Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Archiv    ›   Archivierte Beiträge    ›   wie wohnt ihr?
wie wohnt ihr?
 1 2 3 4 5
Ivory  am 17.10.2006

wie wohnt ihr?

i nimma a iahr alli wohnen schu mim verlobta zäma. wia gross isch euri wohnig? möchten iahr demnächst zügla?

also i wohna sit bald 2 johr bi mim schatz. dia wohnig isch a 3-zimmer. eigentlich recht kli und nid soooo schön. er hät halt döt vorher allei gwohnt. jetzt denk i isch da zytpunkt do, wo miar zügla wenn. miar händ drum so lang gwartet, wil dia wohnig so verruckt günschtig isch für a 5-zimmer zmizzt ir stadt für 970.-- jetzt suachen miar a 4 1/2- bis 5 1/2 zimmer. as sötti nid tüürer als 1800 si.

aaaber gschieder wär warta bis nochm hochzyt, nid? sust gits an mega stress. oder züglen au no öppert vu eu vor am hochzyt? oder au nochm hochzyt?



kki  am 17.10.2006

Re: wie wohnt ihr?

mir wohned jetzt inere 3.5er zämä. Mir händ aber afange chli uf homegate umeluege für e 5.5er. Vor zwei Mönät hämmer eini gseh wo eus uh guet gfalle hät. Jetzt züglemer uf dä 1. Februar. Ich dänkä das gaht no guet, das git eus kä Stress. Aber lieber 1. Februar als 1. April oder no spöter, will dänn chunnts dänn doch rächt nöch as Hochziit und all die finale Vorbereitige ane.
ich freu mi ämäl mega uf s Zügle!



Ivory  am 17.10.2006

Re: wie wohnt ihr?

so schön... i will au...



Ivory  am 17.10.2006

Re: wie wohnt ihr?

kki isch si denn nid sooo tüür? möchtisch du wieterhin schaffa, und wenn kind kömmen? weisch min schatz seit halt 2000 könn er jo nid zahla als alleinverdiananda. i möcht halt schu gärn as baby sobald wia möglich...



Teenspirit  am 17.10.2006

Re: wie wohnt ihr?

mer wohne jetzt sedme johr inere 2.5 Zimmer wohnig, sie esch mega schöön, aber halt ned grad riisig. Zäme wohne düemmer scho sed 3 Johr. Mer händ eigentli ufe 1. April öppis neus welle sueche, aber jetzt wo das mitem hochsig und so chunnt, warte mer nochli. Im 08 isch mi fründ fertig mit studiere, denn chömmer eus e grösseri Wohnig au leischte, am beschte e 4,5 Zimmer, es isch jo au nachwuchs planed denn :)



sani  am 17.10.2006

Re: wie wohnt ihr?

mir wohne imne 5 Zimmerhuusteil, häi en riese garte - alles scho parat für d familie gründä.



Anasazi

nicht registriert

am 17.10.2006

Re: wie wohnt ihr?

Ech wohne sitt em März mitem Schatz ime neue 6 1/2 Zimmer-Reihehüüsli mit Garte ... wunderschön! Vorhär simer ire 4 1/2 Wohnig gsii, wunderbar vom Panorama här, aber mim Schatz isch sii z`chlii worde... Und da mir glii Nachwuchs plane...hed jede für sich es Büro und zuglich hämer no es Gäschtezimmer...de wäre alli Zimmer usbuecht



Ivory  am 17.10.2006

Re: wie wohnt ihr?

uiiiiiiiii isch dia so günschtig oder sind iahr millionära???



kki  am 17.10.2006

Re: wie wohnt ihr?

Ivory, moll, si isch rächt tüür, aber uuh schön... Ich würd gern ca. 40-50% schaffe au wämmer Chinde händ. Und dänn chömer eus das scho leischte.
Mir hädn eifach e moderni Wohnig welle und e grossi und jetzt hämmer das und defür muess ich dänn halt au schaffe. Aber ebe, ich möcht sowieso schaffe au wämmer Chind händ, will ich das no e gueti Abwächslig finde.
Bi eus isch öppe i 3 Jahr Nachwuchs planet. Bis det hi wüssemer gar nöd was mache mitem 5tä Zimmer



anca  am 17.10.2006

Re: wie wohnt ihr?

Min zuäkünftigä und I wohnäd sit 4 Johr inärä 3.5 Zi.- Wohnig.

Mer händ vo, nochäm hochzit, sis Elterähus z'kaufä und alles umzbauä.
Da hus isch so gross, dass mer no ä zweiti wohnig wönd inä machä, wo den sini Elterä chönd wohnä. Hoffä, das mer alles schaffä, bevor den dä Nochwuchs chunnt.



  1 2 3 4 5

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.

 

 

SERVICE

Werbung platzieren
Kontaktformular
Impressum

WICHTIGE LINKS

Login
Registrierung
Datenschutz