| Hochzeit am 9.8.08 |
|
|
1 2 3 4 5 6
|
Nora  am 06.08.2008
Re: Hochzeit am 9.8.08
Liebe 8.8./9.8.08-Bräute
Ich wünsche euch allen schon heute ein wunderschönes, romantisches und unvergessliches Hochzeitsfest mit ganz viel Sonnenschein und nur das Beste für euch!
Alles Liebe,
Nora
Wir freuen uns riesig auf den 8. August 2009
|
|
|
|
Pluto nicht registriert am 06.08.2008
Re: Hochzeit am 9.8.08
Hallo zäme
Ech wönsche allne Brautpaar am 9.8.08. en super Hochzigstag met schönem Wetter.
@ madmadi
Ech ha de Wetterbericht ned gross verfolgt aber es wär ou ned schlächt, wenn's ned zu warm esch (hauptsach trocken!). Ged ou besseri Fotos seid de Fotograf, be extremem Sonneschiin dodmer meistens d'Auge chli zukneifen wells blendet ond de send d'Fotos ned de Hit.
Be üs esch's am 26.7. jo z'erst ned so bombig gsi, chli bedeckt. Do hed's ufto ond om 12.00 esch's do rächt drückend gsi, obwohls emmer nochli Schleierwolken gha hed. Ide Kutsche heds üs fast verbrötlet. En Tipp: Pudertüchli oder Puder mitnäh, demet ehr üch d'Nase amigs chli chönd bestäube. Mer hend emmer chli gluet dass mer ned zu fest glänzid, wär schad för d'Föteli. Mer hend erst afig 1 Foto gseh (be sooo gespannt ofe Rest!!) ond det hemmer glich en Schimmer of Stirn ond Nase. Wägem Blitz glänztmer auwäh glich gliiner als mer dänkt. Ech fend das amigs ned so toll, wenni so "speckig" usgseh im Gesicht, esch chli mini Problemzone.
Also du, ganz es schöns Hochzig dir ond dim Schatz. Gniessids!
Öbrigens, das metde Nastüchli för d'Gäst findi de witzig! Hani no nie ghört, wäri nie druf cho.
Ech ha komischerwiis keis Nastüchli brucht, obwohl ech dänkt ha ech hüüli die ganz Ziit ide Chele. Ha nor es bizli Tränli gha, vorallem bem Trauwort. Be söscht scho no nöch am Wasser bauet. Aber irgendwie eschs do glich anderst gsi alsi dänkt ha, evt. wäge de Nervosität.... deför hed min Maa rächt Träne vergosse .... so schön! 
LG
Pluto
* Wir haben am 26. Juli 2008 geheiratet *
|
|
Mara nicht registriert am 06.08.2008
Re: Hochzeit am 9.8.08
Woooaa Lütlis, eg hautes gli nümme us uf mim Bürostuehl! Mer hei hüt no die letschti Besprächig mit em Herr vo der Chile wäge es paar Einzelheite und när isch au alles erledigt und mer si parat!!!! Irgendwie hanis Gfühl, dass eg irgendöppis vergässe ha, hani schüscht eigentli nur wenn mer id Ferie göi
S Wätter sett jo wörkli guet wärde und uf 30C° chani gärn verzichte! Das mitem Puder hani au so beschribe becho vo mire Fotografin und has scho uf d Lischte gno vo dene Sache wo i mis Täschli wärde ghöre
Oje und eg muess no bis am Fritig morge schaffe. Be doch total unkonzentriert! Mi Schatz het no en adütig gmacht, dass är sech für d "Hochzitsnacht" öppis speziells usdänkt het, do beni grad dopplet gspannt - är us ANTIromantiker *lol*!
Ja eg gniesse JEDE Augeblick vo der Vorfreud!!
Liebs Grüessli
Mara - wo sech ufem Bürostuehl muess feschtbinde----
Tamara & Simeon ~01.06.07~09.08.08~
|
Nepi  am 06.08.2008
Re: Hochzeit am 9.8.08
@Mara
Uf äm Bürostuehl festbindä  so herzig.
I wünschä Dir vo Herzä äs schöns Fest und äs kunt sicher alles guet.
I muäs leider no 6 Wuchä wartä 
|
madmadi  am 06.08.2008
Re: Hochzeit am 9.8.08
Danke für de Puder-Tipp!!! Wirdi demfall ipacke, merci!
Weiss de au ned, öbi sälber wörkli es Nastüechli bruche... ha scho dänkt, i müess sicher flenne, wenni de Hürotsatrag bechome ond ha ned müesse - aber öppe so hani usgseh: - und genau so stohni dänk denn au vorem Pfarrer... d Nastüechli-Idee esch useme dütsche Hochzitsforum, woni i de letschte Woche au chli umegschneugget ha (d Sille het do mol de Link postet und denn het's mer au dete de Ärmel inegno).
@Mara
You're not alone! I sitze au im Büro und cha mi ned uf'd Arbet konzentriere (sit Woche nömm rächt - schwirre immer im Forum und söscht im Netz ume). Debi sötti doch luege, dass alles chli grumet und ufgschaffet isch - mer wänd jo i 9 Täg ab i'd Flitterwoche - zwöi Woche Finnland, juhuuu!
Grüessli
madmadi
Ich hürote mi Schatz ganz genau 10 Johr nach öisem erschte Koss, am 8. August 2008!
|
|
Pluto nicht registriert am 06.08.2008
Re: Hochzeit am 9.8.08
Jo, das met ofem Bürostuhl anbinden ond fast nömm chönne schaffe könni bestens.
Ech schaffe 60% im Büro, ha a Mäntig ond Mittwoch vorem Hochzig no mösse schaffe. Be ned so produktiv gsi, be ou vell im forum ond of üsere Homepage gsi. Ha no Checkliste agluet welli emmer gmeint ha, ech heig öbbis vergässe.
Am Donnstig ond Friitig hani do deheim ned wörkli chönne ausruhen, hend no mösse d'Umgebung vom Huus aufräumen. Mer hend erst umgebaut ond es esch no es Puff gsi überall. De hani no in Partyraum mösse go Wein ond Tischkärtli bringen. Ha dänkt am Friitig machi nüd oder ned vell. Denkste, bes 22.00 Uhr hemmer Vollgas gäh, afe am nüni Znacht gno. Hend do om 22.15 no afo tanzen üben!! Mer send erst ineme Tanzkurs gsi, hend 3 Woche nümi gmacht gha ond hend dänkt, mer müesse wenigstens de Walzer nochli üben 
Also, gniessid d'Nervosität nochli, esch doch auch schön. Well vell z'schnell esch alls verbi.
Grüess
Pluto
* Wir haben am 26. Juli 2008 geheiratet *
|
|
Mara nicht registriert am 06.08.2008
Re: Hochzeit am 9.8.08
Ohhh, der redet mer alli sooo us der Seele!!! Isch schön z läse dass me nid elleini isch!
Tamara & Simeon ~01.06.07~09.08.08~
|
nordliecht am 06.08.2008
Re: Hochzeit am 9.8.08
Iher liäbä 08.08 brütlis. ich fiebere mit eych uif de grossi tag mit. fir die letschtä täg vor em finale wünsch ich eych nu en spuur glassäheit (het und han ich ja ai nid :blush), en reysä portion vorfreyd und dänn am tag der tage einfach alles erdänklichä scheenä. iher werdit wiä alli briit die scheenschtä sey und eychi mannä verzaiberä! ich wirdä a eych dänkä 
die wo nu niä i dem "nastiächli"forum gsi sind, fend eifach nid demit aa. suscht nimmts eych, wie d'madmadi so scheen seity- de ärmel innä und dänn hend ihers gschänkt ich mechti immer nu meh mache. zum glick rännt mier zeyt dervo(genai nu 1.monät!!). d'nastiächli steckit bi mier aber ai im chiläheftli
griässli
nordliecht
zivilisch verhiratät sit em 06.06.08, kirchlich am 06.09.08
*weil du es bist, weil es liebe ist*
|
Mariquieta am 06.08.2008
Re: Hochzeit am 9.8.08
Hallo zusammen
das mit dem Nastuch finde ich eine echt süsse Idee. Ich habe das Gefühl, dass ich selber mehrere brauche. Immer wenn im Fernseher jemand heiratet, ich romantische Geschichten lese oder unser Brautwalzerlied höre, muss ich weinen.
Wir sollten jetzt eigentlich auch fast alles haben. Muss heute noch eine Flasche Helium besorgen, aber das ist die letzte "grössere" Aktion.
Jetzt haben wir solange darauf hingearbeitet, gefiebert, vorbereitet,... ich bin echt froh, dass es bald soweit ist und kann es kaum erwarten, meinem Liebling das "ja"wort zu geben.
lg
|
Kaz am 08.08.2008
Re: Hochzeit am 9.8.08
Hallo Liebe 09.08.08 Bräute!!
Auch euch allen wünsche ich eine ganz tolle Hochzeit und einen unvergesslichen, wunderschönen Tag!! Ich drücke euch ganz fest die Daumen, dass das Wetter einigermassen mittspielt!! Ich denke an euch
Liebe Grüsse
Kaz
Wir Heiraten am 09.05.09
|
|
|
1 2 3 4 5 6
|
Anmelden
