nicht registriert

ds Alter spilt absolut ke Rollä. Houptsach für euch stimmts. Was ds Umfäld seit, isch zweitrangig.

Früächer het me ja mit knapp 20-23gi ghürate. Ig wirde a üsem Hochzit no grad 27gi si. Ä Monet später hani de när der 28gischt Geburi.

Ig ha o äs bitzeli bedänkä ka, wiä d Reaktion si wird. nid unbedingt wägem Alter sonder ender wäg der Längi vo üsere Beziähig. Wo mirs de Eltärä gseit hei, simer 1 Jahr u 3 Mönet zämä gsi. Sis Müäterli heimer komplet überfahre mit dere Nachricht u si het chli Zyt brucht fürs ds kappiere, dass ihre Sohn hüratet. Aber itzä freut si sech höllä, dass si no ä Tochter überchunnt - o wes "numä" ä Schwigertochter isch...

häbet ä schöne Tag

lg soefeli

Zivil: 20. August 2010


Kirchlich: 28. August 2010

• Zitieren

Hoi Zämme

Also bi uns im Umfäld isch es eso, dass d Fraue immer wie spöter hürote will sie zerscht no Gas wänn gäh in dr Karriere oder no en Wyterbildig mache. Dr konservativi Gedanke dass mr hürotet, Chinder kriegt und d Frau Daheim blybt schwindet halt immer wie mehr. (Eigentlich mängisch au echli schad...)

Wenn ich aber an unseri Eltere dänk, sin die grad emol 20 gsi wo sie ghürote hän.
S Mami isch Daheim blybe und dr Papi go schaffe. Das isch halt no d Erziehig vo friehner gsi und hüt im Zytalter vo dr Emanzipation nüm eso.

S Alter sott ächt egal sy, mr cha jo au verhürotet no Karriere mache und spöter Chinder becho oder sogar mit Chind go schaffe wenn mr guet organisiert isch.

Ich freu mich für jede und jedi wo scho so frieh die grossi Liebi gfunde het!!!

• Zitieren

Hallo Chena2

Deswegen sag ich ja: "Ich freu mich für jede und jedi wo scho so frieh die grossi Liebi gfunde het!!!" ist doch egal in wellem Alter man heiratet. Hauptsache es ist der Richtige und man ist glücklich!

LG
Sybille

• Zitieren

das stimmt, viellicht chum ich mer eifach chli bünzlig vor, will mer di erste werdet sii, die i üsem kollegekreis hüürotet. aber ebe, das isch eh nur so es hingspeist vo mir. eigentli freui mi ja total.

• Zitieren