| Abigunterhaltig ohni Tanz und DJ |
|
|
1 2
|
|
Manuela24 nicht registriert am 01.07.2008
Abigunterhaltig ohni Tanz und DJ
Hoi zämme
Puh min Verlobte macht mir d'Planig nöd eifach. 
Er hät zwei Bedingige für dä Abig. 1. wet er uf kein Fall tanze und 2. wet er kein DJ. Er mag die Type nöd und hät eifach s'Gfühl, dass so eine viel Geld isackt und mer en gar nöd brucht, wenn mer nöd tanze will. Ich häts no schön gfunde als Hintergrundmusik, aber ebe.
Ha drum mal welle fräge, was ihr dä ganz Abig so plant händ. Vor allem die Bruutpaar wo viellicht au nöd tanze wänd (gits das überhaupt?).
Ich wet die folgende Sache am Abig mache:
- Diashow vo Babyföteli bis ins Erwachsenelebe (sehr peinlich...)
- Himmelslaterne beschrifte und in Himmel stiege lah (sobalds dunkel isch)
- Es chlises Theater (sin Vater und Brüeder spielet liedeschaftlich Theater)
- Es paar wenigi Spieli (werdet vo dä Trauzüge organisiert)
- Jede söll sich im Gästebuech verewige (inkl. Foti)
- Esse und trinke natürlich nöd z'vergesse... 
Würdet ihr jetzt da no ä Sängerin ilade oder suscht irgend ein Unterhalter? Bin dankbar für jede Tipp. Ich wet eifach uf kein Fall, dass dä Abig langwielig wird, nur will er nöd tanze will und au kein DJ wet.
Lg
Manuela
Mir trauet üs am 29.05.09 & 06.06.09 :-)
|
|
|
dragonfly  am 02.07.2008
Re: Abigunterhaltig ohni Tanz und DJ
Hallo Manuela
Ich war vor einiger Zeit an einer Hochzeit ohne Hintergrundsmusik.. War irgenwie eingenartig.
Ein DJ oder Band macht das Fest irgendwie (meiner Meinung nach) festlicher und ist ein guter Lückenfüller!
Wir werden ein Trio mit Bass, Vocal und Piano haben! Sie sind top und ich freu mich auf ihre Einlagen. Aber beim Tanzen sind wir uns noch nicht sicher.. Obwohl wir beide seit langer Zeit tanzen.. Mal schauen..
Was ansonsten am Abend passiert wissen wir nicht! Das ist top secret und wird vom Tätschmeister unter Verschluss gehalten! *gwunder* 
Griessli
Dragonfly
Wir heiraten am 6. September 2008!
|
madmadi  am 02.07.2008
Re: Abigunterhaltig ohni Tanz und DJ
Mein Mann will auch partout nicht tanzen! Da die Hochzeit ja nicht nur "mein" Tag, sondern der von uns beiden ist, mag ich ihn nicht dazu zwingen (hab's mit überreden versucht - vergebens). Von so DJ's und Alleinunterhaltern halten wir beide nicht allzu viel. Unsere Situation ist also ähnlich... wir haben's folgendermassen gelöst:
Auftrag an Bruder/Schwager, für CD's besorgt zu sein (Stereoanlage ist vorhanden)
Auftrag an Trauzeugen, dafür zu sorgen, dass es nie eigenartig/langweilig wird (Spiele, Darbietungen etc.)
Bezüglich Abendunterhaltung werden wir uns also komplett überraschen lassen. Ich hätte nie irgendwem den Auftrag gegeben, peinliche Fotos von mir zu einer Diashow zusammen zu stellen, bin aber überzeugt, dass so etwas auch kommt... und noch viiiel mehr! Ich weiss nicht viel, aber dass sich unsere Trauzeugen "heimlich" unwahrscheinlich in's Zeug legen, das hab' ich schon mitgekriegt. Ich freu' mich riiiiesig drauf!!!
Daneben werden die Gäste auch nicht "verruckt", wenn sie mal eine Zeit lang plaudern können und nicht immer von Sketches, Musik etc. unterbrochen werden und Musik aus der Anlage lässt sich vielleicht etwas leichter regulieren (Thema Lautstärke).
Des kommt schon juuut!
Grüessli
madmadi
Ich hürote mi Schatz ganz genau 10 Johr nach öisem erschte Koss, am 8. August 2008!
|
|
Mara nicht registriert am 02.07.2008
Re: Abigunterhaltig ohni Tanz und DJ
Für mich wäre ein Fest ohne Musik auch "komisch". Wir haben einen DJ der zugleich auch filmt
und uns den ganzen Tag durch begleitet. Ist ein guter Freund von uns und da denke ich nicht, dass er uns über den Tisch zieht. Ausserdem hab ich einige "Tanzfüdli" bei mir in der Familie. Spiele werden uns wahrscheinlich auch blühen, so was ich so vernommen habe
Unser DJ hat jedoch gesagt, er habe auch schon Hochzeiten erlebt, da wurde er für den ganzen Abend gebucht, konnte jedoch bis auf die Hintergrundmusik überhaupt nix machen da andauernd irgend ein Spiel oder eine Unternehmung lief. Zudem hatten die Hochzeitsgesellschaft ein 9-gang Menue zu bewältigen und dementsprechend keine Lust mit vollem Bauch das Tanzbein zu schwingen.
Mach Dich nicht verrückt, es ist nicht "abnormal", dass ihr keinen DJ oder Tanzmusik haben werdet. Bei Bedarf reicht doch auch eine Stereoanlage wo ihr die Hintergrundmusik laufen lassen könnt???? Ausserdem denke ich, dass bei dem was ihr bereits auf dem Programm habt, die Zeit eh schnell vorbei geht und ihr vielleicht kar keine Zeit mehr hättet für Musikeinlagen oder Tanzbein schwingen
Tamara & Simeon ~01.06.07~09.08.08~
|
Yasi  am 02.07.2008
Re: Abigunterhaltig ohni Tanz und DJ
Hoi Manuela24
bi ois isches ähnlich. Mir wärded kei Band ha, wills bi ois eifach finanziell nöd drinneligt. en DJ wänd mir beidi nöd und tanze chömmer au nöd. mir wärded aber e Playliste zämestelle mit tolle Lieder, wo ois gfallet, vor allem aber au so "Hintergrund-Musig". Villicht wird min Liebste au no sälber öppis iispiele, er spielt und komponiert jo liideschaftlich gern. Die Playliste chame denn per Laptop abspiele und öpper chan das chlii überneh mit de Luutstärchi.
Usserdem wärded oisi Familie und Fründe sicherlich au no für Unterhaltig sorge.
Mir froied ois extrem fescht uf oises Hochzig am 1. August 2009!
|
|
jovia nicht registriert am 02.07.2008
Re: Abigunterhaltig ohni Tanz und DJ
Hoi Manuela
Also in erster Linie isch das nateyrlich immer Gschmacksach und Sach vom Bruutpaar - da du aber da inne schreybsch dänk ich dass dui ai verschiednigi Meinige wettsch ghöre und die ai vertreisch .
Ich für mey Teil finde en Hochzeytsfiir ganz ohni Musig nid toll weil ich eifach finde dass ghört dezue. Mey Ma z.B. tanzt ai nid gärn (ume Hochzeytstanz chund är aber nid drumume ), aber lose tued är dennu gärn. Usserdem find ich eifach dass das Stimmig macht und es paar Gäst und ai ich Freud drah hend. De ganz Abe "nur" Darbietige wär mier persönlich eifach zvill und z'langweylig - ich chans mier ai gar nid vorstelle, han dass nu nie anere Hochzeyt erläbt.
Lost dey Zuekünftig denn ai nid gärn Musig? Und du? Als Kompromiss chennt me ja nu (wie hie inne scho gseihd worde isch) CD's ablah, denn chönd ier aber ai Gest bizzli Sache mitnäh oder wünsche... und es würd doch für Gest d'Möglichkeit bestah sich biz z'bewege dezue...
Wie gseihd, dass isch nur meyni Meinig, wett niemert agreyfe, eifach so biz "usem Nähchästli" plaudere .
Alles Gueti!
zivil verhüratet sitt am 29.02.08
kirchlich folgt am 19.07.08
Editiert 02.07.08
|
Nepi am 03.07.2008
Re: Abigunterhaltig ohni Tanz und DJ
Also, mir wiräd au kei Band/Musig ha. I find äs kunt ufd s Brutpaar und au d Gäst drufa und in weläm Rahmä dass ghürotät wird. Mir tüänd "nur" zivil hürotä und hend ca. 20 Gäst. Für üs ischäs wichtig, dass mir guet und gmüätlich ässäd und üs däzuä nett underhaltät. Sicher wirds no dä einti oder anderi Bitrag/Überraschig geh am Obig. Diä einzig musikalisch Darbietig wird vomnä Bekanntä ko, wo mir beidi vo dem siner Musig Fan sind. Das isch denn aber au scho alles. Ich han kei Angst, dass irgendwelchi Hindergrundmusik fehlä wird.
Guet, ich kann us Erfahrig redä, do i scho mol ghürotät han. Damals kirchlich, mit vielä Gäst und au mit anärä Band. Das isch au in Ordnig gsi, aber brucht het ichs au döt nö.
As kunt eifach druf a, was für än Typ dass mä isch. Wenn mä ä Party und Rambazamba wet, bis in Morgä inä fästä, denn ischäs sicher besser, wenn mä no Musik hät zums Tanzbei schwingä.
|
SwissMiss am 03.07.2008
Re: Abigunterhaltig ohni Tanz und DJ
mir wärde au kei Band oder DJ ha. Ich bi an Hochzyte gsi wo die eifach nur schrecklich gsi sin. Drum wärde mir uf em MP3 Player e Playlist zämmestelle. Isch billiger und mir bekömme genau die Musik wo uns gfallt.
LG
|
Nadine123 am 03.07.2008
Re: Abigunterhaltig ohni Tanz und DJ
Wie bereits jo ein paar Mal geschrieben wurde. Es kommt immer auf die Personen an. Es kann auch eher mühsam sein wenn man die Musik laufen lässt und die Personen reden wollen. Bei uns wird dies eher der Fall sein. Da sich alle kennen und wir ein paar Scherzkeckse darunter haben. Aber die Idee mit dem Laptop und Stereo-Anlage finde ich super. Da kann man Hintergrundmusik anfang und wenn ein paar Lust haben die Hüfte zu bewegen, kann man ander Musik laufen lassen und somit sind sicher alle glücklich. (Und das Budget wird auch nicht überstrapaziert.)
Grüessli
|
|
Manuela24 nicht registriert am 03.07.2008
Re: Abigunterhaltig ohni Tanz und DJ
Hoi zämme
Zerst mal viele liebe Dank für eui Tipps!
Mir händ üs jetzt entschiede, dass mer Hintergrund-Musik laufe lah werdet. Also entweder ab CD oder wie vorgschlage mit ere Playlist uf em Laptop.
Usserdem sind mer no am überlege, ob mer en lustige Unterhalter ahstellet. Dä Vater vo mim Fründ kennt ebe eine und sini Homepage isch no witzig. Würd zu üsere Hochzietsgsellschaft no passe, es lachet alli fürs Lebe gern. Mal luege. 
Lg
Manuela
Mir trauet üs am 29.05.09 & 06.06.09 :-)
|
|
|
1 2
|
Anmelden
