| marinatal bern? |
|
|
1 2
|
Sibylle  am 06.02.2008
marinatal bern?
hallo zäme!
i fröie my scho mega uf marinatal in bern das wuchenänd!
gah am friti nami mit minere kollegin gah schnöigge und am samschti oder sunnti mit mim zuekünftige gah ringe usäläse:-)
daniel & sibylle 19.01.01= 30.05.2008 / 07.06.2008
|
|
|
muuus am 06.02.2008
Re: marinatal bern?
Hallo Sibylle
Ig fröie mi ou mega druf..mir gö am Samschtig...muess bis am 11 schaffe und nä ab nach Bärn. Mir wärde derte ou Ringe bstelle... Chas würklich chum erwarte.. Vorallem je meh dasi für Hochzyt plane, je weniger mahni uf dä Tag warte..ig bi scho jetzt chli chribelig... 
|
Sibylle am 07.02.2008
Re: marinatal bern?
i wirde ou scho gänz nervös wenn i a dä momänt vor dr chiuche dänke!
hei gester d flitterwuche definitiv buechet maledive vom 14.06. bis 22.06!!
und s brutmodegschäft het mir aglüte mis chleid sig itroffe
weiss gar nid öpis söu gah hole oder dert la muess im april gah a passe?
lg sibylle
daniel & sibylle 19.01.01= 30.05.2008 / 07.06.2008
|
NaRu am 07.02.2008
Re: marinatal bern?
Hallo zäme!!
Mir gö am Samschti Nami, bi scho henne gspannt was me da so xeht.
Mi Zuekünftig chunnt ou mit, bi scho chli überrascht xi, dasi ne gar nid gross ha müesse
derzue überredä 
Sooo, versueche mau chli z schaffe und nid immer nume vor mi häre z tröime! 
Liebi Grüess
|
madmadi  am 07.02.2008
Re: marinatal bern?
Hi
Mer gönd zwar ned ad marinatal, aber i wott glich ou e Kommentar abgä zu däm, wo du, NaRu, gschrebe hesch...
Ich muess mi nämmli ou emmer so zämenä, dassi ned di längschti Zit am Hochzit ome studiere! Genau höt imene halbe Johr werdi äuä ziiiiemlich schlächt schlofe...
Aber hey, gniesse mer's! Die Zit erläbe mer schliesslech (hoffentli) nor einisch i öisem Läbe!
Allne witerhin viel Spass bim Tröime!
Grüessli
madmadi
Ich hürote mi Schatz am 8. August 2008!
|
meitli am 07.02.2008
Re: marinatal bern?
juhu
mir göh am samstig o a d marinatal, zäme miteme andere päärli. fröie mi scho.
grüessli
meitli
|
NaRu am 08.02.2008
Re: marinatal bern?
I wirde de morn aui Froue ganz gnau muschtere, chönnt ja eini vo öich sy
|
Sibylle am 11.02.2008
Re: marinatal bern?
Hallo zäme!
wie het öich d maritnatal dünkt?
bi chli enttüscht gsi, ha mir das viel grösser und nützlecher vorgstellt, weni hätti müesse dr itritt zahle hätmi gloub s geld gröit:-)
hei üsi troumringe gfunde und bsteut, wyssgold mitemene diamant für mi
aber mir wäre süsch de ou zum rhomberg uf lyss gah luege wener nid ar marinatal gsi wäri.
daniel & sibylle 19.01.01= 30.05.2008 / 07.06.2008
|
NaRu am 11.02.2008
Re: marinatal bern?
Huhu!
Mir isches grad chli glich gange wie dir... i gloube für d Ringe isch so ä Mäss sicher nid schlächt, chasch grad vor Ort echli vergliche, aber die angere sache hei mi auso eher chli komisch dünkt... eh ja, wie ou immer. Mir hei ömu ou hübschi Ringe xeh
|
muuus am 11.02.2008
Re: marinatal bern?
Hallo zäme, geit mir gad genau glich..es bizi enttüscht bini auso scho chli gsi..hät meh erwartet gha. Has aber glich no toll gfunde, mir hei ou üsi Ringe bstellt, isch cool gsi so viel chöne probiere und has mega gfunde, dass die Damene vom Rhomberg sich so viel Zyt gno hei und nid gstresst hei. Was mir ou guet het gfalle isch dr Zauberer vor dr Modeschau gsi und ou Modeschau..het zwar nüd drbi gha wo mir würklich gfalle het, aber präsentation isch nid schlächt gsi... Hei glich es paar Idee chöne sammle und sie mitere riese Täsche voll katalög und Prospekt heicho...
|
|
|
1 2
|
Anmelden
