| Apéro beenden? |
|
|
1 2
|
Schoseli  am 08.05.2009
Re: Apéro beenden?
Halloo
be eus esch es e so das mer es Schiff gmietet hend. senn hemer en halb stund zum i stiege und denn 1 Stund 1/4 Rundfahrt und denn weder en halb Stund zum usstiege!
aso so zäge vom 15.30 Uhr bes am 18.45 Uhr…. denn möchid mer vor em KKL in Luzern
no es Groppeföteli und denn gönd die gladne Gäste no en Stadtrundfahrt go mache met em Citytrain
und s Brutpaar goht met dä Trauzüge no go Föteli mache uf d Kappelbrogg!
aso mer hend leider au net so vell zit met dä apero Gäst!
LG
heiraten am 20.08.2009 & 22.08.2009 in Liebe
|
|
|
aengeli  am 08.05.2009
Re: Apéro beenden?
mir machet d fotine vo üs und ou die mit de gladne Gäst vor dr Trouuig.. Drum wärde mir scho di ganz Zyt bim Apéro si, dass isch mir sehr wichtig..
Es rückt immer nöcher --- mir freue üs wahnsinnig ufe 3. Juli 2009!
|
Nadine123 am 11.05.2009
Re: Apéro beenden?
Bei den Aperos wo ich war war das eigentlich klar. Man war ja schon 2-3h da und die Trauzeugen oder so haben dies erwähnt und dan fuhr langsam (1/4 bis halbe Stunde) das Auto vor und die geladenen Gäste verliesen auch die Location. Was sollte man da noch machen. Ist ja wegen den Paar da gewesen und wenn noch ein paar länger bleiben ist doch das auch nicht so schlimm. Im gegenteil 
|
Braut2013 am 03.02.2013
Re: Apéro beenden?
Guete Morge zäme!
I tue mal e Frag, wo da scho vor lengerer Zit mal gstellt worde isch, wider fürehole. Da's bi üs oscho nüm lang geit bis zu üsem grosse Tag, fahnimir o langsam so "Detailgedanke" afa mache. Und zwar hani mi o gfragt, wimer das sölle mache, dass d Lüt nach üsem 2 stündige Apéro wüsse, dass jetz fertig isch (mir hei dr Ruum o nur für 2.5 Stund gmietet und dr Caterer muess ja de no chönne ufruume) und mir mit de gladene Gescht witer gö. Wie machet dir das? Muessme da als Brutpaar e Red halte und sich verabschide vo de Lüt? Oder seit dr Trouzüge öpis? Und wie macht me das, wenn 100 Lüt da si, dass dr Trouzüge d Ufmerksamkeit überchunnt? Und tuetmes ersch grad 10 Minute vorhär aakünde oder scho früener, dass nid alli grad sofort use müesse stürme..? I stelle mir alles so blödi Frage, wo für öich villech sälbschtvertständlech si..chöit dir mir Tipps gä?
|
saerli  am 03.02.2013
Re: Apéro beenden?
Hallo Braut2013
I glaube i euchere Situation wärs doch am beste, wenn de Tätschmeister oder so churz vor euchere "Abreis" i di nächst Location churz alli zämerüeft ond seit, dass sBrutpaar ond die gladne Gäst ide nächste paar Minute wärde dApéro Location verloh ond dass die übrige Apérogäst no chöned e halb Stund blibe oder so, bis dLocation zu goht.
Mer händ uf eusere Website gschrebe gha, vo wenn bes wenn de Apéro duuret. I glaub aber, dass die meiste Gäst ca. 15 Minute nach eus, au gange send. So hanis au scho bi vellne ghört, dass dApérogäst amig nöm so lang mached.
|
valey am 04.02.2013
Re: Apéro beenden?
Halli Hallo
aso i ha mer do gar kei gedanke gmacht gha...
i has selber mal erlebt dass wenn de s brutpaar goht und die gladene gäst de gönd die wo nur am apero send automatisch au..
aber sett me as brutpaar denn nomol sich bi allne verabschide?? 
|
|
Lus nicht registriert am 25.02.2013
Re: Apéro beenden?
I bi mau ame Hochzyt gsi u dete isches so gange:
Nach guet 3h Apero! (seeehr lang) hei d Trozüge gseit, fürs Brutpaar göngs itze witer. s isch denn öppe 16.00 Uhr gsi. die gladnige Gescht söuesech am 17.00 im Restaurant sowieso ifinde. d fahrzyt zu däm restaurant isch vom apero bis dete äne knapp 5minute gsi... de heimer dänkt mir blibe eifach no chli u gönge de. denkste. i däm momänt wos brutpaar zum hus us isch heisi afa ufruume.. s het weter z trinke no schsch öppis meh gäh... ein absolutes nogo. mir si de mit es paarne ine beiz dete womer guet kenne no ga nes bier trinke i garte use und de uf die 5e ir restaurant...
bi üs wird dr trozüge säge, ds brutpaar göng itze witer.... u i dänke, die andere gescht gö när automatisch ou... machemer da nid so gedanke
|
|
|
1 2
|
Anmelden
