| Heiraten 2008 |
|
|
1 2 3
|
bluemli  am 26.08.2007
Re: Heiraten 2008
Auso Nadine, uf dini Frag zrügg zcho.
Mir wei für üsi gladne Gäscht es Car organisiere. Besammlig wird vorem Restaurant si, wo mir am Abe üses Fescht hei, denn gits e Transport zur Chiuche, vor Chiuche zum Apéro u vom Apéro wieder zum Restaurant. Ha zwar no kei Ahnig was das choschtet, isch aber sicher o nid grad günschtig.
Wieviu Gäscht erwartet dir? Mir si öpe 50 am Abe u 150 bim Apéro.
|
|
|
Nadine_TN am 30.08.2007
Re: Heiraten 2008
Hoi Bluemli, am Standesamt am 08.08.08 zArlese werde nur ca. 25 Lüt cho.....würklich nur mini Familie und und sini vo Amerika. Am Samschtig denn reise mir vo do (Nöchi vo Basel) mit ca. 80 Lüt nach Ligerz am Bielersee, wo dTrauig wird stattfinde. Dorum werde denn au anschliessend alli Gäscht für dr Apero und sFescht iglade si.......
Hän dir eigentlich scho vil gmacht bis jetzt? Wer hilft dir bi dr ganze Organisation? Ganz e liebe Grues, Nadine
|
Simonetta am 06.09.2007
Re: Heiraten 2008
Hellouu Ihr brutfrauelis
i dörf au nöchst johr am 26.07.2008 kirchlich hürote *megafreu*
mite vorbereitige simmer scho rächt wit cho, will mer nöchst johr für d'wohnig und d'irichtig müend luege. vo dem her wetti s'wichtigste scho bis ändi johr erlediget ha.
standesamtlich würdemer am liebste am 18.07.2008, esch aber no nüt festgleit, esch no z'früe.
I FREU MI RIIIIISIG UF MIS HOCHZIT! 
grüessli
|
daniele am 18.09.2007
Re: Heiraten 2008
Ciao zema
Also miar hend grad üseri hochziit gfiiret und usa fotograf isch mega gsi.
sini homepage isch
www.fotozippo.com
döt sind etz grad üsi fotina dina
Daniele
|
Nadine_TN am 19.09.2007
Re: Heiraten 2008
Hallo Simonetta, mir gohts do ganz glich. Au mir wän so vil wie möglich scho vorbereitet ha. Mir hürote am 08.08.08 standesamtlich und am 09.08.08 kirlich und ich han bis im Juni no Abschlussprüefige an dr Hochschuel.
Ich wünscht mir aber so, dass dä Moment scho do wär - ich chas chum erwarte.
Hän dir denn dLocation scho usgsuecht?
Liebi Grüessli
|
liousbra am 21.09.2007
Hi mir hürate ou im 08
Hallo,
Ig und mi schatz hürate ou im 2008 wahrschinlich im September isch eifach ä schöni Jahreszit (so im Spätsummer).
Mir möchte irgendwo idr Region Thun üses Fescht fiire.
Wüsse aber no nid genau wenn und wo undso witer. 
Derfür hani aber mis Chleid scho, eifach no ohni Accesoires wüu is ha uf Ricardo ersteigeret.
Aus näschts machi mi gloub mau ad uswahl vo de Einladungskarten etc.
Fing i mega schwirig sich da z entscheide. Wie geiht das bi euch ä so?
Sit dir scho am vorbereitige Träffe oder bini no viu z früeh?
|
Simonetta am 21.09.2007
Re: Heiraten 2008
Hoi Nadine,
Ja mir händ s'Restaurant scho reserviert in Luzern am See, nor hämmer ned gross öberleid, well hett ned gnüegend Parkplätz =( Soscht semmer eze ade Iladigskärtli.
I ha eifach no Chleid ned usgsuecht, mer gönd erst im Januar, esch das ächt z'spot? Well die meiste wo nöchst Johr hürotit händ scho all eis...
Und ehr händ scho s'Restaurant? Was händer scho vorbereitet?
Grüessli
|
|
jovia nicht registriert am 21.09.2007
Re: Heiraten 2008
Hi liousbra
Mier hüratit am 29.2.08 zivil und 19.07.08 kirchlich. Hend au scho sehr vill organisiert: Kile, Pfarrer, Restaurants reserviert fürs Ässe und Apéro, d'Musig für am Abe (eifach alles nu ohni genaui Details). Im Oktober gömmer de nu wägem Fotograf go luege. Wäg de Iladigscharte hemmer en Idee, aber nu kei Offertene inegholt... hend nu Zeyt, tüends eh erst so im Februar verschicke.. 
Wemmer weiss dass meh hüratet fahd me meistens mitem organisiere scho ah...
Hey dörf ich frage wie gsehd denn deys Chleid so uhs?
|
Nadine_TN am 25.09.2007
Selma79
Hoi Selma79, das gits jo nid.....so ne Zuefall.....um welli Zit hürote dir denn?
Mir händ scho ziemlich vil vorbereitet: Noch em Standesamt findet e Apero mit chleinem Mittagesse bi uns däheime statt und am 09.08 hürote mir kirlich in Ligerz. Dört isch dKirche und dLocation direkt am See reserviert. Was hän dir denn bereits vorbereitet?
Ganz e liebe Gruess, Nadine
|
bluemli am 26.09.2007
Re: Heiraten 2008
Hoi zäme
Bi o wieder mau chli im Forum glandet.... isch jetz chli viu Zyt vergange sit em letschte mau. Ha grad chli viu um d`Ohre gha...
Mir si im Momänt o grad am überlege oder usefinde, wele Fotograf mir wei. Us dr Region Thun/Bern wäri guet. Mir hürate ja am Thunersee.
Viellech het ja öper a guete Tip?
Für ir Chiuche suche mir no ä Sängerin.
|
|
|
1 2 3
|
Anmelden
