| Heiraten 2008 |
|
|
1 2 3
|
bluemli  am 16.08.2007
Heiraten 2008
Hoi zäme,
Wär hüratet o nächschts Jahr?
Mir hürate am 05.07.08. Ha dr Hüratsatrag Ändi Juli übercho - isch wunderschön gsi 
Hei eigentlech am 28.06.08 wöuä hürate, aber denn isch üses Wunschlokal scho reserviert gsi. We dir auso anes speziell schöns Ort weit ga ässe, müesst dir u früh reserviere. Mir si chli uf d`Wäut cho. Hei dänkt so es Jahr vorhär simer sicher gnue früeh....
Mir hei üs jetz uf e Wuche später geinigt. Es het sich jetz usegesteut, dass das Datum eh no besser für üs isch.
Mir hei afangs d`Chiuche, ds Restaurant ud Band für am Abe reserviert. Zudäm hei mir mau ä prov Gäschtelischt u ä Budgetplanig gmacht.
I gloub, dass si so die wichtigschte Sache für am Afang. Dr Fotograf hei mir no nid. Kennt öper ä guete Fotograf im Rum Berner Oberland/Bern?
glg
|
|
|
Nadine_TN am 16.08.2007
Re: Heiraten 2008
Hoi du, au ich hürot negscht Johr am 08.08.08 standesamtlich und am 09.08.08 kirlich.......gäll irgendwie würd me scho alles richtig plane und reserviere und doch het me no so vil Zit drfür. Ich chas gar nüm erwarte, wenn dPlanig so richtig los goht.............
|
bluemli am 16.08.2007
Re: Heiraten 2008
Hoi Nadine
Ja, säg mir de nüt. I chas o chum erwarte....
Es isch scho so, meh wott ja sis Hochzyt müglescht perfekt ha u das git viu zplane, zdiskutiere u züberlege. I findes aber mega spannend u schön sis eigete Hochzyt dörfe zplane. Bi o scho Brutfüehrerin gsi, aber das isch nid zgliche.
I ha o sehr fröid, de Kollege und Verwande di freudigi Nachricht z`überbringe.
Mir wüsse no nid, wenn dass mir ds zivile Hochzyt hei. Vermutlech aber e Wuche vorhär.
glg
|
Nadine_TN am 17.08.2007
Re: Heiraten 2008
Hoi Bluemli, mir gohts ganz glich....am liebschte würd ichs dr ganze Welt verzelle, aber leider wüsses die meischte jo scho.
Bi dä Vorbereitige han ich zum Glück tatkräfigi Unterstützig vo mene familiäre "Wedding Planer". Er isch e langjährige Fründ vo minere Familie und sehr versiert wenns ums Plane goht. Min Verlobte isch Amerikaner und wohnt LEIDER no bis Endi Mai dört. Dorum mues ich sehr vil allei mache, aber die Zit isch absehbar......Wüsse dir scho genau wo und wie dir wennd hürote?
Liebi Griessli Nadine
|
bluemli am 19.08.2007
Re: Heiraten 2008
Ja, mir hürate am 05.07.08 i der Chiuche Sigriswil (BE). Vo der gseht meh schön uf e Thunersee abe.
Dr Abe verbringe mir im Schloss Hünigen in Konolfingen. Das isch würklech es wunderschöns Hotel/Restaurant, wo de mir und üsi Gäscht o chöi übernachte...
Wie gsehts bi öich us? Wo findet öies Fescht statt?
|
Sibylle am 21.08.2007
Re: Heiraten 2008
mir hürate ou im 2008
07.06.2008 kirchlich, zivil wahrschynlech am 30.05.2008!
PS: göht mau uf brauttalk ga luege dert isch ou e liste wär aues im 2008 duet hürate und wär wie lang zäme isch.....
lg sibylle
|
Nadine_TN am 21.08.2007
Re: Heiraten 2008
Hoi Bluemli, mir hürote am 08.08.08 Zivil im Standesamt zAlrlese vo ich wohn und am 09.08.08 kirlich in Ligerz. Das isch am Bielersee...e wunderschöni Kapelle in dä Weinrebe mit direktem Blick uf e See. Unsers Fescht zobe findet im ene wunderschöne Restaurant / Hotel ganz in dr Nöchi statt. Vom Esssal und dr Veranda (überdeckt) seht me au direkt uf e See. Mir und sFamilie werde dört au übernachte.......
Reise dir denn mit emene Bus a, oder wie hän dir das plant?
Ganz e liebe Gruess, Nadine
|
siba80 am 21.08.2007
Re: Heiraten 2008
Guete Abe mitenand!
I bi hüt Abe zerscht mau i däm Forum u näi hani die verschiedene Biiträäg gläse. Plötzlich hani müsse schmunzle, woni de Biitraag vo de Sibylle gläse ha. 
Mi Name isch o Sibylle (no glich gschriebe, gits ja sälte) u wir hürate o am 07.06.2008 kirchlich u am 30.05.2008 zivilisch... Tja mängisch gits Zuefäll.
Wir hei bis itze dLocations u de Fotograf reserviert resp. buechet. Die provisorischi Gästeliste sowie zBudget hei wir o scho erstellt. Für z'andere heimer ja no gnueg dezyt.
Liebs Grüessli Sibylle
|
Sibylle am 21.08.2007
Re: Heiraten 2008
Hallo siba
mega luschtig dä zuefau!
dä name und so gschribe gseht mä würkli nid hüfig.
jahrgang hani nume fasch glich 81
dy zuekünftig heisst aber nid daniel gäu?
|
siba80 am 21.08.2007
Re: Heiraten 2008
nei nei, Daniel heisst er nit.  mi zuekünftiga ehemann heisst Nikola. Das wärs ja no gsi, we üser Herre no glich würdi heisse...
|
|
|
1 2 3
|
Anmelden
