isch meh oder weniger wärt!

• Zitieren

Hey ihr, danke für d'Antworte

D' Calla het eigentlich die gliche Asichte wien ich zu däm Thema. Ich wirde au "nur" standesamtlich hürote. Mir sind beidi Atheischte (sini Eltere sind nid so begeistert, chirchlich hürote ghöri sich äfach...)
Jedefalls scho us däm Grund würde mir natürlich nid chirchlich hürote, aber ebe au so würd mir das ganze komisch inecho. 2 mol z hürote, quasi. Und scho vrhürotet si, aber nid zfiire. Wie eimol Luft hole, aber noni usschnufe chönne, irgendwie so. Wenn dr vrstönd was ich dermit säga will

Da wir aber eben "nur" Zivil heiraten, wollten wir das auch nicht auf dem Standesamt machen. Eben weil da halt nicht alle Platz haben. Wir haben uns deshalb eine Burg gemietet, auf der man sich trauen lassen kann. Das wird bestimmt was ganz besonderes. Vo däm här muess en Zivilhochzit jo nid au e wirklich standesamtliche Hochzit si.

Ach eigentlich, reg ich mich nur grad so über mini zukünftige Schwiegereltere uf... ich ha ihre Sohn vom rächte Wäg brocht.... hrrmpf

**Wir heiraten am 30.4.2010**

• Zitieren