| Apéro beenden? |
|
|
1 2
|
aengeli  am 08.05.2009
Apéro beenden?
Hallo
Wie heit Dir das bim Apéro wenns fertig isch, resp. wenn me mit de gladene Gäst so langsam richtig Fest-Lokal ufbricht. Do chame ja d'Apérogäst nid eifach userüehre? Mir händs Apéro imene Restaurant.
Vilech isch das ja ou chli e blödi Frag, aber das isch mr gester vorem ischlafe plötzlich i Sinn cho...
Lg
|
|
|
Frangipani  am 08.05.2009
Re: Apéro beenden?
Hoi Aengeli
Also ich glaube, normalerwiis tüend entweder d Trauzüüge oder dä Tätschmeister akündige, dass jetzt die gladne Gäst langsam wiiter müend.... und wahrschinli gits ja au ab irgend eme ziitpunkt kei neui häppchen und z trinke meh chönti mir vorstelle 
ich weiss nöd wie ihr das gmacht händ, aber viel schriibed ja amigs au no d ziite uf d iiladig, so dass d lüt ja au ungefähr wüssed, bis wenn dä apéro öppe gaht und wenn dass s nachtässe wür afange...?
|
aengeli am 08.05.2009
Re: Apéro beenden?
@ frangipani
Zyte hei mr denne äbe keini gnaue uf d Iladige gschriebe.. aber das wird denn öppe scho klappe. Üsi Tätschmeisterinne wärde de das wohl im Griff ha... 
Je nöcher z Hochzyt rückt, desto meh chöme mr so Sache wie das i Sinn, wo eigetlech ganz logisch wäre, aber irgendwie machi mr äbe de när immer zviu Gedanke... isch ja aber hoffentlich sicher normal..
Es rückt immer nöcher --- mir freue üs wahnsinnig ufe 3. Juli 2009!
|
Frangipani am 08.05.2009
Re: Apéro beenden?
Ja das isch scho so, mir gahts genau glich!! ich überlegg mir au uu viel so sache wonin plötzlich dänn uu unsicher wirde... 
Aber ich wür jetzt mal säge, dass d Tätschmeisterinne da scho werded luege dass de Ablauf klappet. Für das sind sie ja schliesslich da!
|
bruetli  am 08.05.2009
Re: Apéro beenden?
hallo zäme,
bi eus isch es so, dass mir än paryservice händ und die hald nur so viel gebäck händ wie mir bstellet. Irgend wänn wirds dänn nüt meh ha... Oder ebe suscht sind dänn trauzüge oder tätschmeiter verantwortlich (mir uf jedefall nöd ).
Wir lang gaht bi eu den de apéro? bi eus isch er ebe mega lang, will mir no währendem apéro go fötele gönd, ich dänk so vom 15.15 bis 18.00. Ich hoffe dass es de gescht nöd langwillig wird, vorallem die wo no zum esse iglade sind, die münd ja fascht so lang blibe...
Wie mached ihr den das mit em apéro???
Liebi grüässli
brütli
|
aengeli am 08.05.2009
Re: Apéro beenden?
@bruetli
üse Apéro geit vo öppe 15.30 - ca. 18.00/18.30, mir hei bim Fest-Lokal gseit, dass mr so gäg 19.00 wörde acho..
I dänke aber nid, dass es de Gäst langwilig wird. I gloube, dass die Zyt enorm schnäll wird verbigah. Und ou d Gäst wärde underenand au gnueg Gsprächstoff ha..
Es rückt immer nöcher --- mir freue üs wahnsinnig ufe 3. Juli 2009!
|
Frangipani am 08.05.2009
Re: Apéro beenden?
hoi zäme
mir händ für dä apéro 3h planet. es wird sicher die eint oder ander unterhaltig scho am apéro geh, u.a. werded mir d hochziitstorte am apéro serviere. bi au scho ame hochziit iglade gsi wo de apéro au 3h gange isch, und die ziit isch extrem schnell verbigange, und d lüt händ sich ganz und gar nöd glangwiilet... wür mer also da kei sorge mache! lieber eher chli länger apéro iiplane als dänn no in stress cho händ mir eus gseit...
|
bruetli am 08.05.2009
Re: Apéro beenden?
sind den ihr die ganz ziit am apéro oder gönd ihr au no go fötele währendem apéro??? Ich dänke mal das mehr sicher 1 1/2 stund münd fürd fotene iplane... die sind mer sehr wichtig und ich hoffe nur das ich dänn nöd so gstresst wird sie, will ich sgfühl han das mer wieder zu de gescht münd??!!
|
Frangipani am 08.05.2009
Re: Apéro beenden?
mir werded wenig bis kei föteli mache am apéro. mir mached erstens gar kei gruppeföteli, und euses shooting händ mir nöd während em apéro. eventuell gits spontan no bi schönem wätter es chlises brutpaarshooting, aber für das hämmer dänn immer no ziit
|
|
Inessa nicht registriert am 08.05.2009
Re: Apéro beenden?
Wir haben keine Endzeit auf die einladung geschrieben, ich hoffe der Tafelmajor beendet dass dann. unser apéro wird vorausscihtlich von 15:00 - 18:00 gehen. die fotos von uns und trauzeugen machen wir vorher, die fotos mit gruppen / familie machen wir beim apéro aber der ist ja lang genug. wir möchten den apéro auch gern selbst erleben deswegen machen wir unsere fotos vorher.
*Das Deutsch-Schweizer Bündnis startet am 29. Mai 2009 mit der zivilen Trauung
& erreicht seinen Höhepunkt am 30. Mai 2009 mit dem kirchlichen Segen
|
|
|
1 2
|
Anmelden
