be no froh, dass ou anderi sech so gedanke mached. ha scho gmeint, mer sige irgendwie komisch

mer hürote ou i däm ort, wo mer beidi id schuel gange send. aber i dänke mou, lüt, wo ned iglade send, sötte so wit öberlegge, sech ned uniglade am buffet z bediene. wenn der gueg reserve planed, chöne der jo ou be de gratulatione de einti oder anderi spontangascht no spontanilade - nor, det foht jo scho weder s planigsproblem a... äch wösse der was, mer bstelle eifach mol so veu, dass mer gnueg händ, wenn alli chöme (- es paari, wo ned chöne cho + es paari wo spontan chöme; das goht denn scho irgendwie uf)!

do öise apéro alkoholfrei werd si und öis de "partyservice" en privatperson macht, sötte mer mit de chöschte es bitz under öichne budgets z ligge cho. mer händ jetzt mol a so sache wie meter-sandwich, späckzopf, gmüesdip etc. und en cooli alkoholfreini bowle dänkt, aber mer händ ersch no s gspröch met däm, wo de apéro macht ond dä het velecht no chli spezielleri ideen - i hätt scho no gärn chli öppis bsondrigs, wel's scho kei alkohol git. mer händ ou scho imene andere thread diskutiert, was mer so chönnti gä zum apéro (wenn's öpper interessiert).




Grüessli
madmadi


Ich hürote mi Schatz ganz genau 10 Johr nach öisem erschte Koss, am 8. August 2008!

• Zitieren

hoi zäme
Mir heis so, dass mir kei amäldige hei gmacht für Apéro, wüll so wie Mara schribt, de ghört dr eint oder ander vom Dorf dasme hüratet und chunt spontan verbii.. Mir hei im November de gladene Gäst Iladig verteilt, und im Mai tüemer iladig für Apéro gä, und ou im Gschäft ufmache. De chunt eifach de grad wär lust het verbi.
Mir mache haut ou nüd grosses am Apéro nach dr Chille, hei ä Kühlschrank organisiert voller Getränk (O'saft, Mineral, Bier und Wisswy) derzue gits Snacks wie Chips, Nüssli, Salzstange usw. So längts ganz sicher für alli öpis chlis...
Mir hätte ou Möglichkeit bi üs vomene Becker es Apéro la zmache, Pauschal 1'500 Franke mit Getränk, Partybrot, Apérogebäck usw. aber das lömer usse, wüll mir nä zum Partyrum (Schützehus) gö, und derte nomau es Apéro mache mit Ballonwettflüge, aber das de nume no für die gladene Gäst, und so dient üs Apéro Nr. 2 ou gad chli als Vorspiis, wüll später mache mir eifach öpis wie es Grillfest.. also es git vom Grill und Buffet...

• Zitieren

nicht registriert

Ok, also eg be scho froh beni mit dene "hochziitssörgeli" nid elleini

guet, wenns hert uf hert chund am Apéro muess me halt improvisiere. Be üs wirds üsi Stammbeiz mache und do dänki die dönd au nid all zu kompliziert. Eifach gnueg rächne de verhungeret bzw. verdurschtet scho niemert

muuus-das Agebot vom Bäcker esch jo hammer! Aber wie du seisch, für die gladne Gäscht wärs denn eventuell chli vöu.

madmadi-die Idee mitem alkoholfreie gfaut mer irgendwie! Chönnti mer au no vorsteue. De chömmet d Gäscht nid scho aagsüselet zum Fäscht
Wie hend ehrs denn bim Znachtässe, dört au alkoholfrei?


Tamara & Simeon ~01.06.07~09.08.08~

• Zitieren

@Bettina
Du bisch nid diä einzig wo so wit in vorus planät. Ich han au scho sgfüll gha ich seg diä einzig wo si wit im vorus planät. Zum glück nid ;-)
Mir hüratäd am glichä Datum wie ir und ihr glichä Region. Ich bin ä ehemaligi Pfäffikeri und wohnä jetzt in Uster. Sit wänn sind Ihr dänn in Russikä dihei?
Liebs Grüässli
Pilz

Editiert 21.02.08

• Zitieren